„შემოქმედებითი პროტესტის სკოლის“ პროექტის მოგზაური გამოფენა ოზურგეთში

დღეს, ქ. ოზურგეთში, ფოლკლორის ცენტრში უსახელო გალერეა თბილისმა, წარმოადგინა „შემოქმედებითი პროტესტის სკოლის“პროექტის მოგზაური გამოფენა_ცოდნის ჰიბრიდული მედიაცია.

გაზეთი „ალიონს“ ამ გამოფენის შესახებ, ღონისძიების კურატორი  გიორგი როდიონოვი ესაუბრა:

_შარშან, შემოდგომაზე ქართველი, უკრაინელი და გერმანელი ხელოვანები შეიკრიბნენ და ოთხი თვის განმავლობაში მუშაობდნენ ჰიბრიდულ საგანმანათლებლო პროექტზე, სადაც ორი მიმართულება იყო _ონლაინ შეხვედრები და მენტორული განხილვები. პროექტის მონაწილე ორგანიზაციებს (საქართველოს უსახელო თბილისი წარმოადგენდა), პროექტის განხორციელებაში მხარს უჭერდა გერმანიის ფედერალური ოფისი და EWZ ფონდი. ხოლო ამჟამინდელი პროექტი ხორციელდება ჰაინრიხ ბოილის ფონდის თბილისის ოფისის მხარდაჭერით.

დღეს აქ თანამედროვე ხელოვნების ნიმუშებია წარმოდგენილი. არის ინსტალაციები, ვიდეონამუშევრები…სხვადასხვა ავტორის 6 ნამუშევარია წარმოდგენილი. ძალიან ბევრი ხელოვანი მონაწილეობდა ამ გამოფენის შექმნაში.იგი ძირითადად კოლაბორაციულია და მათი ავტორები გერმანელი, უკრაინელი და ქართველი ხელოვანები არიან _გვითხრა მან.

გამოფენის ფარგლებში გაიმართა საუბარი ხელოვან ნატალია ვაწაძესთან.

ნატალია ვაწაძემ საინტერესო პერფონანსების შესახებ შესაბამისი ვიდეომასალა წარმოადგინA, საიდანაც ყველაზე აქტუალური ეკოლოგიური და მიგრანტების პრობლემა გახლდათ.

შემდეგ გამართულ დისკუსიაში მონაწილეობდნენ ოზურგეთის თანამედროვე სახვითი ხელოვნების ცენტრის დირექტორი, მხატვარი ავთანდილ თავართქილაძე, ოზურგეთის ცენტრალური ბიბლიოთეკის გამგე ლიკა ბაქანიძე, გაზეთ „ალიონის“ რედაქტორი ნუგზარ ასათიანი და შეხვედრის სხვა მონაწილეები.

როგორც ამ ორგანიზაციის წარმომადგენელმა მაკა ჩხაიძემ გვითხრა,ნატალია ვაწაძე არის ხელოვანი და დამოუკიდებელი კურატორი. ის აგრეთვე გახლავთ ჯგუფი „ბულიონის“დამფუძნებელი და წევრი. „ბულიონი“ ახორციელებს სახელოვნებო ჩარევებს არასახელოვნებო სივრცეებში და პირიქით, სახელოვნებო სივრცეს სთავაზობს ალტერნატიულ საქმიანობებს. სხვადასხვა ფორმატის პროექტებიდან  ყველას პოსტ-საბჭოური კრიტიკა აერთიანებთ.

მსგავსი სტატიები