ბახვი 1 ჰიდროელექტროსადგურის პროექტის განმახორციელებელი კომპანიის სი-სი-ი-ეიჩ ჰაიდრო VI-ის მიერ შემუშავებული სოციალური პროგრამა გრძელდება. უკვე 2022 წლის გაზაფხულიდან, მთისპირის საჯარო სკოლის უფროსკლასელებისთვის ხელმისაწვდომი იქნება განახლებადი ენერგიის მიმართულებით ცნობიერების ასამაღლებელი ტრენინგები. აღნიშნული ინიციატივა გულისხმობს განახლებადი ენერგიების მიმართულებით ცოდნის გაზიარებას და ასევე, სამომავლო პროფესიული ორიენტაციის მიცემას იმ უფროსკლასელთათვის, ვისაც ჯერ არ მიუღია გადაწყვეტილება, თუ რა მიმართულებით სურთ სწავლის გაგრძელება.
2022 წლის 14 თებერვალს ბახვი 1 ჰიდროელექტროსადგურის საგრანტო კონკურსი ოფიციალურად გამოცხადდა. განცხადება განთავსდა ვებ-პორტალზე: www.jobs.ge. განცხადების სრული ტექსტის ნახვა დაინტერესებულ პირებს მითითებული ბმულის საშუალებით შეუძლიათ: https://jobs.ge/ge/ads/?view=jobs&id=354692
„მოგეხსენებათ, რომ ჩვენი პროექტის სოციალური პროგრამა ადგილობრივ მოსახლეობასთან კონსულტაციების შედეგად შემუშავდა. მოხარული ვარ, რომ კომპანიის და მოსახლეობის ხედვა დიდ წილად დაემთხვა ერთმანეთს. მიგვაჩნია, რომ მომავალი თაობის განათლების ხელშეწყობა ერთ-ერთი მნიშვნელოვანი პრიორიტეტია ცნობიერების ამაღლება განახლებადი ენერგიების მიმართულებით, პროფესიული ორიენტაცია, სწავლის დაფინანსება ან სტიპენდიების პროგრამა იმ სტუდენტებისთვის, ვინც ეკოლოგის, გარემოს დამცველის, ჰიდროგეოლოგის, ინჟინერის ან ენერგეტიკოსის პროფესიას შეარჩევს – ასე ვხედავთ ჩვენ მომავლის მოთხოვნადი პროფესიებით ადგილობრივი ახალგაზრდების დაინტერესებას. ამჟამად, გამოცხადებული გვაქვს საგრანტო კონკურსი, რომლის ფარგლებშიც გვინდა შევარჩიოთ საუკეთესო პროფესიონალები, რომლებიც უფროსკლასელთათვის პერიოდულად ჩაატარებენ შეხვედრებს. მაღალი ხარისხის გამჭვირვალობისა და ჩართულობისათვის, ტრენინგების განმახორციელებელი ორგანიზაციის შერჩევის პროცესში მონაწილეობას მიიღებენ ბახვი 1 ჰიდროელექტროსადგურის პროექტის გარემოს დაცვისა და სოციალური საკითხების მიმართულებით მომუშავე მრჩეველთა საბჭოს წევრები“ – განაცხადა პროექტის გარემოს დაცვისა და სოციალური საკითხების მენეჯერმა, დავით მიქელაძემ.
ბახვი 1 ჰიდროელექტროსადგური მდინარე ბახვისწყალზე, ბუნებრივ ჩამონადენზე მომუშავე დაგეგმილი პროექტია, რომლის განმახორციელებელი კომპანიაა შპს სი-სი-ი-ეიჩ ჰაიდრო VI. პროექტმა გარემოზე ზემოქმედების შეფასების ანგარიშის საჯარო განხილვა 2022 წლის 10 – 11 თებერვალს ჩაატარა ჩოხატაურში, ოზურგეთში, მთისპირსა და ჩხაკაურაში.

