დღეს 90 წელი შესრულდა საქართველოში ერთ-ერთი ძველი  გაზეთის დაარსებიდან. გურიის რეგიონში 1918-1921 წლებში გამოდიოდა გაზეთი „გურიის ხმა“, ხოლო 1931 წელს დაარსდა რაიონული გაზეთი (1962-65 წლებში რეგიონული გაზეთი). მინდა პატივისცემით მოვიხსენიო ყველა ის ჟურნალისტი, რომლებიც ათეული წლების მანძილზე ქმნიდნენ ოზურგეთის და გურიის ისტორიას: თამაზ სალუქვაძე, აფთონ გურგენიძე, ვახტანგ ჯაყელი, ამბროსი სალუქვაძე, ლეონიდე მახარაძე (რედაქტორები); აკაკი მჟავანაძე, ბორის შეწირული, ოთარ საჯაია, ბეგლარ ჩხაიძე, მამია კილაძე, ელგუჯა შევარდნაძე, ვაჟა ჭანუყვაძე, გიზო ჭელიძე, ნუგზარ ქინქლაძე, ვასო მექვაბიშვილი, ვალიდა ფიფაიშვილი, ლამარა სიმონიშვილი, ზია სამსონია, იური შაქარიშვილი, ნუკრი ნიკოლაშვილი…პანდემიის გამო შეზღუდვებისა და რედაქციის მწირი ფინანსური მდგომარეობის გამო, ვერ შევძელით საიუბილეო ნომრის გამოშვება.

ვულოცავ „ალიონის“ ერთგულ გულშემატკივრებს ამ თარიღს და ბედნიერ შობა-კალანდის გათენებას ვუსურვებთ. გთავაზობთ პოეტის, ჟურნალისტის და საზოგადო მოღვაწის გენრიეტა ქუთათელაძის მოგონებას:

მოგონებებში ამოანათებს

ახლა,ამ შორეული გადასახედიდან იმ დღეების სინათლე და სითბო მახსენებს თავს,როცა ჯერ კიდევ, 60-იან წლებში,სკოლის მოსწავლეს რაიონული გაზეთის კითხვისას რომ მეუფლებოდა,ცხადია,მიხაროდა, გაზეთის ფურცლებზე ჩემს პირველ პუბლიკაციებს რომ ვხედავდი დასტამბულს. მერე კი,1962 წელს ამ გაზეთის ბაზაზე დაარსებული გურიის რეგიონის სარაიონთაშორისო გაზეთის თანამშრომელთა შორის მეც ვპოვე ადგილი . აქ მთელი გურიის ინტელექტუალური ძალები იყვნენ წარმოდგენილი,რედაქცია ოზურგეთის,ლანჩხუთისა და ჩოხატაურის რედაქციებში მომუშავე წამყვანი ჟურნალისტებისაგან დაკომპლექტდა.გაზეთის რედაქტორი  აფთონ გურგენიძე იყო; მოადგილე_ მამია კილაძე; პასუხისმგებელი მდივანი_ელგუჯა ;განყოფილების გამგეები, ლიტმუშაკები, სპეც. კორესპონდენტები: ვალიდა ფიფაიშვილი,ვაჟა ჭანუყვაძე,ნუგზარ ქინქლაძე,გიზო ჭელიძე,ლამარა სიმონიშვილი,ვასო მექვაბიშვილი,ოტია კალანდაძე,მიხეილ გუგეშაშვილი, გიგლა გიორგაძე (ფოტოკორესპონდენტი) გიგლა ვაჩეიშვილი …ეს ჟურნალისტები წლების მანძილზე თავიანთი პროფესიონალიზმით გაზეთს მკითხველთათვის საინტერესოდ წარადგენდნენ და ეს გაზეთის ტირაჟზეც აისახებოდა,რეგიონის ყველა ოჯახში გაზეთს კითხულობდნენ.

