სოფელ ნაგომარში ადმინისტრაციული შენობა დაიწვა

 

წუხელ, დაახლოებთ 01 საათსა და 30 წუთზე ოზურგეთის მუნიციპალიტეტის სოფელ ნაგომრის ადმინისტრაციული შენობაში ხანძარი გაჩნდა და  დაიწვა. შენობაში იყო განთავსებული საბავშვო, ბაღი, საექიმო უბანი და ოზურგეთის მუნიციპალიტეტის მერიის წარმომადგენლობა. შენობის უმეტესი ნაწილი გარემონტებული იყო.

ხანძრის გაჩენის მიზეზად გაუმართავი ელექტროგაყვანილობა სახელდება. ხანძარი მოსახლეობამ გვიან შეამაჩნია, სახანძრო ბრიგადები ამის შემდეგ იქნა მობილიზებული. ცეცხლის ჩასაქრობად ადგილზე მუშაობდნენ ოზურგეთის, ჩოხატაურის, სამტრედიის და ბათუმის სახანძრო ბრიგადები. თვითმხილველთა თქმით, შენობა 3 საათის განმავლობაში იწვოდა.

ერთ-ერთი ტელევიზიის ინფორმაციით   სახანძრო ბრიგადებს წყალი არ ჰქონდა და სამუშაოების დაწყება გვიან მოახერხეს.

ოზურგეთის მუნიციპალიტეტის მერის წარმომადგენელი სოფელ ნაგომარში მიხეილ ცქიტიშვილი ამას არ ადასტურებს, თუმცა ამბობს, რომ ხანძარი გვიან იქნა შემჩნეული.

მომხდარზე აღძრულია საქმე, სისხლის სამართლის კოდექსის 188-ე მუხლის მეორე ნაწილით, რაც ნიშნავს ნივთის დაზიანებას ან განადგურებას გაუფრთხილებლობით.

ოზურგეთის ბაღების გაერთიანების უფროსის მაკა ჭყონიას თქმით, ისინი საბავშვო ბაღს დროებით სხვა შენობაში განათავსებენ.

 

გიორგი გახარიამ ოზურგეთში პარტიული ორგანიზაცია დააფუძნა

ავტორი მარი კოძოევი

ყოფილმა პრემიერმა და პარტია,,საქართველოსთვის” ლიდერმა, გიორგი გახარიამ, ოზურგეთში, პარტიული ორგანიზაცია დააფუძნა და როგორც თავად თქვა წინასაარჩევნო კამპანიაც დაიწყო. გახარიამ მერობის კანდიდატიც წარადგინა. ,,კეთილსინდისიერი საჯარო მოხელის განსახიერება” ასე წარადგინა მან გია ცეცხლაძე. ,,როგორც კი ოზურგეთში ღირსეული კანდიდატი წარვადგინეთ დაიწყო ღირსეული კანდიდატების ცვენა, მაგრამ ღირსეულთა შორის ღირსეული გიაა“_ თქვა ყოფილმა პრემიერმა.

 

