ავტორი ქეთევან კუკულავა

გოგი ცინცაძე ერთ-ერთი მათგანია, რომელიც ადრეული ასაკიდან ეზიარა სცენას და დღემდე ჩოხატაურის სახალხო თეატრის ერთ-ერთი წამყვანი მსახიობი და რეჟისორია. იგი დაიბადა 1952 წლის 15 დეკემბერს. ბავშვობიდან გამოირჩეოდა სცენისადმი დიდი სიყვარულით. სოფელ ერკეთის სკოლაში სწავლის დროს დრამატული წრის აქტიური წევრი იყო. ერთ-ერთ სასკოლო წარმოდგენას პიონერთა სახლის დრამატული ჯგუფის ხელმძღვანელი ლევან გავაშელიშვილი დაესწრო. ისე მოეწონა მოზარდის მიერ შესრულებული როლი, რომ სთხოვა პიონერთა სახლის დრამატულ ჯგუფში გაერთიანებულიყო, რაზედაც სიამოვნებით დათანხმდა.

სკოლის წარჩინებით დამთავრების შემდეგ, სწავლა  თბილისის სერგო ზაქარიაძის სახელობის კულტურულ- საგანმანათლებლო სასწავლებელში განაგრძო, რომლის დამთავრების შემდეგ ისევ მშობლიურ კუთხეს დაუბრუნდა და ჩოხატაურის სახალხო თეატრში დაიწყო მუშაობა მსახიობად.

რეჟისორმა სანდრო რამიშვილმა და შემოქმ,ედებითმა ჯგუფმა ნიჭიერი ახალგაზრდა დიდი სიხარულით მიიღეს. პირველი როლი, რომელის მან შეასრულა იყო – ბოქაული, შალვა დადიანის „გუშინდელნი.“ მაყურებელმა ახალგაზრდა მსახიობი გულთბილად მიიღო. ამ დღიდან გოგი ცინცაძე  სახალხო თეატრის თითქმის ყველა სპექტაკლში მონაწილეობდა. იგი გვერდს უმშვენებდა ისეთ შესანიშნავ მსახიობებს, როგორიც იყვნენ, ვალოდია მგელაძე, ბიჭიკო ღამბაშიძე, თამარ მახარაძე, მუხრან ჩიჩუა, ტიტე შარაშიძე,  ზაურ კეკელიძე, ზაქრო სიხარულიძე, შმაგი ოსეფაიშვილი…

1976 წელს ჩოხატაურის სახალხო თეატრის სცენაზე დაიდგა ალ. ჩხაიძის ორმოქმედებიანი პიესა „დაბრუნება,“  სადაც გოგი ცინცაძემ შეასრულა მიხაკო ორაგველიძის როლი. ამ სპექტაკლით თეატრმა  რესპუბლიკურ დათვალიერებაზე  მიიღო მონაწილეობა, რომელიც რუსთაველის სახელობის სახელმწიფო თეატრში ჩატარდა. ჟიურიმ, რომელსაც ხელმძღვანელობდა ცნობილი მსახიობი და რეჟისორი _ არჩილ ჩხარტიშვილი შეაჯამა შედეგები და ჩოხატაურის სახალხო თეატრის სპექტაკლს „ დაბრუნება“ პირველი ხარისხის დიპლომი მიანიჭა, ხოლო გოგი ცინცაძე ფესტივალის ლაურეატი გახდა.

1978  წელს რეჟისორ სანდრო რამიშვილის მიერ წარმატებით დაიდგა პოლიკარპე კაკაბაძის კომედია „კოლმეურნის ქორწინება,“ გოგი ცინცაძემ ამ სპექტაკლში ჩვეული უშუალობით, ლომკაცას როლი განასახიერა. მომდევნო წლებში  ხალხური შემოქმედების  მეთოდური ცენტრის რეჟისორის ზურაბ ხვედელიძის მიერ დაიდგა აკაკი გეწაძის „ შუაზე გაყოფილი ცრემლი.“ ამ სპექტაკლით  ჩოხატაურის თეატრი თბილისის მოზარდ მაყურებელთა თეატრში, თვითმოქმედი კოლექტივების დათვალიერებაზე წარსდგა, სადაც სცენისმოყვარეებმა მოხიბლა დედაქალაქის მაყურებელი და ჟიურის წევრები, გოგი ცინცაძემ კი მეორედ მიიღო ლაურეატობა.