განსაკუთრებული სიყვარულით კი გაზეთის რედაქციასთან შექმნილი ლიტერატურული გაერთიანება სარგებლობდა,რომელსაც გიზო ჭელიძე ხელმძღვანელობდა.გაზეთის რედაქტორი აფთონ გურგენიძე კი ამ გაერთიანებას მხარს უჭერდა და გაზეთის ფურცლებზეც ხშირად ქვეყნდებოდა ლიტერატურული ჩანართები,სწორედ მისი ძალისხმევით გაიმართა არაერთი ლიტერატურული საღამო, რომლის მონაწილე მეც ვიყავი…

განსაკუთრებით დაუვიწყარია ჩემთვის დიმიტრი ერისთავის ხსოვნისადმი მიძღვნილი საღამო, ეს იყო 1964 წელს… მაშინ გაჟღერებული აზრი,რომ შენი ხალხის საკეთილოდ გადადგმული ყოველი ნაბიჯი ერის მეხსიერებაში იმკვიდრებს და ადამიანი თავისი ღვაწლით ფასობს,ჩემთვის, ფასეული გახდა,ხოლო ადამიანები,რომლებიც თავიანთ ღირსეულ წინაპრებს არ ივიწყებენ,-სამაგალითონი.  რედაქციის კარი ღია იყო ყველა ავტორისათვის,ვისაც თავისი გულისნადების გამოხატვა სურდა, აქ მოისწრაფოდნენ ადამიანები,რომლებიც მხარდაჭერას და დაცვას რედაქციიდან,ჟურნალისტებიდან ელოდნენ და ისინიც, რომლებიც სულიერ ,კულტურულ ოაზისს მოინატრებდნენ…რედაქციის,მისი თანამშრომლების ეს რუდუნება კი იმდენად საჩინო იყო,რომ დედაქალაქელ და სხვა რეგიონების ინტელექტუალთა მოწონებასა და მხარდაჭერას იმსახურებდა.პროფესორები იასე ცინცაძე,იური სიხარულიძე,აკაკი ხინთიბიძე,ალექსანდრე ჩავლეიშვილი, ქველი ჩხატარაიშვილი  და კიდევ ბევრი გაზეთის პუბლიკაციებს დადებითად ეხმიანებოდნენ. დრო მიქრის… ბევრი რამ იცვლება, ახალ ათასწლეულში რომ გადააბიჯა ამ გაზეთმა , რაიონის მემატიანობა განაგრძო და „ალიონად“ წარუდგა თავის მკითხველებს იმედის მომცემია სამერმისოდ. არ მოგკლებოდეთ მკითხველი და მისი სიყვარული.

გენრიეტა ქუთათელაძე,

პოეტი,ნიკო ლორთქიფანიძის და ზურაბ გორგილაძის პრემიების ლაურეატი

რედაქციისაგან: ქალბატონი გენრიეტა ჩვენი გაზეთის დიდი მეგობარი და ერთგული მკითხველია. იგი 60-იანი წლების მეორე ნახევარში ქ. ბათუმში გადავიდა საცხოვრებლად და ჯერ ხელვაჩაურის რაიონული გაზეთის რედაქტორად მუშაობდა, ხოლო შემდეგ აჭარის ავტონომიური რესპუბლიკის საოლქო გაზეთ „აჭარაში“ განყოფილების გამგედ; ლიტერატურულ ჟურნალ „ჭოროხში“ რედაქტორის მოადგილედ;წლების მანძილზე ხელმძღვანელობდა რაიონის ქალთა საბჭოს; გამოცემული აქვს პოეტური და პროზაული ნაწარმოებების მრავალი კრებული.მისი ნაწარმოებები შესულია ანთოლოგიებში და სხვა გამოცემებში.

