ერთი დღე სოფელ შრომაში
საქართველოში რამდენიმე სოფელი ვიცი, რომელსაც შრომა ჰქვია. სახელწოდება, ალბათ, იქედან მომდინარეობს, რომ ამ სოფლებში შრომითა და გარჯით გამორჩეული ხალხი ცხოვრობს. ოზურგეთის მუნიციპალიტეტის სოფელი შრომა თავის სეხნია სოფლებს საგრძნობლად აღემატება როგორც ტერიტორიით, ისე მოსახლეობის რაოდენობით.
ზურგეთის მუნიციპალიტეტის შრომის ადმინისტრაციულ ერთეულში შედის სოფლები: თვით შრომა, ორმეთი, ზედუბანი, ვაკე, მოცვნარი და ხრიალეთი. კომლების საერთო რაოდენობა 1450-ია, ოჯახებისა _ 1250.
გასული კვირის ხუთშაბათს, 10 ივნისს შრომაში ექსკურსი ამ სოფელში ოზურგეთის მუნიციპალიტეტის მერის წარმომადგენელთან, ბატონ კონსტანტინე ხომერიკთან ერთად, ჩირედან დავიწყეთ. ჩირე, რკინიგზის გადაღმა ურეკის მარჯვნივ მდებარე, შრომის საკმაოდ ვრცელი უბანია. აქ დღესდღეობით მეტად საინტერესო და აუცილებელი პროექტი ხორციელდება, კეთდება ურეკი-შრომა-ლანჩხუთის გზა, რომელიც მნიშვნელოვანწილად განტვირთავს ავტობანის ახლომდებარე მონაკვეთს, გარდა ამისა, ხელს შეუწყობს სხვადასხვა სტრუქტურის განვითარებას და, აქედან გამომდინარე, ადგილობრივი მოსახლეობის დასაქმებას. თამამად შეიძლება ითქვას, რომ შირე და აქ მშენებარე 2 კმ სიგრძის გზა კურორტ ურეკისა და სოფელ შრომის ხვალის პერსპექტივაა. საგზაო სამუშაოებს შპს „პალადა“ აწარმოებს, სამუშაოთა მწარმოებელი მამუკა ორაგველიძე გახლავთ.
როგორც კონსტანტინე ხომერიკმა გვითხრა, არანაკლებ მიშვნელოვანია მეორე საგზაო პროექტი _ ურეკი-ეკალდიდი-დონაურის ბეტონის გზა, რომლის მშენებლობა ბოლო ეტაპზეა 6,032 კმ სიგრძის ბეტონის გზის მშენებლობისთვის პროექტის მიხედვით 2 მილიონ 357 ათასი ლარი იყო გამოყოფილი. საგზაო სამუშაოთა მწარმოებელია შპს `გუგა~ (დირექტორი _ შოთა მჟავანაძე, მთავარი ინჟინერი _ კარლო გობრონიძე).
შრომა იმდენად ვრცელი სოფელია, რომ მხოლოდ შიდა გზების ჯამური სიგრძე 200 კილომეტრს აღემაღება, ამაში არ შედის საპლანტაციო გზები.
ბოლო 2-3 წელიწადში 10 კილომეტრი სიგრძის ბეტონის გზა დავაგეთ, პირადად მეც ფიზიკურად ვმონაწილეობდი ამ სამუშაოებში. ვერ ვიტყვი, რომ ეს ზღვაში წვეთია, მაგრამ სოფელში საგზაო ინფრასტრუქტურული სამუშაოების გაგრძელება ერთ-ერთი პირველი რიგის ამოცანად მიმაჩნია~“ _ გვითხრა კონსტანტინე ხომერიკმა.
ეკალდიდში, სადაც ასამდე კომლი ცხოვრობს, სექტემბრიდან სკოლის ახალ შენობაში განახლდება სასწავლო პროცესი. მანამდე კი ეს საბაზო სკოლა შესაბამისი სასკოლო ინფრასტრუქტურით აღიჭურვება.
