ადგილობრივები და მშენებელი კომპანიის წარმომადგენლები კვლავ ვერ თანხმდებიან

4 ივნისს, კომპანია „სი-სი-ი-ეიჩ-ის“ მენეჯმენტმა ოზურგეთში გამართა შეხვედრა. სტუმრებმა ოზურგეთის მერს, კონსტანტინე შარაშენიძეს და ადგილობრივი არასამთავრობო ორგანიზაციების წარმომადგენლებს „ბახვი 1 ჰესის“ შესახებ დეტალური ინფორმაცია მიაწოდეს და მასპინძლების კითხვებსაც უპასუხეს.
პროექტის ხელმძღვანელმა, გიგლა სიხარულიძემ, გარემოს დაცვისა და სოციალური საკითხების მენეჯერმა, ნანა ბერძენიშვილმა და დირექტორმა, მიხეილ ნიბლაძემ მდინარე ბახვისწყალზე დაგეგმილი და ამჟამად კვლევის ეტაპზე არსებული მცირე ზომის ჰიდროელექტროსადგურის პროექტი წარმოადგინეს.
კომპანიის წარმომადგენლები აცხადებენ რომ კვლევის ჩაღრმავებულ ეტაპზე გადავიდნენ, რომლის ფარგლებშიც პროექტში აქტიურად ჩაერთვნენ ევროპელი ექსპერტები.
_,,ჩვენი მიზანია პროექტი განვახორციელოთ საერთაშორისო ფინანსური ინსტიტუტების IFჩ -ის და EIB-ის გარემოსდაცვითი და სოციალური საკითხების მართვის სტანდარტების სრული დაცვით, ასევე, საქართველოს კანონმდებლობისა და რეგულაციების შესაბამისად. კომპანიას შექმნილი აქვს დამოუკიდებელი გარემოსდაცვითი და სოციალური საკითხების მართვის სისტემა და ყოველ ჯერზე უზრუნველყოფს აღნიშნული სისტემით განსაზღვრული წესების დაცვას, რაც გულისხმობს არა მარტო ადგილობრივი კანონმდებლობის შესაბამისი კვლევების ჩატარებას და განხორციელებას ადგილზე, არამედ უფრო მეტიც, საერთაშორისო და ადგილობრივი მაღალი კვალიფიკაციის ექსპერტების მოწვევას და მათ მიერ კონკრეტული კვლევების განხორციელებას. ეს სტანდარტები ფაქტიურად გზამკვლევია კომპანიისთვის, თუ რა ტიპის კვევები და შემარბილებელი ღონისძიებები უნდა გატარდეს, გარემოზე და ადამიანებზე ზემოქმედების მინიმუმამდე დაყვანის მიზნით,“_ განაცხადა „სი-სი-ი-ეიჩ ჰაიდრო VI-ის“ დირექტორმა, მიხეილ ნიბლაძემ.
მიუხედავად სტუმრების არაერთგზის მცდელობისა მასპინძლები დაერწმუნებინათ რომ მცირე ჰესი არავითარ ზიანს მოუტანს ბახმაროს ბუნებას, ადგილობრივების მხრიდან მაინც საპირისპირო აზრი დახვდათ. მასპინძლები ამბობდნენ რომ ბახვი 1 ჰესის განხილვა არ შეიძლება განცალკავებულად , უნდა იქნას გამოკველული რა ზიანი მიადგება ბუნებას „ბახვი 1“, „ბახვი 2“ და „ბახვი 3“ ჰესების ერთდროულად მუშაობისას.
