საქართველოს ფოლკლორის სახელმწიფო ცენტრის ინიციატივითა და განათლების, მეცნიერებისა და სპორტის სამინისტროს მხარდაჭერით ხორციელდება პროექტი „ხალხური საღამოები“.გუშინ ხალხური სიმღერების საღამო ოზურგეთის ფოლკლორის ცენტრში გაიმართა.
როგორც ფოლკლორის სახელმწიფო ცენტრის დირექტორის მოადგილე ელიზბარ ხაჩიძემ გვითხრა, პროექტის მიზანია ქართული ხალხური სიმღერების ხელშეწყობა, შენარჩუნება და პოპურალოზაცია, ტრადიციული შემსრულებლების მხარდაჭერა.ამ მიზნით მათ ორლაინ რეჟიმში, კონცერტებს ჯანდაცვის სამინისტროს მიერ შემუშავებული რეგულაციების დაცვით ატარებენ . უკვე ჩაატარეს 9 კონცერტი, სადაც 14 ანსამბლმა, 2 ინდივიდუალურმა შემსრულებელმა, ერთმა საოჯახო ანსამბლმა მიიღო მონაწილეობა. იმის გათვალისწინებით, თუ რა პოტენციალი აქვს გურიის რეგიონს, მისი თქმით ერთი კონცერტი ოზურგეთის ფოლკლორის ცენტრშიც დაგეგმეს.
კონცერტში მონაწილეობდნენ ოზურგეთის სალოტბარო სკოლის მასწავლებლები: ვასილ ცეხლაძე, ტრისტან სიხარულიძე, ლაშა ჩხარტიშვილი, გურამ გუნთაძე, ნათია გორდელაძე. სალოტბარო სკოლის მოსწავლეები ბარბარე სოსელია და ლუკა გაგნიძე.
როგორც საღამოს წამყვანმა სალომე ცისკარიშვილმა განაცხადა, ფოლკლორის ცენტრი უერთდება გლობალურ კომპანიას ქალთა ძალადობის წინააღმდეგ, რომელიც 10 დეკემბრამდე გაგრძელდება.
კონცერი გახსნა ტრიო „ლაზარემ“ (ვასილ ცეცხლაძე, გიორგი კუჭუხიძე, გიორგი აკობაძე, მოსწავლე ლუკა გაგნიძე) მათ შეასრულეს : „წირვის მხოლოდშობილი“, „იოანე ნათლისცემლის თავისკვეთის კონდაკი,“„შობის ძილისპირული.“
შემდეგ სცენაზე ცნობილი ტრიო „შალვა ჩემო“ გამოვიდა (ტრისტან სიხარულიძე, მერაბ კალანდაძე, ლევან ნინიძე). მათ რეპერტუარში „აბა დარუჯან,“„ჩვენ მშვიდობა,“ და „სისონა დარჩია“ იყო.
კონცერტზე გენდერული ბალანსი დაცული იყო და ფოტინე გორდელაძის „რეხეული“ გამოვიდა თავისი რეპერტუარით.
„სხვადასხვაგვარი სიყვარული,“ „ნატვრა,“„დათვის წვეულება,“ ებრაული ხალხური სიმღერა „დურმე, დურმე,“წარმოადგინეს. ხოლო ბარბარე სოსელიამ თავის მასწავლებელ ნათია გორდელაძესთან ერთად „შალვა ჩემო“ იმღერა.
ანსამბლი „შემოქმედი“ (ხელმძღვანელი ლაშა ჩხარტიშვილი) პოპულარული გურული ფოლკლორით წარსდგა ორლაინ მაყურებლების წინაშე: „ორირა,“„დილა“, „ნადური“… შემდეგ ქართველების საგალობელი „შენ ხარ ვენახი“ იმღერეს.
კონცერტის „ჭერის ახდა“ იყო „შემოქმედის“, ტრიო „შალვა ჩემოს“ და ამ კონცერტის რეჟისორის, ანსამბლ „ბასიანის“ წევრის ელიზბარ ხაჩიძის ერთობლივი „ხასანბეგურა“.
მომდევნო 5 კონცერტი კი ქ. თბილისში გაიმართება.
მოიწონეთ და გააზიარეთ სტატია:

მსგავსი სტატიები

  • 40
    ქართული მოვალეობის შემსრულებელი"ქართული მოვალეობის შემსრულებელი" 1921 წლის თებერვალში ევაკუირებულმა მენშევიკურმა მთავრობამ საქართველოდან დროებით გაიტანა საბანკო ვალუტა, სამუზეუმო განძეულობა,დამფუძნებელმა კრებამ სამუზეუმო განძის მეთვალყურეობა ექვთიმე თაყაიშვილს დაავალა. მისივე მოგონებიდან ნოე ჟორდანიამ თქვა : განძეულობა სულ ქუთაისში გადავიტანოთ და ბოლოს ჩვენც წავალთ რითაც მოგვიხერხდებაო, ერთ საღამოს გამოგვიცხადა, ხვალ დილით ცხრა საათზე ქუთაისში ვგზავნით, რაც რაიმე…
  • 32
    ქართველობით თამაში რაღაა...საქართველოს მიწის შვილობა არც რაიმე პრივილეგია, ან სასჯელი არასდროს ყოფილა. იყო უამრავი განსაცდელიც და დიდი სიყვარულიც. ქართველობაც ამ მოვლენებსა და გრძნობებში ნაწილდებოდა ოდითგან. აქვე ოდითგან მოყოლებული, უცხოვრიათ და ცხოვრობენ  სხვადასხვა ერისანი ათობით, ასობით, ათაობით. ან რად არ უნდა ეცხოვრათ, ყველა ერს ხომ თავისი სიფაქიზე, თავისი ღირსება გააჩნია და ამ დალოცვილი…