გიორგი გახარია: დარწმუნებული ვარ თქვენთან ერთად წარმატებაში და გამარჯვებაში. ჩვენი, ყველას მიზანი გახლავთ ძლიერი სახელმწიფო. ჩვენ თუ 30 წლის შემდეგ ერთი და იგივე წრეზე სიარული არ გავარღვიეთ და არ შევქმენით ძლიერი სახელმწიფო , წინ ვერ წავალთ. რა არის ჩვენთვის ძლიერი სახელმწიფო? ძლიერი სახელმწიფო არის ძლიერი ინსტიტუტები, ძლიერი პოლიცია, მასწავლებელი, ექიმი, საჯარო მოხელე. მოვიდა დრო სახელმწიფოს ემსახურებოდნენ ღირსეული, კეთილსინდისიერი პროფესიონალები. ვერაფერს ვერ მივაღწევთ თუ პროფესიონალი არ იქნება კეთილსინდისიერი და მარტო კეთილსინდისიერებაც ბევრს ვერაფერს მოგვცემს თუ პროფესიონალიზმი არ არის. ჩვენ არავის წინააღმდეგ არ ვართ. ჩვენ ვართ მხოლოდ ჩვენი ქვეყნის გამარჯვებისთვის ბრძოლისთვის და შრომისთვის მზად. შეიძლება ვიღაცას მოეჩვენოს რომ მუნიციპალური არჩევნები მეორე ხარისხოვანია, ეს ასე არ არის. ამ ქვეყნის მშენებლობა და სიძლიერე რეგიონებიდან უნდა დაიწყოს. განსაკუთრებით პზურგეთიდან, მხარიდან რომელმაც ქვეყანას უდიდესი სახელმწიფო მოღვაწეები შესძინა. ამ ქალაქს, ამ მუნიციპალიტეტს აქვს უდიდესი მნიშვნელობა ჩვენთვის. ეს არ იქნება ოფისი. ეს იქნება სახლი თითოეული ოზურგეთელისთვის, რომელსაც ყოველთვის შეეძლება მოიტანოს თავისი იდეა, პრობლემა. დარწმუნებული ვარ, იცოდეთ რომ ამას ყოველთვის ექნება ღირსეული გამოხმაურება.

 

თითოეული ადამიანი, რომელიც აქ იქნება ჩვენი სახე, უნდა ავარჩიოთ თქვენთან ერთად, ისევ იგივე კრიტერიუმების შესაბამისად _ კეთილსინდისიერება და პროფესიონალიზმი. ჩვენ ერთხელ და სამუდამოდ უნდა გავიაზროთ რომ სხვანაირად ვერ ავაშენებთ ძლიერ სახელმწიფოს. ჯობია კეთილსინდისიერი პროფესიონალი იყოს საყრდენი ძალა ვიდრე არჩევანი შევაჩეროთ ახლობელზე, ნეთესავზე, მეზობელზე. ამას უნდა გადავეჩვიოთ. ამასთან უნდა გვესმოდეს რომ თუ პოლიტიკური ველი ახალგაზრდებისთბის არ გავხსენით კიდევ 20 წელი ვუყურებთ ერთი და იგივე სახეებს. რომლებსაც ვუყურებდით 30 წელი და უკვე მობეზრდა ყველას. ამ სახეების უმეტესობამ ვერაფერი შესძინა ქვეყანას. ამიტომ ჩვენი ძირითადი პრინციპი იქნება ახალგაზრდები. რა თქმა უნდა მარტო ახალგაზრდები ვერაფერს გაალეთებენ, ერთი ძლიერი, გამოცდილი ხანდაზმული 3-4 ახალგაზრდა.

გახარიას თქმით,, ლეგიტიმურად” ეკითხებიან ,,შენ იქ არ იყავიო?” ,,მე ამ კითხვაზე პასუხის გაცემა არ მეშინია. რა თქმა უნდა იქ ვიყავი, იქიდან მოვდივარ და დღეს ოცნებაში ბევრი ღირსეული ჩვენი მეგობარია. არ ვიკადრებთ ჩვენი წარსული ვლანძღოთ და ვიჭორავოთ. იქ ბევრი კარგი საქმე გაკეთდა მაგრამ ბევრი შეცდომაც იყო, რომელზეც ვიღებ პასუხისმგებლობას. სწორედ ეს პასუხისმგებლობაა რატომაც დღეს აქ ვდგავარ. ამ შეცდომების გამოსწორებაა ჩვენი მთავარი მიზანი”_  განაცხადა ყოფილმა პრემოერმა.

 

 

 

მოიწონეთ და გააზიარეთ სტატია:

