ავტორი მარი კოძოევი

უკრაინის მიმართ სოლიდარობის აქციებს ოზურგეთიდანაც შეუერთდნენ. რუსეთის აგრესია ოზურგეთში, „ჭადრების ბაღში“ შეკრებილმა მოქალაქეებმა გააპროტესტეს. სხვა და სხვა სფეროსა და პოლიტიკური შეხედულებების ადამიანები ოკუპაციის და ოკუპანტის წინააღმდეგ გაერთიანდნენ. სწორედ ამ ერთიანობის მნიშვნელობას გაუსვა ხაზი პედაგოგმა, არასამთავრობო ორგანიზაცია ,,ეკოს“ დამფუძნებელმა, აქციის ერთ-ერთმა ორგანიზატომა, ირმა გორდელაძემ:
_,,დღეს საბჭოთა ოკუპაციის დღეა. დღემდე ვერ გავთავისუფლდით ამ მარწუხებისგან. სიმბოლურად დაემთხვა, რომ 2022 წლის 25 თებერვალს აქ ვდგავართ და კვლავ რუსეთის მხრიდან ოკუპაციას ვაპროტესტებთ. ვაპროტესტებთ იმიტომ, რომ ხვალ შეიძლება საქართველოშიც შემოვიდნენ. ამის მძიმე მაგალითი გვქონდა 2008 წელს. მსოფლიომ თავისი სოლიდარობით და ერთად დგომით უნდა დაამარცხოს ურჩხული, ბოლო იმპერია კაცობრიობის ისტორიაში. საქართველოს რიგითი მოქალაქეები, მიუხედავად პოლიტიკური შეხედულებისა და პლატფორმისა გაგვაერთინა ერთმა საკითხმა, გვინდა მშვიდობა_ აღარ გვინდა ომი. ამიტომ, უცებ, სპონტანურად გადავწყვიტეთ სოლიდარობის აქცია გაგვემართა, რათა ჩვენი ხმა მივაწვდინოთ უკრაინას, მსოფლიოს და ვთქვათ: არა ომი! არა ოკუპაცია! ძირს რუსეთის იმპერია!“
ნათია გიგიაძე (სტუდენტურ-ახალგაზრდული სათათბირო):_ ნებისმიერი, რიგითი ქართველისთვის არის მნიშვნელოვანი აღნიშნულ აქციაზე ყოფნა, იმიტომ, რომ მეორე ერი _ კუთხით შეიძლება იყოს ჩვენი ერი, საქართველო. გვაქვს უკვე პრეცენდენტი წარსულში. ამიტომ ძალიან მნიშვნელოვანია თანაგრძნობა, სოლიდარობა და ერთად დგომა ყველა ერისთვის და განსაკუთრებით უკრაინისთვი. მაგალითი უნდა მივცეთ მსოფლიოს ერთად დგომის, თავისუფლების დაცვის.
თამარ ღლონტი (ინოვაციების და ცვლილებების ინსტიტუტი): _ ვაპროტესტებთ რუსულ ოკუპაციას უკრაინაში, მის ბოროტ ძალისხმევას ყველა ქვეყანაში და საქართველოშიც. ჩვენი აქ დგომა ძალიან მნიშვნელოვანია, რადგან, ჩვენც წლებია უკვე ვიზიარებთ უკრაინის ბედს და კიდევ, სამომავლოდაც თუ ჩვენ თვითონ ორიენტაციას არ შევიცვლით, იგივე ბედს გავიზიარებთ.
თამაზ ტრაპაიძე (ახალგაზრდა იურისტთა ასოციაცია): _ მნიშვნელოვანია ოზურგეთმა და ოზურგეთლებმა, ვინც უჭერს მხარს უკრაინის დამოუკიდებლობას, დადგნენ ერთმანეთის გვერდით და ამ აქტით მხარი დაუჭირონ უკრაინის დამოუკიდებლობას.
ძალიან ემოციური გამოდგა აქციაში ბავშვების ჩართულობა. ერთ-ერთი მათგანი, სამხედრო ფორმაში გამოწყობილი, უკრაინის დროშით ხელში მდგარი ავთანდილ კეკელიძე საკუთარი ქალაქიდან ამხნევებდა უკრაინელ უფროსებს და თანატოლებს.
_,,მე თქვენნაირი პატრიოტი ბიჭი ვარ, საკუთარ ქვეყანაზე უზომოდ შეყვარებული. მინდა მოგიწოდოთ ყველას, იბრძოლოთ იმისთვის, რომ უკრაინა რუსეთის ხელში არ ჩავარდეს. ვიბრძოლოთ, რომ რუსეთს არ დავუთმოთ ჩვენი მეგობარი ქვეყანა. მაქსიმალურად დავეხმაროთ უკრაინას. ყველას მოგიწოდებთ ვიყოთ ძლიერები და ვიბრძოლოთ მტერზე გამარჯვებისთვის. უკრაინაში ამ დროისთვის იმდენად რთული სიტუაციაა, რომ მათ ჯარისკაცებს მეტი მოტივაცია სჭირდებათ. მინდა მივუგო უკრაინელ მოქალაქეებს არ ჩავარდეთ პანიკაში და იბრძოლეთ, რომ თქვენი სამშობლო ოკუპირებული არ გახდეს“_ამბობდა ის.

