გაბრიელ მდინარაძე 94 წლისაა

დღეს, საქართველოს სახალხო არტისტს გაბრიელ მდინარაძეს დაბადებიდან 94 წელი შეუსრულდა.

გაბრიელ მდინარაძე 1954 წლიდან ოზურგეთის თეატრის მსახიობია. მის მიერ განსახიერებული როლებიდან აღსანიშნავია: გაიოზი (გ. ბერძენიშვილის “სიყვარულის ძალა”), ჩინჩახელი (კ. ბუაჩიძის “ეზოში ავი ძაღლია”), დათიკო (ი. ჭავჭავაძის “გლახის ნაამბობი”), ნეზმანოვი (ა. ოსტროვსკის “უდანაშაულო დამნაშავენი”), პლატონი (დ. კლდიაშვილის “სამანიშვილის დედინაცვალი”), ხლესტაკოვი (ნ. გოგოლის “რევიზორი”), ექიმი (ნ. დუმბაძე, გ. ლორთქიფანიძე “მე, ბებია, ილიკო და ილარიონი”), ჯილბერტო (ვ. ჰიუგოს “მარიამ ტიუდორი”), გაბრიელი (ი. ვაკელის “აპრაკუნე”), ქსანთე (გ. ფიგეირედოს “მელა და ყურძენი”), შილინი (ვ. დარასელის “კიკვიძე”), პორფირე ბიაშვილი (დ. კლდიაშვილის “ქამუშაძის გაჭირვება”) და სხვ.