მსგავსი სტატიები

  • 88
    გიორგი გახარიამ ოზურგეთში პარტიული ორგანიზაცია დააფუძნაავტორი მარი კოძოევი ყოფილმა პრემიერმა და პარტია,,საქართველოსთვის" ლიდერმა, გიორგი გახარიამ, ოზურგეთში, პარტიული ორგანიზაცია დააფუძნა და როგორც თავად თქვა წინასაარჩევნო კამპანიაც დაიწყო. გახარიამ მერობის კანდიდატიც წარადგინა. ,,კეთილსინდისიერი საჯარო მოხელის განსახიერება" ასე წარადგინა მან გია ცეცხლაძე. ,,როგორც კი ოზურგეთში ღირსეული კანდიდატი წარვადგინეთ დაიწყო ღირსეული კანდიდატების ცვენა, მაგრამ ღირსეულთა შორის ღირსეული გიაა“_ თქვა…
  • 77
    ქართული მოვალეობის შემსრულებელი"ქართული მოვალეობის შემსრულებელი" 1921 წლის თებერვალში ევაკუირებულმა მენშევიკურმა მთავრობამ საქართველოდან დროებით გაიტანა საბანკო ვალუტა, სამუზეუმო განძეულობა,დამფუძნებელმა კრებამ სამუზეუმო განძის მეთვალყურეობა ექვთიმე თაყაიშვილს დაავალა. მისივე მოგონებიდან ნოე ჟორდანიამ თქვა : განძეულობა სულ ქუთაისში გადავიტანოთ და ბოლოს ჩვენც წავალთ რითაც მოგვიხერხდებაო, ერთ საღამოს გამოგვიცხადა, ხვალ დილით ცხრა საათზე ქუთაისში ვგზავნით, რაც რაიმე…
  • 68
    რატომ არ უნდა სამინისტროს ოზურგეთში მავნე საწარმოს აგების გარემოსდაცვითი ზემოქმედების ანგარიში მოსახლეობის მონაწილეობით განიხილოს…28 იანვარს, საქართველოს გარემოს დაცვისა და სოფლის მეურნეობის სამინისტრო ონლაინ რეჟიმში ქ. ოზურგეთში, ექადიის უბანში შპს „არერსა მეტალის“მიერ მეტალურგიული საწარმოს მშენებლობისა და ექსპლოატაციის პროექტს განიხილავს. ქ. ოზურგეთი რუსთავის, ზესტაფონის შემდეგ  მძიმე მრეწველობის მესამე ქალაქი ხდება..მშენებელი შპს „არერსა მეთალი“ შპს „ჯეოგადამამუშავებელის“ კუთვნილ ტერიტორიაზე ააგებს მძიმე მეტალურგიულ კომბინატს. ერვინ კურამ შარმა „მანსაროვარის“,…
  • 68
    რას ამბობენ აქციის მონაწილეები და სპეციალისტები ფერადი ლითონების საწარმოს მშენებლობის შესახებ„ორქისის“ კვლევით საქართველოს მცირე მდინარეებს შორის მდინარე ბჟუჟი ტყვიით ყველაზე უფრო დაბინძურებული მდინარეა, რაც ოზურგეთში კომპანია „მანსაროვარის“ და „ჯეოგადამამუშავებელის საქმიანობას უკავშირდება. ექიმმა, ოზურგეთის საკრებულოს მაჟორიტარმა დეპუტატმა დავით მდინარაძემ რედაქციას მოაწოდა კვლევის შედეგები, რომლის მიხედვით ბავშვებში ტყვიის შემცველობის მხრივ აჭარა-გურია ლიდერობს. ორგანიზმში ტყვიის ზედმეტი შემცველობა პირველ რიგში ბავშვებში ინტელექტუალურ განვითარებაზე მოქმედებს.…
  • 65
    სად არის ებრაელთა „აღთქმის კიდობანი“?ეს ამბავი თუ ჰიპოტეზა გაჟღერდა 2019 წელს,როცა ბახმაროში ჩამოვიდა ვინმე იური გუდი,რომელის ირწმუნებოდა,რომ ებრაელთა ,,აღქმის კიდობანი“ დამარხული იყო ბახმაროში.ქვემოთ ერთ სურათზე ნაჩვენებია ეს მთა ფაფარა.ამას მაშინ აზრთა დიდი სხვადასხვაობა მოჰყვა.გუდი ითხოვდა გათხრების წარმოების ნებართვას მაგრამ ამას ვერ მიაღწია. შემდეგ მან დაამზადა ტურისტული რეკლამა და ბათუმიდან ცდილობდა მოეზიდა ტურისტები და ენახვებინა…