სოფელში მთლიანად გაყვანილია ბუნებრივი აირის მილები. ვაკეში, ორმეთსა და ზედუბანში.
ორ-სამ დღეში დაიწყება აირის ოჯახებში შეყვანა, დამონტაჟება და აბონენტირება.
ხრიალეთში გაკეთდა ჭაბურღილი. იმ მარაგის წყალი ამოვიდა, რომ 150-მდე ოჯახს უზრუნველყოფს სასმელი წყლით, ჯერჯერობით არ არის ჩართული. სოფლის ცენტრში გაკეთებული ჭაბურღილი კი უკვე ექსპუატაციაშია და სასმელი წყალი მიეწოდება სკოლასა და მიმდებარე ტერიტორიას.
შეღობილია სოფლის თორმეტივე სასაფლაო. ცუდი შედარებაა, მაგრამ მუნიციპალიტეტის ზოგიერთი სოფელი საერთო ფართით, თურმე ნაკლებია ამ სასაფლაოებზე.
გადაიხურა კულტურის სახლი, რითაც ფაქტობრივად გადარჩა ეს შენობა და მასში განთავსებული ღირებულებანი. ახლა მთავარია, როგორმე გამოიძებნოს სახსრები როგორც ინტერიერის, ისე ექსტერიერის სარემონტო სამუშაოების ჩასატარებლად.
რაც შეეხება სოფლის ადმინისტრაციულ შენობას _ იშვიათ არქიტექტურულ ქმნილებას, მის სარესტავრაციოდ ვინმეს კეთილი ნების იმედზე არ უნდა ვიყოთ. სახელმწიფომ, შესაბამისმა სამინისტრომ იგი უნდა ჩასვას სასწრაფოდ სარესტავრაციო უნიკალურ ნაგებობათა ნუსხაში.
შრომის ადმინისტრაციულ ერთეულში შემავალ სოფლებში ნომერ პირველ პრობლემად გზები და სასმელი წყალი რჩება.
კონსტანტინე ხომერიკის თქმით, ერთ თვეში დაიწყება წლევანდელი სოფლის მხარდამჭერი პროექტების განხორციელება, გაკეთდება ორი მოსაცდელი, გადაიხურება საჭიდაო დარბაზი, მოწესრიგდება შიდა გზები _ დაიგება ბეტონი.
რამდენიმე სიტყვით ჩაისა და ციტრუსოვნების შესახებ. ჩაიმ კარგა ხანია შრომაში ჩაილურის წყალი დალია, ციტრუსიც მის ბედს გაიზიარებს თუ ხელისუფლების მხრიდან რაიმე ქმედითი ღონისძება არ გატარდა. შარშან შრომელებმა თითქმის მთლიანად იზარალეს მანდარინის მოწეული მოსავალი, რადგან ვერ მოახერხეს მისი რეალიზება. კონსტანტინე ხომერიკის აზრით, მუნიციპალიტეტში აუცილებლად უნდა მოქმედებდეს ხილის გადამამუშავებელი საწარმოები, მათ შორის მინიმუმ ერთი ასეთი საწარმო შრომაშიც უნდა იყოს.
სახარბიელო მდგომარეობა ვერც ერთწლიანი კულტურების სავარგულებშია, 380 ჰექტარი სახნავ-სათესიდან დათესილია მხოლოდ 70 ჰექტარი და ამის უპირველესი მიზეზი უტრაქტორობაა. სოფელში კი არა, მთლიანად მუნიციპალიტეტში სახნავ- სათესი ტექნიკის დიდი დეფიციტია, რის გამოც მოსახლეობა უყანოდ და შემოდგომა-ზამთრისთვის უსიმინდოდ რჩება. უსიმინდო სოფელი კი დამშეულია, მეტადრე დასავლეთ საქართველოში.
