3 დეკემბერი – შეზღუდული შესაძლებლობების მქონე პირთა საერთაშორისო დღეა. მნიშვნელოვანია, თითოეულმა მოქალაქემ იცოდეს, რომ სახელმწიფო და საზოგადოება ვალდებულია პატივი სცეს შშმ პირების სპეციფიკურ საჭიროებებს და უზრუნველყოს შესაბამისი გარემო, რათა მათ, სხვებთან თანასწორ პირობებში, შეძლონ საკუთარი უფლებებისა და თავისუფლებების რეალიზება. სწორედ ამიტომ, საქველმოქმედო ასოციაცია ,,გურია“, ოზურგეთის მუნიციპალიტეტის მერიასთან თანამშრომლობით ამ დღესთან დაკავშირებით მართავს ღონისძიებას.

შეზღუდული შესაძლებლობების მქონე პირთა საერთაშორისო დღისადმი მიძღვნილ ღონისძიებაზე დაგეგმილია სხვადასხვა გასართობი პროგრამები. ასევე მნიშვნელოვანია, რომ ღონისძიებას უერთდება მოძრაობა ,,სპეციალური ოლიმპიადა“, რომელიც გახლავთ საერთაშორისო ორგანიზაცია და მიზნად ისახავს შშმ პირების  რეაბილიტაციასა და მათ საზოგადოებაში  სოციალურ ინტეგრაციას სპორტის საშუალებით.

12 წლამდე მოზარდებისთვის ჩატარდება ფიზიკური აქტივობა ,,ახალგაზრდა ათლეტების“ პროგრამის გათვალისწინებით, ხოლო 12 წლის ზევით მოზარდებისთვის ჩატარდება ფეხბურთის ტურნირი.

აქტივობები გაიმართება საქველმოქმედო ასოციაცია -,,გურიას“ ოფისში 13 საათიდან. ღონისძიებას დაესწრებიან საქართველოს სპეციალური ოლიმპიადის ეროვნული დირექტორი, ოზურგეთის მუნიციპალიტეტის მერი, დეპუტატის ბიუროს წარმომადგენლები და სხვა სტუმრები.

მოიწონეთ და გააზიარეთ სტატია:

მსგავსი სტატიები