30 ივლისს, პარტია „ქართული ოცნების“ ცენტრალურ ოფისში პარტიის პოლიტიკური საბჭოს სხდომა გაიმართა.

პოლიტიკური საბჭოს გადაწყვეტილებით, 2021 წლის ადგილობრივი თვითმმართველობის არჩევნების საარჩევნო შტაბს პარტიის თავმჯდომარე ირაკლი კობახიძე უხელმძღვანელებს.

რაც შეეხება კამპანიის ლიდერებს, პოლიტიკური საბჭოს გადაწყვეტილებით, თბილისში საარჩევნო კამპანიის ლიდერი დედაქალაქის მერობის კანდიდატი კახა კალაძე, ხოლო საქართველოს მასშტაბით კამპანიის ლიდერი პრემიერ-მინისტრი ირაკლი ღარიბაშვილი იქნება.

პოლიტსაბჭომ მიიღო გადაწყვეტილება მერობის კანდიდატებთან დაკავშირებით 63 -ვე მუნიციპალიტეტში.მათ შორის გურიის რეგიონში: ავთანდილ თალაკვაძე (ოზურგეთი); ალექსანდრე სარიშვილი (ლანჩხუთი) და დავით შარაშიძე (ჩოხატაური).

სამთავე კანდიდატმა მერობის კანდიდატად დასახელების შემდეგ  სოციალურ ქსელში კომენტარები გააკეთეს:

„ჩემთვის დიდი პასუხისმგებლობა და პატივია ოზურგეთის მერობისთვის არჩევნებში მონაწილეობა. მალე შევხვდებით და კვლავ გავაერთიანებთ ყველას, ვისაც ჩვენი ქვეყნის, ქალაქის და ულამაზესი სოფლების მომავალი აინტერესებს და მზად არის ამაში თავისი წვლილი შეიტანოს. ამ არჩევნებშიც, ჩვენ გამოვალთ ძლიერი გუნდით და საინტერესო პროგრამით, რომელიც დღეს არსებულ საჭიროებებს საქმით უპასუხებს. ახალი სამუშაო ადგილები, სოციალური დაცვა და ზრუნვა ჩვენს თანამოქალაქეებზე, გარემოს დაცვა, ეკოლოგია და ჯანმრთელობა, ინფრასტრუქტურის განვითარება – სხვა ამოცანებთან ერთად, ეს იქნება ჩვენი პრიორიტეტები ოზურგეთში. თავს მოვალედ ვთვლი, ჩემს მშობლიურ ქალაქს და საზოგადოებას ვემსახურო და ოზურგეთს მადლობა საქმით და წარმატებული პროექტებით უშუალოდ გადავუხადო. ნდობისთვის მადლობას ვუხდი “ქართული ოცნების” ლიდერებს და ჩვენს მხარდამჭერებს. მჯერა ერთად გავიმარჯვებთ!“_წერს ავთანდილ თალაკვაძე.

„ჩემთვის უდიდესი პატივია მმართველი პარტიის მიერ უკვე მეორედ გამოცხადებული ნდობა. ეს ორმაგი პასუხისმგებლობაა როგორც მმართველი გუნდის, ასევე ლანჩხუთელების წინაშე.

მე ვიცი რას ნიშნავს ატარებდე ლანჩხუთის მერის სახელს, როგორი რთული, გამოწვებებით სავსე და საამაყოა ეს საქმე ამავდროულად.

ჩემი მერობის პერიოდში, ჩვენ ღირსეულად გავართვით თავი არაერთ პრობლემას, განვახორცილეთ სხვადასხვა დიდი თუ მცირე პროექტი ინფრასტრუქტურაში, განათლებაში, კულტურასა და სოციალურ სფეროში. ეს პროცესი არ უნდა შეჩერდეს და ამის გარანტი არის სწორედ „ქართული ოცნების“ ძლიერი გუნდი, რომლის მხარდაჭერით კიდევ უფრო სერიოზული გეგმები გვაქვს და რომელსაც ალტერნატივა არ ჰყავს მოცემულ პოლიტიკურ ველზე.

როგორი რთულიც არ უნდა იყოს ბრძოლა, ყველაფერს გავაკეთებ, რომ კიდევ ერთხელ მოვიპოვო თითოეული ლანჩხუთელის დიდი ნდობა, გავამართლო მათი იმედები და გუნდთან ერთად ვიყო მაქსიმალურად ორიენტირებული მეტი კარგი საქმის კეთებაზე.

მე ვიცი, რომ „ერის სამსახური პრივილეგიაა, რომელიც უნდა დაიმსახურო“. მადლობა ამ პრივილეგიისთვის მმართველ გუნდს, რომელიც კიდევ ერთხელ მენდო, მადლობა ყველა ლანჩხუთელს _ თანამშრომლობის, თანადგომისა და ერთგულებისთვის!

მჯერა, ამ საარჩევნო მარათონსაც ერთად გავივლით და პირველივე ტურში ერთად გავიმარჯვებთ!“ _აცხადებს ლანჩხუთის მოქმედი მერი ალექსანდრე სარიშვილი.

ჩემთვის დიდი პატივია ვიყო მ.პ.გ ქართული ოცნება-დემოკრატიული საქართველოს მიერ ჩემი მშობლიური ჩოხატაურის მერობის კანდიდატად წარდგენილი.

ვგრძნობ დიდ პასუხისმგებლობას, შესაძლებლობას, გამოწვევასა და შანსს ახალგაზრდისთვის, ვიღვაწო, ვიშრომო, დავიხარჯო ჩემი საყვარელი ჩოხატაურის წარმატებისა და განვითარებისათვის.

