2022 წლის 24-26 ოქტომბერს იმერეთის დანიშნულების ადგილის მართვის ასოციაცია, DMO იმერეთმა ასოციაცია „ჩაის გზის“ 12 წევრს და პროექტის „გურიის სტუმარ-მასპინძლობის გზის“ მონაწილეებს უმასპინძლა.გურიიდან იმერეთში დელეგაციის ჩასვლის მიზანი იყო იმერეთში არსებული საოჯახო სასტუმროების მონახულება და იმ სპეციფიკაციების გაცნობა, რაც ამ ბიზნესს ახასიათებს. ინფო-ტურის მონაწილეებს ჩაუტარდათ სასწავლო-გაცნობითი ტრენინგი, იმერული სამზარეულოს კერძების მასტერკლასები. ამასთანავე, ცოდნისა და გამოცდილების გაზიარების მიზნით ასოციაციის წევრები ესტუმრნენ იმერეთის რეგიონში მოქმედ საოჯახო სასტუმრო სახლებს, ჩაის საწარმოებს და მოინახულეს იმერეთის ტურისტული ღირსშესანიშნაობები.პროექტი, ბახვი ჰესის დაUSAID ეკონომიკური უსაფრთხოების პროგრამის ერთობლივიმხარდაჭერით ხორციელდება.
„შემიძლია ამ ტურს ვუწოდო საუცხოო გზამკვლევი.ხანგრძლივი სამეურნეო, თუ შემოქმედებითი შრომის მიუხედავად, ფეხი ახლახანს შევდგი მცირე ბიზნესში. ეს ტური ჩემთვის გეგმაზომიერი, სწორი, მიზანმიმართული მუშაობისხელშემწყობია. უღრმესი მადლობა ორგანიზატორებს, ასევე დიდი მადლობა ასოციაცია „ჩაის გზას“, ბახვი ჰესს და USAID-ს, რომლებიც ზრუნავენ ჩვენს პროფესიონალიზმზე და წარმატებულ მუშაობაზე _ განაცხადა მარინა ჩიხლაძემ, ადგილობრივი საოჯახო ბიზნესის, სოფელ ჭანითში„სამზეურას“ მფლობელმა.
„ამ სასწავლო ტურის ფარგლებში მიღებული ემოციები, ენერგია და მუხტი განაპირობებს ჩვენს განვითარებას და მომავალ პრესპექტივებს. გამოცდილების გაზიარება შედგა ყველა საკითხში. კოლეგებისგან გურიაში წამოგვყვა სითბო და დიდი სიყვარული. გვაჩუქეს დაუვიწყარი სამი დღე“_- ამბობს კესო მახარაძე, „ტაბერნე გურიაში-აცანას“ დამფუძნებელი და ხელმძღვანელი, ლანჩხუთის მუნიციპალიტეტი, სოფელი აცანა.
ასოციაცია „ჩაის გზის“ მიზანია სტუმარ-მასპინძლობის სექტორის გაძლერება, ასევე გურული ჩაის მწარმოებლების ხელშეწყობა, რათა შეიქმნას ერთიანი სტანდარტი და გაუმჯობესდეს გურული ჩაის ხარისხი.
„ასოციაციის წევრებისთვის აღნიშნული ტური ძალიან მნიშვნელოვანი კომპონენტია მათი განვითარების კუთხით. თითოეულმა მათგანმა აღნიშნა, რომ გაზიარებული გამოცდილება მათ დაეხმარება სერვისების გაუმჯობესებაში, ახალი ტურისტული პროდუქტების დანერგვასა და განვითარებაში, რათა ადგილობრივ და უცხოელ ვიზიტორს შესთავაზონ დაუვიწყარი მომსახურება გურიის სოფლების ავთენტურ გარემოში“ _ განაცხადა ჩაის გზის ასოციაციის სტუმარ-მასპინძლობის მიმართულების მენეჯერმა, ია ურუშაძემ.
ინფო-ტურის დასასრულს, მონაწილეებს გადაეცათ იმერეთის დანიშნულების ადგილის მართვის, DMO იმერეთის და USAID-ის ერთობლივი სერტიფიკატები.