მოკლე ექსკურსის შემდეგ, სოფლის ცენტრში იმ დროს მივედით, როცა საჭიდაო დარბაზში ახალდაწყებული იყო იური ხომერიკის ხსოვნის ტურნირი ბერძნულ-რომაულ ჭიდაობაში, რომელშიც მონაწილეობდნენ დასავლეთ საქართველოს თითქმის ყველა მუნიციპალიტეტის 2008-2010 წლებში დაბადებული მოჭიდავეები.
მოუცლელობის მიუხედავად, სოფელ შრომის ჭიდაობის სექციის ხელმძღვანელმა ბატონმა გურამ აბაშიძემ რამდენიმე წუთი მაინც გამონახა ჩვენთან სასაუბროდ:
„იური ხომერიკი ასევე შრომელი მოჭიდავისა და მწვრთნელის შაქრო ტუღუშის აღზრდილია. ბატონი იურის წარმატებები საყოველთაოდ ცნობილია, როგორც რესპუბლიკურ, ისე ყოფილ საკავშირო ჩემპიონატებსა და სხვადასხვა ტურნირებში. ტურნირი ტრადიციულია და ყოველწლიურად მაღალ დონეზე ტარდება. მხოლოდ შარშან არ ჩატარებულა ქვეყანაში არსებული კოვიდ-პანდემიის გამო. წლევანდელი ტურნირი, რომელიც რამდენიმე წუთის წინ დაიწყო, საკმაოდ წარმომადგენლობითია, მასში მონაწილეობენ ხაშურის, ჭიათურის, ბორჯომის, ბაღდათის, ქუთაისის, ლანჩხუთის, ხობის, ფოთის ხულოს, ბათუმის გუნდები. ოზურგეთს ამ ტურნირში ძირითადად შრომელი მოჭიდავეები წარმოადგენენ. სტუმარი გუნდები დაბინავებულია კურორტ ურეკის სასტუმროებში. ფინალური ორთაბრძოლები ხვალ გაიმართება. ვეცდებით, ღირსეულად გამოვიდეთ“.
გამომშვიდობებისას კონსტანტინე ხომერიკმა გვითხრა, რომ სოფლის ყველა პრობლემას ერთობლივად განიხილავენ ის და სოფლის მაჟორიტარი დეპუტატი დავით ჭაკნელიძე, რასაკვირველია, მოსახლეობის ჩართულობით. ერთობლივად მუშაობენ სხვადასხვა პროექტებზე. ასევე ისაუბრა თავის თანაშემწეებზე კახა ქადეიშვილზე, კოტე ბოლქვაძესა და იონა მამფორიაზე. განსაკუთრებით აღნიშნა კახა ქადეიშვილის ღვაწლი, რომელსაც სოფლად ორგანიზებული მუშაობის დიდი გამოცდილება აქვს.
წარმატებები შრომას.
თემურ მარშანიშვილი

მოიწონეთ და გააზიარეთ სტატია:

მსგავსი სტატიები

  • 81
    რატომ აიცილა თავიდან არნოლდ გეგეჭკორმა ბინდიბუს ბელადის ცოლთან დაწოლა და როგორ გადაურჩა ის სიკვდილს რამდენჯერმე  სამწუხარო ცნობა გავიგეთ. გარდაიცვალა დიდი მეცნიერი, ბიოლოგიურ მეცნიერებათა დოქტორი, მსოფლიოს  5 კონტინენტის 8 უნივერსიტეტის პროფესორი, ათეულობით წიგნისა და 600-მდე ნაშრომის ვატორი არნოლდ გეგეჭკორი. გთავაზობთ ჟურნალ „თბილისელებში„ დაბეჭდილ მის ერთ-ერთ ინტერვიუს.   არნოლდ გეგეჭკორი – ბიოლოგიის მეცნიერებათა დოქტორი, თბილისის სახელმწიფო უნივერსიტეტის პროფესორი, რამდენიმე დარგობრივი აკადემიის აკადემიკოსი, 600-მდე ნაშრომის ავტორი. 1963…
  • 80