მოიწონეთ და გააზიარეთ სტატია:

მსგავსი სტატიები

  • 43
    სად არის ებრაელთა „აღთქმის კიდობანი“?ეს ამბავი თუ ჰიპოტეზა გაჟღერდა 2019 წელს,როცა ბახმაროში ჩამოვიდა ვინმე იური გუდი,რომელის ირწმუნებოდა,რომ ებრაელთა ,,აღქმის კიდობანი“ დამარხული იყო ბახმაროში.ქვემოთ ერთ სურათზე ნაჩვენებია ეს მთა ფაფარა.ამას მაშინ აზრთა დიდი სხვადასხვაობა მოჰყვა.გუდი ითხოვდა გათხრების წარმოების ნებართვას მაგრამ ამას ვერ მიაღწია. შემდეგ მან დაამზადა ტურისტული რეკლამა და ბათუმიდან ცდილობდა მოეზიდა ტურისტები და ენახვებინა…
  • 38
    ქართული მოვალეობის შემსრულებელი"ქართული მოვალეობის შემსრულებელი" 1921 წლის თებერვალში ევაკუირებულმა მენშევიკურმა მთავრობამ საქართველოდან დროებით გაიტანა საბანკო ვალუტა, სამუზეუმო განძეულობა,დამფუძნებელმა კრებამ სამუზეუმო განძის მეთვალყურეობა ექვთიმე თაყაიშვილს დაავალა. მისივე მოგონებიდან ნოე ჟორდანიამ თქვა : განძეულობა სულ ქუთაისში გადავიტანოთ და ბოლოს ჩვენც წავალთ რითაც მოგვიხერხდებაო, ერთ საღამოს გამოგვიცხადა, ხვალ დილით ცხრა საათზე ქუთაისში ვგზავნით, რაც რაიმე…
  • 36
    ამირან გამყრელიძე მიმართვას ავრცელებსდაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი, ამირან გამყრელიძე მიმართვას ავრცელებს. გამყრელიძემ დაავადებათა კონტროლის ეროვნული ცენტრის საქმიანობა შეაფასა და მიღწეულ შედეგებსა და დაგეგმილ პროექტებზე ისაუბრა. ის მიმართვაში კოლეგებს საქმიანობისთვის მადლობას უხდის. „ძვირფასო კოლეგებო, პარტნიორებო, მეგობრებო, მაქვს პატივი კიდევ ერთხელ მოგმართოთ, როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის…
  • 33
    მაჟორიტარი დეპუტატობის კანდიდატების აზრი საარჩევნო გარემოს შესახებშოთა გოგიბერიძე, საქართველოს პატრიოტთა ალიანსი: _  სამწუხაროა რომ პლაკატების ომი გრძელდება.  არ ვიცი ამას ვინ აკეთებს. სხვა პოლიტიკური ორგანიზაციების პლაკატებიც ხშირად მინახავს ჩამოხეული. ამაში ხომ თანხებია გადახდილი. გულდასაწყვეტია,  ამით ზიანდება საარჩევნო პროცესი. აქტივისტების, კოორდინატორების, აგიტატორებისგან ჩემამდე არ მოსულა ინფორმაცია ზეწოლებისა და ხელის შეშლის შესახებ. იმ შემთხვევაში, თუ საოლქო და საუბნო…
  • 32
    რას ფიქრობენ ადგილობრივი თვითმმართველობის არჩევნების შესახებ დეპუტატობის კანდიდატები.რეკლამებიდან მიღებულ შემოსავლებს გაზეთისთვის საციცოცხლო მნიშვნელობა აქვს, თუმცა, ასე არ ფიქრობენ 2021 წლის ადგილობრივი თვითმმართველობის არჩევნებში მონაწილე პოლიტიკური პარტიები, ოზურგეთის მერობის კანდიდატები. მიუხედავად ამისა, გაზეთი „ალიონი“ მაქსიმალურად ცდილობს, მიაწოდოს მკითხველს (ამომრჩეველს) ინფორმაცია საარჩევნო გარემოს, საარჩევნო კომისიების მუშაობის, პოლიტიკური სუბიექტების შესახებ. რედაქციამ გაითვალისწინა ისიც, რომ ზოგიერთ პოლიტიკურ პარტიას, ადგილობრივი თვითმმართველობის მაჟორიტარი…