წარვდგე ისეთი პროგრამით, რომელიც ორიენტირებული იქნება პრიორიტეტებზე, როგორებიცაა: თითოეული მოქალაქის სოციალური დაცვა, დასაქმების ხელშეწყობა, ახალგაზრდების საჭიროებებისა და პრიორიტეტების გამოკვეთა, მათი მიგრაციის შემცირება, ინფრასტრუქტურაზე ზრუნვა, გადაწყვეტილებების მიღების პროცესში თითოეული ჩოხატაურელის მაქსიმალური ჩართულობა, მოქალაქეზე ორიენტირებული ბიუჯეტის დაგეგმვა და ა.შ. ჩვენს გუნდს საზოგადოებაში ძალიან მაღალი რეიტინგი აქვს. ყველაფერს გავაკეთებ ძალისხმევას, მონდომებას და ენერგიას არ დავიშურებ, მუნიციპალიტეტს ნდობისთვის მადლობა საქმით რომ გადავუხადო.

მადლობა „,ქართული ოცნების“ გუნდსა და ჩვენს მხარდამჭერებს. _წერს დავით შარაშიძე.

მოიწონეთ და გააზიარეთ სტატია:

მსგავსი სტატიები

  • 100
     გარდენიას ისტორიებიგურიაში ნამდვილი ზამთარი თებერვალში იცოდა. დეკემბერში ერთი ჩამოთოვა, ჩამოთოვდა მაღალ საყორნიას, ბახმაროს, გომისმთას და ჩვენთან, ბარის სოფლებში გამოიდარებდა. მეორე ცდაზე, მაღალ მთებს დაამატებდა, ტოლების კალთებს ჩამოათეთრება და ისევ გამოიდარებდა. მესამე გზობა მთლად მოგვიახლოვდებოდა და აგერ უკანავას, მთისპირის, ვანისქედის, მეწიეთის და ჭაჭიეთის თავამდე მოვიდოდა სითეთრე. აშიშხათდებოდა, „გათბა ცეხლი, ახლა ჩვენთანც დაყრის…
  • 100
    „თუ კაცი კაცის წამალი  იქნებოდა, მაშინ ყველანი ერთად თავის ქვეყნის, თავის კუთხის წამალი და მალამო იქნებიანო“დაბა და სოფელი (მოწერილი ამბავი) გურია,10 მაისი. ნათქვამია „დიდი ლხენაა ჭირთა თქმა, თუ კაცსა მოუხდებოდეს. გურულების ერთადერთი თავმოსაწონი და სასიქადულო თვისება, თუ ღირსება, რომლითაც შინ ვყოყოჩობდით, და გარეთ თავი მოგვქონდა, ის იყო, რომ თავმოყვარეობა მოიპოვებოდა ჩვენში. როგორ შეიძლებოდა შეურაცხყოფა და დაბრიყვება, მასხრად აგდება, გაბიაბრუება და გაუპატიურება ვინმესთვის დაგვეთმო. ეს რომ…
  • 100
    აქ ჯერ კიდევ დიდია კავშირი, დუმბაძისეულ თხრობასა და აქაურ სინამდვილეს შორისკორცხოულას მთაზე ამოგორებული მზე კარგა ხნის დაპატრონებული იყო ნაავდრალი მთის ფერდობებს. დედამიწა თავის ფიქრებს, ორთქლის ფთილებად უშვებდა ცისკენ. ლაშის ღელეც წყნარად მიიკვლევდა გზას ბარისკენ. ცისკენ ხელებაწვდილი, ფოთლებშემოძარცვული ხეები მზეს ეფიცხებოდნენ და  უყვებოდნენ თითქოს, მთისა და ბარის ამბებს. ამ მშვენიერ ხეობას შეყოლილი გზიდან  გურული სოფელი შემოგყურებს თავისი ხიბლითა და სევდით. აქ,…
  • 100
    ბალადა ქართველი დედისა1989 წლის 9 აპრილის ცნობილი ტრაგედიის შემდეგ, ოზურგეთში შეიქმნა ნინო თოიძის საქველმოქმედო საზოგადოება, რომელმაც 1990 წელს, სრულიად საქართველოს კათოლიკოს პატრიარქის ილია მეორეს ლოცვა კურთხევით დაიწყო საზოგადოებრივ-პოლიტიკური და სამეცნიერო-ლიტერატურული ბიულეტენის „ლეხოურის“ გამოცემა. ამ გამოცემის წარმატებებში დიდი წვლილი მიუძღვის პროფესორ გიზო ჭელიძის ოჯახს (ბატონი გიზო ლიხაურელი გახლდათ, ამ გამოცემის მთავარი რედაქტორი). გიზო…
  • 100
    ავთანდილ თალაკვაძე: ოზურგეთი ევროპული ქალაქი იქნება და ულამაზესი მთავარი მოედანი ექნებაქალაქ ოზურგეთის განახლების მიზნით ჯამში 10 მლნ ლარის ინვესტიცია განხორციელდება“, - ამ საკითხთან დაკავშირებით, ოზურგეთის მერმა მერიის დღევანდელ სხდომაზე განაცხადა.   „თანმიმდევრულად მივყვებით ჩვენი 8-პუნქტიანი გეგმის განხორციელებას და განახლებულ ინფორმაციასაც წარმოგიდგენთ უკვე დაანონსებულ პროექტებზე, რომელიც ჩვენი ქალაქის ურბანულ განახლებასა და კეთილმოწყობას ეხება.  ჩვენი ქალაქის განახლების მიზნით, ჯამში 10 მლნ ლარის ინვესტიცია…