უფალი ბრძანებს: ვინც არ დაიბადოს მეორედ და არ მოინათლოს წყლისგან, სულისგან და ცეცხლისგან, ვერა იხილოს სასუფეველი ცათაი. წყლისგან ნათლობა ეს არის, როდესაც ადამიანი სამჯერ შთაიფლობა წყალში მამის, ძის და სულიწმინდის სახელით. ამ დროს მას ეპატიება ყველა პირადი ცოდვა მის მიერ ჩადენილი და რაც მთავარია, მემკვიდრეობით გადმოსული ცოდვებიც კი. ის ხდება წმინდა, როგორც ანგელოზი უფლისა.

სულისგან ნათლობა კი არის, როდესაც ადამიანს წმინდა მირონი წაეცხება შუბლზე, თვალებზე, პირზე, ყურებზე, გულზე, ხელებზე და ფეხებზე.

წმინდა მირონის ცხებით ღმერთმა დაბეჭდა ადამიანი მარადიული ცხოვრებისთვის, რითაც შეიცვალა ძველი აღთქმისეული წინადაცვეთა. მირონცხებით გადმოსული მადლით კი ადამიანი ადვილად წვდება სახარების სიბრძნეს, მასზე გადმოდის სულიწმინდა.

ხოლო რაც შეეხება ცეცხლით ნათლობას, ეს პროცესი მთელი ცხოვრება მიმდინარეობს. ეს არის ჯვარი, რომელსაც უფალი მოგვცემს, ოჯახს შევქმნით თუ სასულიერო ცხოვრებით ვიცხოვრებთ. აგრეთვე გააჩნია ესა თუ ის ადამიანი რა ცხოვრებისეულ მდგომარეობაში იქნება.

სამწუხაროა, რომ ზოგიერთი ადამიანი უფლის მიერ მიცემულ ჯვარს გვერდზე გადადებს და ამცხოვრებისეული სიკეთეებით ერთობა. არ აქცევს ოჯახს, შვილებს, ცოლს და სხვას, ყურადღებას…

ამცხოვრებისეულ სიამეებში ეფლობა, ცხოვრობს, ილუზიას იქმნის თითქოს სამოთხეშია.

ასეთ ადამიანზე კი ამბობს უფალი: ვინც მოიპოვოს თავი თვისი, მან დაკარგოს იგი.

ჩვენ ხშირად გვისვამენ კითხვას იმის შესახებ, ცხონდება თუ არა სხვა რელიგიის წარმომადგენლები. ეს ძალიან მძიმე კითხვაა და მე ვფიქრობ, ამ კითხვით შეიძლება გასცე პასუხი მთელს კაცობრიობას – ქრისტეს შობით, განკაცებით, ჯოჯოხეთში ჩასვლით, იქედან მართალი სულების ამოყვანით, აღდგომით, ამაღლებით, მამასთან და სულიწმინდასთან გვერდზე ჯდომითა და სულიწმინდის გადამოსვლით ქვეყანასა ზედა. ის, რომ ღმერთი განკაცდა და მან მიიღო ადამიანის სული და ხორცი სრულიად, ეგ უკვე ნიშნავს იმას, რომ ვერცერთმა ადამიანმა ვერ შეძლო სასუფეველში შესვლა ქრისტეს გარეშე, რამეთუ არ არსებობს ადამიანი, არც ახლა და არც წარსულში, ცოდვის გარეშე. თვით იოანე ნათლისმცემელიც კი, რომელსაც არანაირი ცოდვა არ ქონდა, ქრისტეს გარეშე ვერ შევიდოდა სასუფეველში. რადგანაც ყოველ ადამიანს მოყვება მემკვიდრეობითი ცოდვა ადამ და ევასგან მოყოლებული და მისი წინაპრებით დამთავრებული და კიდევ მის მიერ ჩადენილი უამრავი გადაცდომა.

უფალი ბრძანებს, რომ წინასწარმეტყველნი და წმინდანნი ორი მცნებით დადიან: გიყვარდეს ღმერთი შენი ყოვლითა გულითა შენითა და ყოვლითა გონებითა შენითა და ამის მსგავსი მცნება: გიყვარდეს მოყვასი შენი ვითარცა თავი შენი. ესეიგი გიყვარდეს ღმერთი და ადამიანიო ყველაზე მეტად, ამბობს ღმერთი იესო ქრისტე.

ეს არის ჯვარი – სიყვარული ღმრთისა და სიყვარული ადამიანისა. მხოლოდ ეს ამარცხებს ეშმაკს, ეს იქადაგა იესო ქრისტემ და სამწუხაროდ, ამ ჯვარზე გააკრა კაცობრიობამ ღმერთი. ყოველივე ეს ამტკიცებს იმას, რომ ვინც არ აღიარებს ჭეშმარიტ სარწმუნოებას, ჭეშმარიტ ღმერთს და არ შეიყვარებს მოყვასს ანუ ადამიანს, სამწუხაროდ, ვერ იხილავს ცათა სასუფეველს, ასე ბრძანებს უფალი ღმერთი, ძე ღმრთისა იესო ქრისტე.

