დღეს, კურორტ ბახმაროში, დასუფთავების აქცია გაიმართა.

აქციის ორგანიზატორი „ბახვი 1“ ჰესის პროექტის განმახორციელებელი კომპანია CCEH HYDRO VI იყო და მასში მონაწილეობდნენ აღნიშნული კომპანიის თანამშრომლები, ჰიდროელექტროსადგურის გარემოსდაცვით და სოციალურ საკითხებზე მომუშავე მრჩეველთა საბჭოს წევრები. ასევე კავკასიის გარემოსდაცვითი არასამთავრობო ორგანიზაციების ქსელის (CENN), სოციალური საწარმო   „3D საამქრო“ და სამოქალაქო საზოგადოების სხვა წარმომადგენლები. დასუფთავების აქციაში მონაწილეობდნენ გაზეთ „ალიონის“ და „გურია ნიუსის“ ჟურნალისტები, მოხალისეები.

ვინაიდან  ბახმაროს შესასვლელში თოვლი იდო, აქცია უშუალოდ კურორტის ტერირორიაზე გაიმართა. აქციის მონაწილეებმა დაასუფთავეს ეწ. „ბაზრის“ მიმდებარე ტერიტორია, მშენებლობის ქუჩის გზისპირეთი და მოედნის ტერიტორია, დაახლოებით 2 ჰექტრამდე ფართობი.

როგორც კომპანია CCEH HYDRO VI-ის საზოგადოებასთან ურთიერთობის სამსახურის უფროსმა ნიცა ჩოლოყაშვილმა გვითხრა, ამ აქციის მიზანი, ერთის მხრივ, ბახმაროს გარკვეული მონაკვეთების დასუფთავება, მეორეს მხრივ კი, გარემოსდაცვითი ცნობიერების ამაღლება და სწორი მართვა იყო.

გაზეთმა „ალიონთან“ ამ აქციის შესახებ კომენტარი გააკეთა კომპანია CCEH HYDRO VI-ის გარემოსდაცვითი და სოციალური საკითხების მენეჯერმა დავით მიქელაძემ: _„ ჩვენი კომპანია, „ბახვი 1“ ჰესის მშენებელი კომპანია  CCEH HYDRO VI ზრუნავს გარემოზე, ადგილობრივ მოსახლეობაზე. ჩვენთვის მნიშვნელოვანია, რომ ადგილობრივი გარემო იყოს ეკოლოგიურად სუფთა და ნარჩენებისგან თავისუფალი.სწორედ აქედან გამომდინარე კავკასიის გარემოსდაცვითი არასამთავრობო ორგანიზაციების ქსელის (CENN), სოციალური საწარმო   „3D საამქრო“ და სამოქალაქო საზოგადოების სხვა წარმომადგენლებთან ერთად ორგანიზება გავუკეთეთ ამ აქციას. რაც მთავარია, მასში ჩართული იყო „ბახვი 1“ ჰესის მრჩეველთა საბჭოს წევრები.

ამ აქციას 17 სექტემბერს _მსოფლიოს გლობალური დასუფთავების დღეს ვგეგმავდით, მაგრამ არახელსაყრელი ამინდების გამო იგი გადაიდო. მიხარია, რომ ეს აქცია განვახორციელეთ. აქციაზე სხვადასხვა ორგანიზაციის წარმომადგენლები, ადგილობრივი მოსახლეობა, მოხალისეები  გამოვედით და ერთიანი ძალისხმევით, წინაწარ შერჩეული ადგილები დავასუფთავეთ.

მართალია წუხელ მოსულმა თოვლმა მცირედით შეცვალა აქციის გამართვის გეგმა, მაგრამ რაც მთავარია, აქცია შედგა.იგი არ იქნება ერთჯერადი და კურორტის ტერიტორიაზე კვლავ გავმართავთ მსგავს აქციებს_განაცხადა მიქელაძემ.

ირაკლი მიქელაძე, CENN-IS  რეგიონული კოორდინატორი: _ ჩვენმა ორგანიზაციამ, როგორც კი მიიღო შემოთავაზება ბახმაროს დასუფთავების აქციასთან დაკავშირებით, დიდი სიამოვნებით ჩევერთეთ, გამომდინარე იქედან, რომ ჩვენი ორგანიზაცია გარემოსდაცვითია და  ახორციელებს აქციებს სწორედ ამ მიმართულებით, დასუფთავება იქნება ეს, დარგვა თუ გამწვანება. ამ კუთხით სკოლებში ვატარებთ კამპანიებს ცნობიერების ამაღლების მიზნით.

