ავთანდილ თალაკვაძე გია ცეცხლაძის განცხადებას აბსურდს და ტყუილს უწოდებს

დღეს, პარტია „გახარია-საქართველოსათვის“ ოზურგეთის ოფისში ოზურგეთში  მერობის კანდიდატის  გია ცეცხლაძის მიერ გაკეთებულ განცხადებას დაბა ნასაკირალში მათი მაჟორიტარ დეპუტატობის კანდიდატ ნონა ტუნაძეზე განხორციელებულ ზეწოლის შესახებ, ეხმიანება პარტია „ქართული ოცნება-დემოკრატიული საქართველოს“მერობის კანდიდატი ოზურგეთში ავთანდილ თალაკვაძე და მას აბსურდს და ტყუილს უწოდებს.

_„აბსურდი და ტყუილია, რომ ზეწოლას ვახდენთ ვინმეზე. სიმართლე არის ის, რომ გია ცეცხლაძის წინასაარჩევნო კამპანია წარუმატებელია, დღემდე ოზურგეთში არ იციან რა არის მისი საარჩევნო პროგრამა ,_ როგორც ჩანს შტაბი ეშლებათ და ჩვენზე ცდილობენ ამის გადმობრალებას. თავიდანვე საზოგადოება შეცდომაში შეყავდა და ხმებს ავრცელებდნენ, რომ თითქოს „ქართულ ოცნებასთან“ შეთანხმებით მოქმედებს. დღეს ,როცა ბევრმა გაიგო სიმართლე, გასაკვირი არ არის, რომ უარს ეუბნებიან მხარდაჭერაზე. გახარიას პარტია ოზურგეთში მხოლოდ “ქართული ოცნების” ხმებს და მომხრეებს ეპოტინება” _ განაცხადა მედიასთან კომენტარში ავთანდილ თალაკვაძემ.

მსგავსი სტატიები