18, 19 მარტს 19:00 საათზე ოზურგეთის თეატრი მორიგ პრემიერაზე გიწვევთ. პრემიერა გაიმართება მცირე სცენაზე.
,,ფატი” ანუ ფატალური ამბავი ტრაგიკული იუმორით ნიკოლოზ საბაშვილის პიესაა, სპექტაკლის სცენოგრაფიც თავად გახლავთ.
სპექტაკლის რეჟისორისა და მუსიკალური გამფორმებელის თაზო იმნაძის სიტყვებით პიესა საქართველოში პირველად იდგმება, თუმცა უკვე დადგმულია უკრაინაში, სადაც საუკეთესო დრამატურგიის ტიტული ერგო.
თაზო იმნაძე: „ – აქ არის საუკეთესო დრამატურგიული მასალა, ეხება ძალიან აქტუალურ, თეამატურად ყველასთვის ახლობელ პრობლემას, ემიგრაციას. თანამეროვე დრამატურგია, ასეთი ხარისხიანი პიესები ქართულ თეატრში უნდა იდგმებოდეს, რადგან ამის გარეშე ძალიან ძნელია თეატრისა და მაყურებლის ურთიერთობა.
პიესა წარმომედგინა რექტაიმის სახით, აქ გადაწყვეტილია ცოტა სხვანაირად. მოწვევისათვის მადლობელი ვარ ოზურგეთის თეატრის ხელმძღვანელობის, ამ თეატრში შარშან მუსიკალურად გავაფორმე ნიკოლოზ საბაშვილის სპექტაკლი „გურიის რესპუბლიკა“, ასე რომ, დასს კარგად ვიცნობდი რაც დამეხმარა მუშაობაში. “
სპექტაკლის კოსტიუმების მხატვარია გია გვიჩია, პერსონაჟებს აცოცხლებენ მსახიობები: მარიკა ასათიანი, ვახტანგ ჩხარტიშვილი, გიორგი დოლიძე, შორენა სიხარულიძე, თეა კეჭაყმაძე, გენადი ნიკოლაშვილი, ზვიად ჯორბენაძე, ანი გოდერძიშვილი.
რას ნიშნავს „ცოტა სხვანაირად გადაწყვეტა“, ამას მაყურებლისათვის სიურპრიზად დავტოვებთ.
თამაზ იმნაძე არის თბილისსა და საქართველოს სხვადასხვა თეატრში განხორციელებული სპექტაკლების რეჟისორი, მუსიკალური გამფორმებელი, აქვს თეატრის სამხატვრო ხელმძღვანელად და მსახიობის ოსტატობის პედაგოგად მუშაობის გამოცდილება.

მოიწონეთ და გააზიარეთ სტატია:

მსგავსი სტატიები