ეშმაკი და ბოროტება სულიერი ვირუსია, რომელიც პირველად გაჩნდა ნათლის ანგელოზში და იგი აქცია ბოროტ სულად. ამ სულის სახელია ამპარტავნება და უამრავი სხვა ბოროტი სახელი.

ღმერთმა გვაჩვენა თუ როგორ უნდა ვცხონდეთ, რომ ეს გზა ჩვენც უნდა გავიაროთ – ვიცხოვროთ სხვისთვის, ადამიანებისთვის და გვწამდეს ღმერთი სწორად.

მინდა ვისურვო და ვინატრო, ღმერთს ვთხოვო, რომ ყოველ ადამიანს მისცემოდეს ნიჭი ჭეშმარიტი რწმენისა და სიყვარულისა, რომელიც არის ღმერთი მამა ყოველთა, ყოვლადწმინდა სამება.ამინ.

იოსები, მიტროპოლიტი შემოქმედელი.

მოიწონეთ და გააზიარეთ სტატია:

მსგავსი სტატიები

  • 82
    ღირდა ეს სიკეთე პატარების გულთა გასახარადსიკეთე მადლია, კეთილი საქმე - დალოცვილი. დალოცვა წყალობაა ადამიანთა გულებისკენ მიმართული, მათივე გულებიდან წამოსული და, რაც მეტია ლოცვა და დალოცვა, მით მეტია სითბო, რომელსაც გასცემ და იღებ თავადაც. ცივი და წვიმიანი ამინდის მიუხედავად, საოცარი ემოცია ახლდა სოფლის ორღობეს აყოლილი გზის მგზავრებს. მგზავრები კი ოზურგეთის მოზარდ მაყურებელთა თეატრის სამხატვრო ხელმძღვანელი და…
  • 78
    ქართველობით თამაში რაღაა...საქართველოს მიწის შვილობა არც რაიმე პრივილეგია, ან სასჯელი არასდროს ყოფილა. იყო უამრავი განსაცდელიც და დიდი სიყვარულიც. ქართველობაც ამ მოვლენებსა და გრძნობებში ნაწილდებოდა ოდითგან. აქვე ოდითგან მოყოლებული, უცხოვრიათ და ცხოვრობენ  სხვადასხვა ერისანი ათობით, ასობით, ათაობით. ან რად არ უნდა ეცხოვრათ, ყველა ერს ხომ თავისი სიფაქიზე, თავისი ღირსება გააჩნია და ამ დალოცვილი…
  • 78
    აქ ჯერ კიდევ დიდია კავშირი, დუმბაძისეულ თხრობასა და აქაურ სინამდვილეს შორისკორცხოულას მთაზე ამოგორებული მზე კარგა ხნის დაპატრონებული იყო ნაავდრალი მთის ფერდობებს. დედამიწა თავის ფიქრებს, ორთქლის ფთილებად უშვებდა ცისკენ. ლაშის ღელეც წყნარად მიიკვლევდა გზას ბარისკენ. ცისკენ ხელებაწვდილი, ფოთლებშემოძარცვული ხეები მზეს ეფიცხებოდნენ და  უყვებოდნენ თითქოს, მთისა და ბარის ამბებს. ამ მშვენიერ ხეობას შეყოლილი გზიდან  გურული სოფელი შემოგყურებს თავისი ხიბლითა და სევდით. აქ,…
  • 70
    რისთვის მოდიან?  1918-1921 წლებში გამოდიოდა გურიის ერობის გამოცემა_გაზეთი „გურიის ხმა“. გთავაზობთ ამ გაზეთში დაბეჭდილ სტატიას „რისთვის მოდიან“: „შესაძლებელია ზოგ გულუბრყვილოს, რომელიც თავის თავს კომუნისტს უწოდებს, ჰგონია, რომ კარზე მომდგარ რუსის ლაშქარს, მოაქვს ჩვენს სამშობლოში მშვიდობა და ბედნიერება, თითქოს მისი საქართველოში შემოსევის მიზანია ქართველი მშრომელი ხალხის ვიღაცის მონობისაგან განთავისუფლება, ჰგონია, რომ რუსის…
  • 68
    მსოფლიოს ერთ-ერთი  ყველაზე მტკივნეული გლობალური პრობლემა ძალადობაა ქალების და ბავშვების მიმართ.პროექტი  „ბავშვთა და მოზარდთა  მიმართ ძალადობის პრევენცია“-  ხორციელდება  „ საქველმოქმედო კავშირი-ქალთა ცენტრის და ძდექ-ის გურიის რეგიონალური კომიტეტის თანამშრომლობით. პროექტის ფარგლებში  სკოლის პედაგოგებისა  და საბავშვო ბაღების აღმზრდელთათვის  კაჭრეთში ,სასტუმრო „ამბასადორში“,  ჩატარდა სამ დღიანი ტრენინგების კურსი,რომელსაც  უძღვებოდნენ:  საერთაშორისო ექსპერტები: ია ვერულაშვილი,პროფესორი, ორგანიზაცია „კავშირი-ქალთაცენტრი“. „ბავშვთა მიმართ ძალადობა, ოჯახში ძალადობის ნაადრევი იდენტიფიკაციის მეთოდების გამოყენება…