რამდენია საქართველოში მცირე ჰესების აუზში ეკოლოგიური ხარჯი?

დღეს, ქ. ოზურგეთში, ფოლკლორის ცენტრში კომპანია „სი-სი-ი-ეიჩი VI“-ის გარემოს დაცვისა და სოციალური საკითხების მართვის ჯგუფის ინიციატივით გურიაში მოქმედი არასამთავრობო ორგანიზაციების წარმომადგენლებს შეხვდა, თუმცა ადგილობრივი გარემოსდაცვითი არასამთავრობოების წარმომადგენლები ამ შეხვედრას არ დასწრებიან.

კომპანიამ შეხვედრის მონაწილეებს გარემოს დაცვისა და სოციალური საკითხების მენეჯერმა ნანა ბერძენიშვილმა  საკონსულტაციო ფირმის SLR-ის ეკოლოგი, ნიკოლა ფოლსკი წარუდგინა.

როგორც ნიკოლას ფოლკსმა განაცხადა, SLR „ბახვი 1“-ის მშენებლობასთან დაკავშირებით ბიომრავალფეროვნების კვლევას აწარმოებს, რომლის შედეგად განისაზღვრება ბიომრავალფეროვნების სამოქმედო გეგმა, რომელშიც წარმოდგენილი იქნება შესაბამისი შემარბილებელი ღონისძიებები.

_ამ კონკრეტული ბიომრავალფეროვნების კვლევის ფარგლებსი მოხდება წყლის და ნახევრად წყლის სახეობების, ძუძუმწოვრების, ფრინველების, რეპტილიებისა და ამფიბიების, ღამურების, ფლორის, სოკოების და ტყის საფარის შესწავლა. აგრეთვე იგეგმება კრიტიკული ჰაბიტატის კვლევა _ თქვა უცხოელმა ექსპერტმა.

გაზეთ „ალიონის“ კითხვაზე, რამდენად ითვალისწინებს მათი კვლევა მდინარის ეკოსისტემის, წყლის და წყალთან დაკავშირებული ბიომრავალფეროვნების შესანარჩუნებლად 12 %-იანი ხარჯის საკმარისობის შესწავლას, როცა დასავლეთის ბევრ ქვეყანაში ეკოსისტემის შესანარჩუნებლად 30 პროცენტიც კია გათვალისწინებული, ნიკოლა ფოლკსმა უპასუხაა, რომ საქართველოს პირობებში, მცირე ჰესები მდინარიას აუზში არც თუ იშვიათად ეკოლოგიურ ხარჯისათვის, წყლის 5 პროცენტს ტოვებენ მდინარის აუზში. ჩვენ მათ ვაძლევთ რეკომენდაციას, რომ მდინარის აუზში წყლის 10 პროცენტი მაინც უნდა დარჩეს.

მანვე განაცხადა, რომ აშშ-ში, დიდ ბრიტანეთში მცირე ჰესები დაცული ტერიტორიების ფარგლებშიც კი შენდება, რათა მათ იქ ტურისტული ინფრასტრუქტურა შექმნან.

საინტერესო და კრიტიკული კითხვები დასვეს  საიას ოზურგეთის ოფისის ხელმძღვანელმა თამაზ ტრაპაიძემ, ძალადობისგან დაცვის ეროვნული ცენტრის წარმომადგენელმა მაია ბერიძემ, „ფენიქსი 2009“-ის წარმომადგენელმა ენრი მამინაშვილმა და სხვებმა.

პროექტის მენეჯერის გიგლა სიხარულიძის მიერ გაჟღერებულ , რომ ჰესის სათავე ბახმაროში კი არა, ბახვისწყლისა და ბაისურას შესართავში გაკეთდება, თამაზ ტრაპაიძემ უპასუხა, რომ ბახმარო არის ბახვისწყლისა და ბაისურას შესართავი, მზის ჩასავალი გორა, შედრეკილის მთრა, ფაფარა და საყორნიაც, ბახმაროა.

(ვრცელ ინტერვიუს კომპანია „სი-სი-ი-ეიჩი VI“-ის გენერალურ დირექტორ მიხეილ ნიბლაძესთან გაზეთ „ალიონის“ ორშაბათის ნომერში შემოგთავაზებთ)

მსგავსი სტატიები