გოგი ცინცაძე წლების მანძილზე მუშაობდა ოზურგეთის ალ. წუწუნავას სახელობის სახელმწიფო დრამატულ თეატრში, სადაც შეასრულა შემდეგი როლები: გურამი _ „შთამომავლობა,“  ზანგი მონა _ „ეზოპე,“  ჭეიშვილი _ „თეთრი ბაირაღები,“  ყარამანი _ „ყარამან ყანთელაძე,“  მილიონერი მგზავრი _  „ქინქლა“  და სხვ. იგი გვერდს უმშვენებდა სცენის შესანიშნავ  ოსტატებს: რომან ლომინაძეს, გივი ახმეტელს, ლამარა თურმანიძეს, გაბო მდინარაძეს, ანა ადღულაძეს, ზაირა თოთიბაძეს, თემურ კვირკველიას, მარგო ავაქიანს…

იგი ასევე პარალელურად მუშაობდა ჩოხატაურის რაიონის სოფელ ბუკისციხის კულტურის სახლთან არსებულ დრამატულ ჯგუფში, სადაც მის მიერ დაიდგა და ასევე შეასრულა როლები: ამბაკო – შ. როყვა „მონაწილე ვარ თქვენი მწუხარებისა,“  ნიკო – ა. დევიძე  „ჩემი სიდედრი,“  გივი – ე. კანდელაკი  „იმნაირი სიყვარული,“  შალვოვიჩი – გ. ცინცაძე „მდგმურები“  და ასევე მრავალი საკონცერტო ნომრები. ერთ-ერთი სპექტაკლი  „ქოლგა- ვოლგა“ წარმოადგინეს აგიტმხატვრული ბრიგადების დათვალიერებაზე , რომელიც ჩატარდა ველისციხეში. სპექტაკლმა ისეთი მაღალი დონე აჩვენა, რომ კულტურის სამინისტრომ ბუკისციხის დრამატულ ჯგუფს სახალხო თეატრის სტატუსი მიანიჭა.

ასევე მნიშვნელოვანი წვლილი მიუძღვის გოგი ცინცაძეს ჩოხატაურის რაიონის სოფელ სამებაში არსებულ თოჯინების თეატრის განვითარებაში. სპექტაკლებში სხვადასხვა  როლის საუკეთესო შესრულებისთვის, რამდენჯერმე ნიენიჭა ლაურეატის წოდება.

ჩოხატაურის სახალხო თეატრის სცენაზე  რამდენიმე წელია მაყურებელს აღაფრთოვანების გოგი ცინცაძის მიერ დადგმული სპექტაკლები  _ გ. ხუგაშვილის _ „ჩემი სიდედრი,“  შ. შამანაძის  _ „ ღია  შუშაბანდი,“ ნ. დუმბაძის _  „მზიანი გული,“  რ. ერისთავის  _ „უჩინმაჩინის ქუდი“  თ. მეტრეველის _  „სუპერ ქართველები,“  ა. მითაიშვილის  _ „ჭკვიანი გიჟები ანუ „გამოდი სულო სინათლეზე, “ დ. კლდიაშვილის _ „დარისპანის გასაჭირი,“  ამ სპექტაკლით ჩოხატაურის თეატრმა  მარნეულში ჩატარებულ სახალხო თეატრების ფესტივალზე  მიიღო მონაწილეობა და გრან – პრი დაიმსახურა.

გოგი ცინცაძე თავისი ნაღვაწით ალამაზებს ჩოხატაურის თეატრს და თავისი კუთვნილი ადგილი აქვს დამკვიდრებული ქართული თეატრალური ცხოვრების ისტორიაში. მე წილად მხვდა ბედნიერება ვყოფილიყავი ამ ნიჭიერი ადამიანის სცენური პარტნიორი და მის მიერ დადგმულ სპექტაკლებში მიმეღო მონაწილეობა.

გილოცავ ჩემო გოგი დაბადების _ 70 წლისთავს.  ასევე გილოცავ ქართული თეატრის დღეს – 14 იანვარს და გისურვებ კვლავ ჩვეული შემართებით გეღვაწოს ჩოხატაურის თეატრის წინსვლისა და განვითარებისთვის.

