_ საქართველოს ეროვნული ჩემპიონატის სასტარო შეხვედრა ძალიან კარგად ვითამაშეთ.შეხვედრას ჩვენი კლუბის საპატიო პრეზიდენტი არჩილ თალაკვაძე ესწრებოდა. მოტივაცია კიდევ უფრო გაგვიორმაგდა და შედეგიც სახეზეა, თბილისში, გასვლით მატჩში „პლატო არენაზე“ „დევებთან “ 5 ლელო დავდეთ და საბოლოოდ 27:5 დავამარცხეთ მეტოქე. ერთი ლელო ჩემს ანგარიშზეა -უთხრა გაზეთ „ალიონს“ ოზურგეთის „არწივების“ მე-15 ნომერმა ლევან ხუროშვილმა, რომელიც ადრე თბილისის „ყოჩების“ და შემდეგ პოლონეთის „არკა გდინიაში“ გამოდიოდა და ევროტურნირზეც აქვს ნათამაშევი.
ბონდო ღლონტი, ოზურგეთის რაგბის კავშირის პრეზიდენტი: _ძალიან სასიხარულოა, რომ ეროვნული ჩემპიონატის პირველი შეხვედრა მოვიგეთ. იცით, შარშან პირველ ლიგაში 17 ქულით მე-7 ადგილი დავიკავეთ. წელს მნიშვნელოვანი ცვლილებები მოხდა გუნდში. მთავარ მწვრთნელად ქუთაისის „აიას“ ყოფილი წამყვანი რაგბისტი, საქართველოს ნაკრების ყოფილი წევრი კახა მაჩიტიძე მოვიწვიეთ, რომელიც მანამდე საბერძნეთის ერთ-ერთ სარაგბო კლუბს წვრთნიდა. ფაქტიურად ახალი შემადგენლობა გვავს. გუნდში ლეგიონერები გვყავს. გამოცდილი რაგბისტები მოვიწვიეთ ბათუმიდან, ქუთაისიდან, თბილისიდან, თუმცა გუნდის უმეტესობას ადგილობრივები შეადგენენ. ჩემპიონატის დაწყების წინ, 5-დღიანი შეკრება დაბა ურეკში გავიარეთ. მხარში გვიდგას ადგილობრივი მუნიციპალიტეტი, კლუბის საპატიო პრეზიდენტია არჩილ თალაკვაძე, რომლის თანადგომა დიდ სტიმულს აძლევს გუნდს. დიდი კონკურენცია და ვეცდებით წარმატებას მივაღწიოთ _ გვითხრა ბონდო ღლონტმა.
„დევებთან“ შეხვედრაში 2 ლელო გოჩა ჯიქიამ, თითო ნუკრი თერსელიძემ,შოთა ცეცხლაძემ და ლევან ხუროშვილმა დადეს“.
მორიგი შეხვედრა მომავალი კვირის ბოლოს ჭაიათურაში, ადგილობრივ „იმერეთს“შეხვდება.
p.s. ფოტოები საქართველოს პარლამენტის თავმჯდომარის არჩილ თალაკვაძის ფეისბუქგვერდიდან ავიღეთ. იგი პირველი გამოეხმაურა ოზურგეთის „არწივების“ წარმატებას.
მსგავსი სტატიები
- 45
ეს ამბავი თუ ჰიპოტეზა გაჟღერდა 2019 წელს,როცა ბახმაროში ჩამოვიდა ვინმე იური გუდი,რომელის ირწმუნებოდა,რომ ებრაელთა ,,აღქმის კიდობანი“ დამარხული იყო ბახმაროში.ქვემოთ ერთ სურათზე ნაჩვენებია ეს მთა ფაფარა.ამას მაშინ აზრთა დიდი სხვადასხვაობა მოჰყვა.გუდი ითხოვდა გათხრების წარმოების ნებართვას მაგრამ ამას ვერ მიაღწია. შემდეგ მან დაამზადა ტურისტული რეკლამა და ბათუმიდან ცდილობდა მოეზიდა ტურისტები და ენახვებინა… - 39
დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი, ამირან გამყრელიძე მიმართვას ავრცელებს. გამყრელიძემ დაავადებათა კონტროლის ეროვნული ცენტრის საქმიანობა შეაფასა და მიღწეულ შედეგებსა და დაგეგმილ პროექტებზე ისაუბრა. ის მიმართვაში კოლეგებს საქმიანობისთვის მადლობას უხდის. „ძვირფასო კოლეგებო, პარტნიორებო, მეგობრებო, მაქვს პატივი კიდევ ერთხელ მოგმართოთ, როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის… - 36
საქართველოს პარლამენტის თავმჯდომარის თანამდებობაზე კახა კუჭავა 86 ხმით აირჩიეს. კენჭისყრის პროცედურამდე, კახა კუჭავამ კოლეგებს სიტყვით მიმართა და ქვეყნის ინტერესებისთვის ერთობლივი ძალისხმევის მნიშვნელობაზე, უმაღლესი საკანონმდებლო ორგანოს საქმიანობის პრიორიტეტულ მიმართულებებზე, საქართველოს დასავლურ ინტეგრაციასა და გამოწვევებზე ისაუბრა. „მჯერა, რომ დღეიდან ჩვენ ვიწყებთ საპარლამენტო ცხოვრების ახალ ეტაპს - შედგა მრავალპარტიული პარლამენტი, ოპოზიციის ფართო სპექტრის მონაწილეობით, რაც იმას ნიშნავს,… - 33
სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის, ილია II-ის საშობაო ეპისტოლე: „საქართველოს წმინდა მართლმადიდებელი ეკლესიის წევრთ, მკვიდრთ ივერიისა და ჩვენი ქვეყნის საზღვრებს გარეთ მცხოვრებ თანამემამულეთ: „იხარებდით მართალნი, მხიარულ იყვენით ცანი, იმღერდით მთანი, მეუფე იშვა, ქრისტე, ქალაქსა დავითისსა, ბეთლემს ჰურიასტანისასა“ (უძველესი იადგარი) მოვედით ერნო, რათა მადლიერებით მოვიხსენოთ ადამიდან… - 33
საგარეო საქმეთა სამინისტრო 2008 წლის აგვისტოს რუსეთ-საქართველოს ომის მე-13 წლისთავთან დაკავშირებით განცხადებას ავრცელებს. როგორც განცხადებაშია აღნიშნული, რუსეთის ფედერაცია კვლავ განაგრძობს საქართველოს რეგიონების _ აფხაზეთისა და ცხინვალის რეგიონის/სამხრეთ ოსეთის ოკუპაციასა და მილიტარიზაციას. ამასთან, საქართველოს ოკუპირებულ ტერიტორიებზე დღითიდღე უარესდება ადამიანის უფლებრივი მდგომარეობა. „2008 წლის 7 აგვისტოს 13 წელი შესრულდა რუსეთის ფედერაციის მიერ…