მსგავსი სტატიები
- 86
დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი, ამირან გამყრელიძე მიმართვას ავრცელებს. გამყრელიძემ დაავადებათა კონტროლის ეროვნული ცენტრის საქმიანობა შეაფასა და მიღწეულ შედეგებსა და დაგეგმილ პროექტებზე ისაუბრა. ის მიმართვაში კოლეგებს საქმიანობისთვის მადლობას უხდის. „ძვირფასო კოლეგებო, პარტნიორებო, მეგობრებო, მაქვს პატივი კიდევ ერთხელ მოგმართოთ, როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის… - 81
დავით თენიეშვილი_ცნობილი ბიო ფერმერი და ბიზნესმენი. იგი ერთ-ერთია გურიაში, რომელიც ჩაის კულტურის აღორძინებას გეგმავს და პრაქტიკული ნაბიჯებიც აქვს გადადგმული. მისი ინიციატივით დაბა ნარუჯასა და ლაითურში 100 ჰექტარი ჩაის ფართობის რეაბილიტაციის სამუშაოები დაიწყო. მან გაზეთ „ალიონთან“ ჩაის კულტურის აღდგენის აუცილებლობაზე და ხელშემშლელ პირობებზე ისაუბრა. _დავით, მოდით ჯერ თქვენი ცხოვრებისეული ბიოგრაფიით დავიწყოთ...… - 81
26 ოქტომბერს, სოფელ მელექედურში, ლანა ჟღენტის მამულში, „ასოციაცია ჩაის გზის“პრეზენტაცია გაიმართა. ღონისძიებას ესწრებოდნენ, როგორც ასოციაციის მოქმედი და პოტენციური წევრები, ასევე, ტურისტული პროექტის დონორი ორგანიზაციების წარმომადგენლები. კერძოდ კი, საქართველოში USAID-ის ეკონომიკური უსაფრთხოებისპროგრამის ხელმძღვანელი, მარკ მაკკორდი და კავკასიის განახლებადი ენერგიის ჰოლდინგის დირექტორი მიხეილ ნიბლაძე, „ ბახვი 1 ჰესის“ პროექტის გარემოს დაცვითი… - 78
სამწუხარო ცნობა გავიგეთ. გარდაიცვალა დიდი მეცნიერი, ბიოლოგიურ მეცნიერებათა დოქტორი, მსოფლიოს 5 კონტინენტის 8 უნივერსიტეტის პროფესორი, ათეულობით წიგნისა და 600-მდე ნაშრომის ვატორი არნოლდ გეგეჭკორი. გთავაზობთ ჟურნალ „თბილისელებში„ დაბეჭდილ მის ერთ-ერთ ინტერვიუს. არნოლდ გეგეჭკორი – ბიოლოგიის მეცნიერებათა დოქტორი, თბილისის სახელმწიფო უნივერსიტეტის პროფესორი, რამდენიმე დარგობრივი აკადემიის აკადემიკოსი, 600-მდე ნაშრომის ავტორი. 1963… - 76
1918 წლის 3 მარტს საბჭოთა რუსეთსა და გერმანიას, ავსტრია-უნგრეთს, ოსმალეთსა და ბულგარეთს შორის დაიდო ბრესტ-ლიტოვსკის საზავო შეთანხმება, რომლის მიხედვით, რუსეთი გამოეთიშა პირველ მსოფლიო ომს. ზავის მიხედვით რუსეთს ოსმალეთის იმპერიისთვის უნდა დაეთმო ბათუმისა და ყარსის ოლქები. ამ დროს ამიერკავკასია ფაქტობრივად დამოუკიდებელი იყო რსფსრ-სგან და იმართებოდა ამიერკავკასიის სეიმის და ამიერკავკასიის კომისარიატის მიერ, თუმცა დამოუკიდებლობა გამოცხადებული არ ჰქონდა. ოსმალეთის იმპერია ითხოვდა ბრესტ-ლიტოვსკის ზავით კუთვნილი ტერიტორიების დათმობას ამიერკავკასიის მთავრობისგანაც. სეიმი ცდილობდა ოსმალეთთან პრობლემის მოგვარებას დიპლომატიური გზებით.…