 

 

მოიწონეთ და გააზიარეთ სტატია:

მსგავსი სტატიები

  • 59
    ამირან გამყრელიძე მიმართვას ავრცელებსდაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი, ამირან გამყრელიძე მიმართვას ავრცელებს. გამყრელიძემ დაავადებათა კონტროლის ეროვნული ცენტრის საქმიანობა შეაფასა და მიღწეულ შედეგებსა და დაგეგმილ პროექტებზე ისაუბრა. ის მიმართვაში კოლეგებს საქმიანობისთვის მადლობას უხდის. „ძვირფასო კოლეგებო, პარტნიორებო, მეგობრებო, მაქვს პატივი კიდევ ერთხელ მოგმართოთ, როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის…
  • 49
    1964. პირველი ტრიუმფი! "ლელოს" რეპორტაჟი ტაშკენტიდან: „დინამოელები ნიაღვარივით ანგრევდნენ „ტორპედოს“ დაცვის ყველა ჯებირს1964 წლის 18 ნოემბერს, თბილისის „დინამომ“პირველად მოიპოვა სსრ კავშირის ჩემპიონის წოდება. იგი გადამწყვეტ მატჩში, ნეიტრალურ მოედანზე,  ტაშკენტში „პახტაკორის“ სტადიონზე მოსკოვის „ტორპედოს“ შეხვდა.დანარჩენს ამ ისტორიული მატჩის შესახებ, რომელიც „ოქროს მატჩის“ სახელით შევიდა ქართული ფეხბურთის ისტორიაში,  გაზეთ „ლელოს“ სპეციალური კორესპონდენტები მ. კაკაბაძე და ბ. ქორქიას რეპორტაჟი მოგითხრობთ. „მატჩის დაწყების დრო ამ დღეს…
  • 45
    რატომ აიცილა თავიდან არნოლდ გეგეჭკორმა ბინდიბუს ბელადის ცოლთან დაწოლა და როგორ გადაურჩა ის სიკვდილს რამდენჯერმე  სამწუხარო ცნობა გავიგეთ. გარდაიცვალა დიდი მეცნიერი, ბიოლოგიურ მეცნიერებათა დოქტორი, მსოფლიოს  5 კონტინენტის 8 უნივერსიტეტის პროფესორი, ათეულობით წიგნისა და 600-მდე ნაშრომის ვატორი არნოლდ გეგეჭკორი. გთავაზობთ ჟურნალ „თბილისელებში„ დაბეჭდილ მის ერთ-ერთ ინტერვიუს.   არნოლდ გეგეჭკორი – ბიოლოგიის მეცნიერებათა დოქტორი, თბილისის სახელმწიფო უნივერსიტეტის პროფესორი, რამდენიმე დარგობრივი აკადემიის აკადემიკოსი, 600-მდე ნაშრომის ავტორი. 1963…
  • 43
    გურიიდან დაწყებული თავისუფლება, თუ თავისუფლების ფასი, „ბედის ბორბლის“ დაუნდობელ ტრიალშიავტორი ნინო ნიკოლაიშვილი ქალის მისია: მტკიცე ხასიათი ძალადობასთან შეუგუებლობის და ბოლო კითხვა, მაყურებლის ამოსახსნელი. ავანსცენა, სიჩუმე. ქალთა გუნდის მცდელობა სისხლიანი ნაკვალევის წაშლისა. ეს დასაწყისია. ხმა წარსულისკენ, ბედის ბორბალიც წარსულიდან. რეჟისორის ასისტენტი ეკატერინე ანთია; კოსტიუმების მხატვარი გია გვიჩია; სპექტაკლის წამყვანი ბონდო ჩხარტიშვილი; მუსიკალური გამფორმებელი თაზო იმნაძე; ქორეოგრაფი მარიკა ქვეითაია; ლოტბარები მამია…
  • 43
    სად არის ებრაელთა „აღთქმის კიდობანი“?ეს ამბავი თუ ჰიპოტეზა გაჟღერდა 2019 წელს,როცა ბახმაროში ჩამოვიდა ვინმე იური გუდი,რომელის ირწმუნებოდა,რომ ებრაელთა ,,აღქმის კიდობანი“ დამარხული იყო ბახმაროში.ქვემოთ ერთ სურათზე ნაჩვენებია ეს მთა ფაფარა.ამას მაშინ აზრთა დიდი სხვადასხვაობა მოჰყვა.გუდი ითხოვდა გათხრების წარმოების ნებართვას მაგრამ ამას ვერ მიაღწია. შემდეგ მან დაამზადა ტურისტული რეკლამა და ბათუმიდან ცდილობდა მოეზიდა ტურისტები და ენახვებინა…