აღნიშნულ აქციაში ჩართვა მნიშვნელოვანი იყო, მითუმეტეს ორგანიზაცია ნარჩენების მართვის კუთხით ახორციელებს პროექტს მთელი ქვეყნის მასშტაბით. დღევანდელი აქცია მნიშვნელოვანია ადგილობრივი მოსახლეობის ცნობიერების ამაღლებისთვის.  საბედნიეროდ, მიუხედავად იმისა რომ სეზონი მთავრდება, მოსახლეობა მაინც დაგვხვდა და ნახა ჩვენი საჩვენებელი დასუფთავების აქცია. რა თქმა უნდა პრობლემა არსებობს. პრობლემა ისევ ცნობიერების დაბალი დონეა, სახლების წინ ტერიტორია დასუფთავებულია, სახლების უკან ნარჩენების მთელი გროვაა. განსაკუთრებით ბევრია პლასტმასის ნაკეთობები,  რომელიც დიდი პრობლემაა და მდინარეებში ჩაყრილი პლასტმასი ისევ ხდება ჩვენს რეკრეაციულ ზოლში, ზღვაში. მე ვფიქრობ, გარდა დასუფთავების აქციისა, კარგი იქნება ბეჭდური მასალის გავრცელება მოსახლეობაში თუ რა პრობლემასთან გვაქვს საქმე. რა თქმა უნდა კანონი მუშაობს, დასჯადია თუმცა ცნობიერების დონე თუ არ იქნება ამაღლებული. კანონით და ჯარიმებით შედეგს ვერ მივღწევთ.

დავით ვაშაყმაძე, ,,3D საამქროს“ თანადამფუძნებელი:­_ ჩვენი საქმიანობა კონკრეტულად შეეხება პლასტმასის გადამუშავებას და პროდუქტის შექმნას, რომელიც განკუთვნილი იქნება საზოგადოების სხვა და სხვა სეგმენტისთვის თავიანთი საჭიროებებიდნ გამომდინარე.როგორც სოციალური საწარმო, მივესალმებით დღევანდელ აქციას, ყოველთვის მხარს დავუჭერთ ასეთ წამოწყებებს და მივიღებთ მონაწილეობას. კარგია თუ დაინერგება მსგავსი პრაქტიკა და ეს საბოლოო ჯამში დაეტყობა გარემოს.და უფროს სუფთა გარემოში ამოვალთ და დავისვენებთ.

საბა სირაძე, ,,3D საამქრო“ თანადამფუძნებელი: _ნებისმიერი წამოწყება, მითუმეტეს გურიის მასშტაბით, რომელიც უკავშირდება ეკოლოგიას და ნარჩენების მართვის საკითხებს, იქნება ჩვენი ინტერესის სფეროში და მაქსიმალურად შევეცდებით არა მარტო ჩართულობას, არამედ ნებისმიერი რესურსით დახმარებას. დღესაც შესაბამისი დღე იყო, ორგანიზაცია რომელიც ეწევა აუცილებელ საქმიანობას, თავის წილ საქმიანობასთან ერთად ასრულებს თავის წილ პასუხისმგებლობას გარემოსთან მიმართებაში, რასაც მივესალმებით და შესაბამისად თანადგომა გამოვუცხადეთ.

შთაბეჭდილებას რაც შეეხება, გულსატკენია, რომ ადგილი, კურორტი, რომლითაც შეგვიძლია ვიამაყოთ ადამიანების გაუფრთხილებლობით, ძალიან დაბალი თვითშეგნებით საკუთარი თავის და ბუნების წინაშე, ძალიან ზიანდება. არ შეიძლება ერთ-ერთ ცენტრალურ ქუჩაზე, სახლების უკან, კუსტარული ნაგავსაყრელი იყოს მოწყობილი.

 

 

როგორც გაზეთ „ალიონისთვის“ გახდა ცნობილიკომპანია CCEH HYDRO VI-ის წარმომადგენლები ხვალ, ოზურგეთის მუნიციპალიტეტის მაღალმთიან სოფელ მთისპირს ეწვევიან და საჯარო სკოლასა და საბავშვო ბაღს კომპიუტერულ ტექნიკას და ფართოეკრანიან ტელევიზორს გადასცემენ.