ირმა გორდელაძე, არასამთავრობო ორგანიზაცია ,,ეკოს” ერთ-ერთი დამფუძნებელი:_ „კომპანია გეგმავს ბახმაროს რეკრეაციულ ზონაში „ბახვი 1 ჰესი“ ააგოს. არის სკოპინგის ეტაპი. დღეს უკვე მესამე შეხვედრა იყო. ჩვენ, ჩვენს ექსპერტებთან ერთად მივაწოდეთ ძალიან ბევრი შენიშვნა. მესამე ჯერზე უკვე წარმოადგინეს შეტანილი ცვლილებები. ამ პროეტში მთავარი იყო ჰიდროლოგიის და ბიომრავალფეროვნებს შესწავლა, ერთ მდინარეზე სამი ჰესი გამოიწვევს თუ არა კლიმატურ ცვლილებებს ბახმაროში და ზოგადად ეკოლოგიურ პრობლემებს, მითუმეტეს, რომ ბახვისწყალი ამარაგებს ამ ხეობას. ასევე ერთ-ერთი მთავარი თემაა წყლის ხარჯი, რამდენს დატოვებენ რომ ეკო-სისტემამ იარსებოს. შეხვედრა რომ შევაფასო, რაღაც ცვლილებები არის უკეთესობისკენ , დამატებით კვლევებსაც გვპირდებიან . ვნახოთ როგორ განვითარდება მოვლენები. ჩვენ ვდგავართ ფხიზლად იმისთვის, რომ პროექტები განხორციელდეს, მაგრამ აუცილებლად იყოს სარგებლიანი, ხარისხიანი და რაიმე ექსცესებს არ ჰქონდეს ადგილი“.
თამაზ ტრაპაიძე,ახალგაზრდა იურისტთა ასოციაცია“: _„ეს იყო კომპანიის მიერ ინიცირებული შეხვედრა, შეიძლება ითქვას გაცნობითი ხასიათი ჰქონდა. ჩვენ ვიცნობდით ამ პროექტს, თუმცა, როგორც ჩანს, შეტანილია ცვლილებები მას შემდეგ, რაც ჩვენ გავეცანით. რამდენიმე ცვლილება მართლაც სასიკეთოა, თუმცა საბოლოო ჯამში კითხვის ნიშნები ჯერ კიდევ არის, რომელსაც სავარაუდოდ გასცემს კომპანია პასუხს“.
_,,ჩვენ გვაქვს მზაობა და დიდი სურვილი კვლევების ეტაპზე ვითანამშრომლოთ ყველა დაინტერესებულ ჯგუფთან. კომპანია ღიად და გამჭვირვალედ ახორციელებს ყველა სამუშაოს და ადგილობრივ გარემოსდამცველებს მივცემთ საშუაებას დააკვირდნენ მკვლევარების მუშაობას. ვფიქრობ, ეს საინტერესო შეთავაზებაა და უნიკალური შესაძლებლობა ადგილობრივი გარემოსდამცველებისთვის მონაწილეობა მიიღონ კვლევებში საერთაშორისო რანგით და ადგილობრივ ექსპერტებთან ერთად“_განაცხადეს კომპანის წარმომადგენლებმა და ჰესის მიმართ სკეპტიკურად განწყობილებს კურორტ ბახმაროზე ერთად წასვლა და ადგილზე საკთხის შესწავლა შესთავაზეს.
შეგახსენებთ, „ბახვი 1 ჰესი“ არის მდინარე ბახვისწყალზე დაგეგმილი, მცირე ჰიდროელექტროსადგურის პროექტი,(12 მგვტ.) ამჟამად კვლევის ეტაპზეა.