მოიწონეთ და გააზიარეთ სტატია:

მსგავსი სტატიები

  • 97
    ქართული მოვალეობის შემსრულებელი"ქართული მოვალეობის შემსრულებელი" 1921 წლის თებერვალში ევაკუირებულმა მენშევიკურმა მთავრობამ საქართველოდან დროებით გაიტანა საბანკო ვალუტა, სამუზეუმო განძეულობა,დამფუძნებელმა კრებამ სამუზეუმო განძის მეთვალყურეობა ექვთიმე თაყაიშვილს დაავალა. მისივე მოგონებიდან ნოე ჟორდანიამ თქვა : განძეულობა სულ ქუთაისში გადავიტანოთ და ბოლოს ჩვენც წავალთ რითაც მოგვიხერხდებაო, ერთ საღამოს გამოგვიცხადა, ხვალ დილით ცხრა საათზე ქუთაისში ვგზავნით, რაც რაიმე…
  • 95
    რატომ არ უნდა სამინისტროს ოზურგეთში მავნე საწარმოს აგების გარემოსდაცვითი ზემოქმედების ანგარიში მოსახლეობის მონაწილეობით განიხილოს…28 იანვარს, საქართველოს გარემოს დაცვისა და სოფლის მეურნეობის სამინისტრო ონლაინ რეჟიმში ქ. ოზურგეთში, ექადიის უბანში შპს „არერსა მეტალის“მიერ მეტალურგიული საწარმოს მშენებლობისა და ექსპლოატაციის პროექტს განიხილავს. ქ. ოზურგეთი რუსთავის, ზესტაფონის შემდეგ  მძიმე მრეწველობის მესამე ქალაქი ხდება..მშენებელი შპს „არერსა მეთალი“ შპს „ჯეოგადამამუშავებელის“ კუთვნილ ტერიტორიაზე ააგებს მძიმე მეტალურგიულ კომბინატს. ერვინ კურამ შარმა „მანსაროვარის“,…
  • 84
    გაზეთი ,,ლანჩხუთი პლუსი“ ერთგულ მკითხველს დაემშვიდობა„ლანჩხუთი პლუსი“  ოთხმოცდაათიან  წლებში დაიბადა ლანჩხუთში და  თავისუფალი სიტყვის „ოაზისი“ გახდა ორიოდე დღის წინ, გაზეთი „ლანჩხუთ პლუსი“ დაემშვი­დ­ობა თავის ერთგულ მკითხველს, ამის შესახებ მისმა მთავარმა რედაქტორმა, ქალბატონმა ქეთ­ევან ნაკაშიძემ, გაზეთის ფეისბუქის გვერდზე გამოაქვეყნა წე­რილი  სათაურით: „გამომშვიდ­ო­ბება ერთგულ მკითხველთან!“ „აი, დადგა დღე, როდესაც მე, თქვენი ერთგული და მოსიყვარულე ჟურნალისტი უნდა გამოგეთხოვოთ და…
  • 82
    რატომ აიცილა თავიდან არნოლდ გეგეჭკორმა ბინდიბუს ბელადის ცოლთან დაწოლა და როგორ გადაურჩა ის სიკვდილს რამდენჯერმე  სამწუხარო ცნობა გავიგეთ. გარდაიცვალა დიდი მეცნიერი, ბიოლოგიურ მეცნიერებათა დოქტორი, მსოფლიოს  5 კონტინენტის 8 უნივერსიტეტის პროფესორი, ათეულობით წიგნისა და 600-მდე ნაშრომის ვატორი არნოლდ გეგეჭკორი. გთავაზობთ ჟურნალ „თბილისელებში„ დაბეჭდილ მის ერთ-ერთ ინტერვიუს.   არნოლდ გეგეჭკორი – ბიოლოგიის მეცნიერებათა დოქტორი, თბილისის სახელმწიფო უნივერსიტეტის პროფესორი, რამდენიმე დარგობრივი აკადემიის აკადემიკოსი, 600-მდე ნაშრომის ავტორი. 1963…
  • 81
    ჩოლოქის ბრძოლა1918 წლის 3 მარტს საბჭოთა რუსეთსა და გერმანიას, ავსტრია-უნგრეთს, ოსმალეთსა და ბულგარეთს შორის დაიდო ბრესტ-ლიტოვსკის საზავო შეთანხმება, რომლის მიხედვით, რუსეთი გამოეთიშა პირველ მსოფლიო ომს. ზავის მიხედვით რუსეთს ოსმალეთის იმპერიისთვის უნდა დაეთმო ბათუმისა და ყარსის ოლქები. ამ დროს ამიერკავკასია ფაქტობრივად დამოუკიდებელი იყო რსფსრ-სგან და იმართებოდა ამიერკავკასიის სეიმის და ამიერკავკასიის კომისარიატის მიერ, თუმცა დამოუკიდებლობა გამოცხადებული არ ჰქონდა. ოსმალეთის იმპერია ითხოვდა ბრესტ-ლიტოვსკის ზავით კუთვნილი ტერიტორიების დათმობას ამიერკავკასიის მთავრობისგანაც. სეიმი ცდილობდა ოსმალეთთან პრობლემის მოგვარებას დიპლომატიური გზებით.…