 

 

მოიწონეთ და გააზიარეთ სტატია:

მსგავსი სტატიები

  • 83
    ქართველობით თამაში რაღაა...საქართველოს მიწის შვილობა არც რაიმე პრივილეგია, ან სასჯელი არასდროს ყოფილა. იყო უამრავი განსაცდელიც და დიდი სიყვარულიც. ქართველობაც ამ მოვლენებსა და გრძნობებში ნაწილდებოდა ოდითგან. აქვე ოდითგან მოყოლებული, უცხოვრიათ და ცხოვრობენ  სხვადასხვა ერისანი ათობით, ასობით, ათაობით. ან რად არ უნდა ეცხოვრათ, ყველა ერს ხომ თავისი სიფაქიზე, თავისი ღირსება გააჩნია და ამ დალოცვილი…
  • 70
    ,,შალომ კლუბი“ 17 წლის გადასახედიდან„ალიონის“ სტუმარი „შალომ კლუბ გურიას“  შესახებ „შალომ კლუბ გურიას“ ჩვენი მკითხველისთვის განსაკუთრებული წარდგენა არ სჭირდება. ამ კლუბის შესახებ დღეს გურიაში კარგად იციან  როგორც უფროსი თაობის წარმომადგენლებმა, ისე ახალგაზრდებმა და ბავშვებმაც, ანუ სამივე თაობამ. რასაკვირველია, „შალომ კლუბი“ სახელდებული და უკვე პოპულარულია ისრაელში. ნომრის სტუმარია „შალომ კლუბ გურიას“ პრეზიდენტი, ბატონი ზაურ ოსეფაიშვილი…
  • 64
    სრულიად საქართველოს, შემოქმედის ეპარქიაში მცხოვრებ თუ საზღვარგარეთ ემიგრაციაში მყოფთ, ვულოცავ ნათლიღების ბრწყინვალე დღეს.უფალი ბრძანებს: ვინც არ დაიბადოს მეორედ და არ მოინათლოს წყლისგან, სულისგან და ცეცხლისგან, ვერა იხილოს სასუფეველი ცათაი. წყლისგან ნათლობა ეს არის, როდესაც ადამიანი სამჯერ შთაიფლობა წყალში მამის, ძის და სულიწმინდის სახელით. ამ დროს მას ეპატიება ყველა პირადი ცოდვა მის მიერ ჩადენილი და რაც მთავარია, მემკვიდრეობით გადმოსული ცოდვებიც კი. ის ხდება…
  • 64
    ღირდა ეს სიკეთე პატარების გულთა გასახარადსიკეთე მადლია, კეთილი საქმე - დალოცვილი. დალოცვა წყალობაა ადამიანთა გულებისკენ მიმართული, მათივე გულებიდან წამოსული და, რაც მეტია ლოცვა და დალოცვა, მით მეტია სითბო, რომელსაც გასცემ და იღებ თავადაც. ცივი და წვიმიანი ამინდის მიუხედავად, საოცარი ემოცია ახლდა სოფლის ორღობეს აყოლილი გზის მგზავრებს. მგზავრები კი ოზურგეთის მოზარდ მაყურებელთა თეატრის სამხატვრო ხელმძღვანელი და…
  • 63
    ქართული მოვალეობის შემსრულებელი"ქართული მოვალეობის შემსრულებელი" 1921 წლის თებერვალში ევაკუირებულმა მენშევიკურმა მთავრობამ საქართველოდან დროებით გაიტანა საბანკო ვალუტა, სამუზეუმო განძეულობა,დამფუძნებელმა კრებამ სამუზეუმო განძის მეთვალყურეობა ექვთიმე თაყაიშვილს დაავალა. მისივე მოგონებიდან ნოე ჟორდანიამ თქვა : განძეულობა სულ ქუთაისში გადავიტანოთ და ბოლოს ჩვენც წავალთ რითაც მოგვიხერხდებაო, ერთ საღამოს გამოგვიცხადა, ხვალ დილით ცხრა საათზე ქუთაისში ვგზავნით, რაც რაიმე…