ავტორი მარი კოძოევი

მოიწონეთ და გააზიარეთ სტატია:

მსგავსი სტატიები

  • 92
    რატომ აიცილა თავიდან არნოლდ გეგეჭკორმა ბინდიბუს ბელადის ცოლთან დაწოლა და როგორ გადაურჩა ის სიკვდილს რამდენჯერმე  სამწუხარო ცნობა გავიგეთ. გარდაიცვალა დიდი მეცნიერი, ბიოლოგიურ მეცნიერებათა დოქტორი, მსოფლიოს  5 კონტინენტის 8 უნივერსიტეტის პროფესორი, ათეულობით წიგნისა და 600-მდე ნაშრომის ვატორი არნოლდ გეგეჭკორი. გთავაზობთ ჟურნალ „თბილისელებში„ დაბეჭდილ მის ერთ-ერთ ინტერვიუს.   არნოლდ გეგეჭკორი – ბიოლოგიის მეცნიერებათა დოქტორი, თბილისის სახელმწიფო უნივერსიტეტის პროფესორი, რამდენიმე დარგობრივი აკადემიის აკადემიკოსი, 600-მდე ნაშრომის ავტორი. 1963…
  • 91
    ჩოლოქის ბრძოლა1918 წლის 3 მარტს საბჭოთა რუსეთსა და გერმანიას, ავსტრია-უნგრეთს, ოსმალეთსა და ბულგარეთს შორის დაიდო ბრესტ-ლიტოვსკის საზავო შეთანხმება, რომლის მიხედვით, რუსეთი გამოეთიშა პირველ მსოფლიო ომს. ზავის მიხედვით რუსეთს ოსმალეთის იმპერიისთვის უნდა დაეთმო ბათუმისა და ყარსის ოლქები. ამ დროს ამიერკავკასია ფაქტობრივად დამოუკიდებელი იყო რსფსრ-სგან და იმართებოდა ამიერკავკასიის სეიმის და ამიერკავკასიის კომისარიატის მიერ, თუმცა დამოუკიდებლობა გამოცხადებული არ ჰქონდა. ოსმალეთის იმპერია ითხოვდა ბრესტ-ლიტოვსკის ზავით კუთვნილი ტერიტორიების დათმობას ამიერკავკასიის მთავრობისგანაც. სეიმი ცდილობდა ოსმალეთთან პრობლემის მოგვარებას დიპლომატიური გზებით.…
  • 89
    დღეს სოფელ კვირიკეთში სახალხო-რელიგიური დღესასწაული კვირიკობა შედგაავტორი თემურ მარშანიშვილი ყოველი 28 ივლისი, ოზურგეთელთათვის, განსაკუთრებით სოფელ კვირიკეთსა და მიმდებარე სოფლებში მცხოვრები მრევლისთვის გამორჩეული დღეა. დღეს სოფელ კვირიკეთში, წმინდა მოწამე კვირიკესა და ივლიტას სახელობის ეკლესიაში სახალხო-რელიგიური დღესასწაული კვირიკობა აღინიშნა. დღესვე ამ ეკლესიას აღდგენიდან 30 წელი შეუსრულდა. საზეიმო წირვა აღავლინა მამა მათემ (გორდელაძე) რამდენიმე მამაოსთან ერთად. კვირიკობის დღესასწაულს ესწრებოდნენ…
  • 88
    აქ ჯერ კიდევ დიდია კავშირი, დუმბაძისეულ თხრობასა და აქაურ სინამდვილეს შორისკორცხოულას მთაზე ამოგორებული მზე კარგა ხნის დაპატრონებული იყო ნაავდრალი მთის ფერდობებს. დედამიწა თავის ფიქრებს, ორთქლის ფთილებად უშვებდა ცისკენ. ლაშის ღელეც წყნარად მიიკვლევდა გზას ბარისკენ. ცისკენ ხელებაწვდილი, ფოთლებშემოძარცვული ხეები მზეს ეფიცხებოდნენ და  უყვებოდნენ თითქოს, მთისა და ბარის ამბებს. ამ მშვენიერ ხეობას შეყოლილი გზიდან  გურული სოფელი შემოგყურებს თავისი ხიბლითა და სევდით. აქ,…
  • 88
    ქართველობით თამაში რაღაა...საქართველოს მიწის შვილობა არც რაიმე პრივილეგია, ან სასჯელი არასდროს ყოფილა. იყო უამრავი განსაცდელიც და დიდი სიყვარულიც. ქართველობაც ამ მოვლენებსა და გრძნობებში ნაწილდებოდა ოდითგან. აქვე ოდითგან მოყოლებული, უცხოვრიათ და ცხოვრობენ  სხვადასხვა ერისანი ათობით, ასობით, ათაობით. ან რად არ უნდა ეცხოვრათ, ყველა ერს ხომ თავისი სიფაქიზე, თავისი ღირსება გააჩნია და ამ დალოცვილი…