გუშინ, ქ. თბილისში გაიმართა ბოლო ტურის მატჩი რაგბიში ზედა ექვსეულში მონაწილე თბილის „ხვამლსა“ და ოზურგეთის „არწივებს“ შორის.

მართალია ეს შეხვედრა კორექტივს ვერ შეიტანდა მათ სატურნირო მდგომარეობაში, მაგრამ „ხვამლს“ ოზურგეთში დამარცხების რევანში წყუროდა. მათ ეს შეძლეს და 45: 15 დაამარცხეს სტუმრები.

„ხვამლი“ 31 ქულით საბოლოოდ არის მე-3 ადგილზე, ხოლო „არწივები“ 18 ქულით მე-4 ადგილზე. არსებული პირობების მიხედვით, მე-4 ადგილი ოზურგეთელთათვის კარგ შედეგს ნიშნავს.

მთავარი მატჩი დღეს უნდა გამართულიყო  თბილისის „არმიასა “ და „ყაზბეგს“ შორის. ბოლო ტურის წინ „არმიას“ 40 ქულა ჰქონდა, „ყაზბეგს“_38. ეს მატჩი გადაიდო.

სამცხე-ჯავახეთის „ტაომ“ შინ თელავის „ჭადარი“ დიდი ანგარიშით 71:14დაამარცხა. „ტაო“ 14 ქულით მე-5 ადგილზეა, ხოლო „ჭადარი“ ერთი ქულით _ბოლო, მე-6 ადგილზე.

მოიწონეთ და გააზიარეთ სტატია:

მსგავსი სტატიები