დღეს, ქ. ოზურგეთში, ზვანის სარაგბო მოედანზე ოზურგეთის „არწივებმა“ თბილისის „დევებს“ უმასპინძლეს. ეს მატჩი ადრე უნდა გამართულიყო, მაგრამ პანდემიის გამო გადაიდო.

ოზურგეთელმა მორაგბეებმა დიდი მონდომებით ითამაშეს და მეტოქე სასტიკად დაამარცხეს 98:0.

პირველი ლელო შეხვედრის მე-5 წუთზე ლაშა ხმელიძემ დადო. შემდეგ „დევებმა“ არწივების“ შეტევებს ვერ გაუძლეს და კიდევ 14 ლელო მიიღეს.

2-2 ლელო დადეს _გიორგი ბეჟანიძემ, მირზა შაინიძემ. თითო ლელო _ ნუკრი ფერსელიძემ, ლევან კოჩალიძემ, შოთა ცეცხლაძემ, ლექსო აბუსელიძემ, ლაშა ზაქრაძემ, მამუკა ჩანჩიბაძემ, ილია არობელიძემ, ზურაბ ჯონჯონაძემ.

კვლავაც თავი ისახელა ლევან ხუროშვილმა, რომელმაც ერთი ლელო დადო, 1 ჯარიმა და 10 გარდასახვა შეასრულა და 33 ქულა მოუტანა გუნდს.

„არწივებს“ ამ მოგების შემდეგ 18 ქულა აქვს და გათამაშების ცხრილში მე-3 ადგილზე  იმყოფება. პირველი ლიგის გათამაშებას სტეფანწმინდის „ყაზბეგი“ ლიდერობს _34 ქულა; 22 ქულა აქვს სამცხე-ჯავახეთის ტაოს“, თუმცა „არწივებს“ კიდევ 2 გამოტოვებული შეხვედრა აქვს გასამართი.

როგორც კლუბის პრეზიდენტმა ბონდო ღლონტმა გვითხრა, სამშაბათისთვის ეცოდინებათ, როდის გაიმართება სტეფანწმინდის ყაზბეგთან“ და ჭიათურასთან  მატჩები.

მოიწონეთ და გააზიარეთ სტატია:

მსგავსი სტატიები