    ჩოლოქის ბრძოლა1918 წლის 3 მარტს საბჭოთა რუსეთსა და გერმანიას, ავსტრია-უნგრეთს, ოსმალეთსა და ბულგარეთს შორის დაიდო ბრესტ-ლიტოვსკის საზავო შეთანხმება, რომლის მიხედვით, რუსეთი გამოეთიშა პირველ მსოფლიო ომს. ზავის მიხედვით რუსეთს ოსმალეთის იმპერიისთვის უნდა დაეთმო ბათუმისა და ყარსის ოლქები. ამ დროს ამიერკავკასია ფაქტობრივად დამოუკიდებელი იყო რსფსრ-სგან და იმართებოდა ამიერკავკასიის სეიმის და ამიერკავკასიის კომისარიატის მიერ, თუმცა დამოუკიდებლობა გამოცხადებული არ ჰქონდა. ოსმალეთის იმპერია ითხოვდა ბრესტ-ლიტოვსკის ზავით კუთვნილი ტერიტორიების დათმობას ამიერკავკასიის მთავრობისგანაც. სეიმი ცდილობდა ოსმალეთთან პრობლემის მოგვარებას დიპლომატიური გზებით.…
  • 78
    ქართული მოვალეობის შემსრულებელი"ქართული მოვალეობის შემსრულებელი" 1921 წლის თებერვალში ევაკუირებულმა მენშევიკურმა მთავრობამ საქართველოდან დროებით გაიტანა საბანკო ვალუტა, სამუზეუმო განძეულობა,დამფუძნებელმა კრებამ სამუზეუმო განძის მეთვალყურეობა ექვთიმე თაყაიშვილს დაავალა. მისივე მოგონებიდან ნოე ჟორდანიამ თქვა : განძეულობა სულ ქუთაისში გადავიტანოთ და ბოლოს ჩვენც წავალთ რითაც მოგვიხერხდებაო, ერთ საღამოს გამოგვიცხადა, ხვალ დილით ცხრა საათზე ქუთაისში ვგზავნით, რაც რაიმე…
  • 77
    საქართველოს პარლამენტის თავმჯდომარედ კახა კუჭავა აირჩიესსაქართველოს პარლამენტის თავმჯდომარის თანამდებობაზე კახა კუჭავა 86 ხმით აირჩიეს. კენჭისყრის პროცედურამდე, კახა კუჭავამ კოლეგებს სიტყვით მიმართა და ქვეყნის ინტერესებისთვის ერთობლივი ძალისხმევის მნიშვნელობაზე, უმაღლესი საკანონმდებლო ორგანოს საქმიანობის პრიორიტეტულ მიმართულებებზე, საქართველოს დასავლურ ინტეგრაციასა და გამოწვევებზე ისაუბრა. „მჯერა, რომ დღეიდან ჩვენ ვიწყებთ საპარლამენტო ცხოვრების ახალ ეტაპს - შედგა მრავალპარტიული პარლამენტი, ოპოზიციის ფართო სპექტრის მონაწილეობით, რაც იმას ნიშნავს,…
  • 77
    რატომ არ უნდა სამინისტროს ოზურგეთში მავნე საწარმოს აგების გარემოსდაცვითი ზემოქმედების ანგარიში მოსახლეობის მონაწილეობით განიხილოს…28 იანვარს, საქართველოს გარემოს დაცვისა და სოფლის მეურნეობის სამინისტრო ონლაინ რეჟიმში ქ. ოზურგეთში, ექადიის უბანში შპს „არერსა მეტალის“მიერ მეტალურგიული საწარმოს მშენებლობისა და ექსპლოატაციის პროექტს განიხილავს. ქ. ოზურგეთი რუსთავის, ზესტაფონის შემდეგ  მძიმე მრეწველობის მესამე ქალაქი ხდება..მშენებელი შპს „არერსა მეთალი“ შპს „ჯეოგადამამუშავებელის“ კუთვნილ ტერიტორიაზე ააგებს მძიმე მეტალურგიულ კომბინატს. ერვინ კურამ შარმა „მანსაროვარის“,…