მოიწონეთ და გააზიარეთ სტატია:

მსგავსი სტატიები

  • 100
    აქ ჯერ კიდევ დიდია კავშირი, დუმბაძისეულ თხრობასა და აქაურ სინამდვილეს შორისკორცხოულას მთაზე ამოგორებული მზე კარგა ხნის დაპატრონებული იყო ნაავდრალი მთის ფერდობებს. დედამიწა თავის ფიქრებს, ორთქლის ფთილებად უშვებდა ცისკენ. ლაშის ღელეც წყნარად მიიკვლევდა გზას ბარისკენ. ცისკენ ხელებაწვდილი, ფოთლებშემოძარცვული ხეები მზეს ეფიცხებოდნენ და  უყვებოდნენ თითქოს, მთისა და ბარის ამბებს. ამ მშვენიერ ხეობას შეყოლილი გზიდან  გურული სოფელი შემოგყურებს თავისი ხიბლითა და სევდით. აქ,…
  • 100
    მერობის კანდიდატები მმართველი პარტიიდან: ავთანდილ თალაკვაძე (ოზურგეთი); ალექსანდრე სარიშვილი (ლანჩხუთი): დავით შარაშიძე (ჩოხატაური).30 ივლისს, პარტია „ქართული ოცნების“ ცენტრალურ ოფისში პარტიის პოლიტიკური საბჭოს სხდომა გაიმართა. პოლიტიკური საბჭოს გადაწყვეტილებით, 2021 წლის ადგილობრივი თვითმმართველობის არჩევნების საარჩევნო შტაბს პარტიის თავმჯდომარე ირაკლი კობახიძე უხელმძღვანელებს. რაც შეეხება კამპანიის ლიდერებს, პოლიტიკური საბჭოს გადაწყვეტილებით, თბილისში საარჩევნო კამპანიის ლიდერი დედაქალაქის მერობის კანდიდატი კახა კალაძე, ხოლო საქართველოს მასშტაბით კამპანიის ლიდერი პრემიერ-მინისტრი ირაკლი…
  • 100
    წარმატების გასაღები და გზა, გაღებულ კარს მიღმა არსებულიბევრი საინტერესო ფორმატის მოფიქრება და შეთავაზება შეიძლება დაინტერესებული ჯგუფისთვის, ცოდნის და გამოცდილების მისაღებად, მათ შორის ტრენინგები, თუნდაც დახურულ სივრცეში. გამოცდილ ტრენერთა, ან მეწარმეთა თანამონაწილეობით. გადავწყვიტე,  განსხვავებული ფორმატი შემეთავაზებინა ჩემი  გოგონებისთვის და ვფიქრობ, გაამართლა - აღნიშნა ჩვენთან საუბარში ,,გურიის განვითარების კავშირის'' და მიმდინარე პროექტის ხელმძღვანელმა, ქალბატონმა თამარ კუპრაძემ. პროექტს ახორციელებს ,,გურიის…
  • 100
    „ჩვენს და პატარა მაყურებლებს შორის არის ჯაჭვი, რომლის გაწყვეტის უფლება არ გვაქვს“ ოზურგეთის მუნიციპალიტეტის თოჯინების თეატრი ერთ-ერთი წარმატებული თეატრია საქართველოში, რომლის წინაპირობა კარგი კოლექტივია. ისინი არა მარტო კარგ სპექტაკლებს უჩვენებენ ბავშვებს, რესპუბლიკური თუ საერთაშორისო ფესტივალებზე იმარჯვებენ, არამედ საზოგადოებრივ ცხოვრებაშიც აქტიურობენ და ქველმოქმედნიც არიან. პრობლემა _ დაუმთავრებელი დარბაზია, რის გამოც მათ სპექტაკლების ჩვენება მცირე დარბაზში უწევთ. გასულ კვირას სპექტაკლის „ძია ჯამბაზი და წრუწუნა…
  • 100
     გარდენიას ისტორიებიგურიაში ნამდვილი ზამთარი თებერვალში იცოდა. დეკემბერში ერთი ჩამოთოვა, ჩამოთოვდა მაღალ საყორნიას, ბახმაროს, გომისმთას და ჩვენთან, ბარის სოფლებში გამოიდარებდა. მეორე ცდაზე, მაღალ მთებს დაამატებდა, ტოლების კალთებს ჩამოათეთრება და ისევ გამოიდარებდა. მესამე გზობა მთლად მოგვიახლოვდებოდა და აგერ უკანავას, მთისპირის, ვანისქედის, მეწიეთის და ჭაჭიეთის თავამდე მოვიდოდა სითეთრე. აშიშხათდებოდა, „გათბა ცეხლი, ახლა ჩვენთანც დაყრის…