„გურიის ჩაის გზის“პროექტში ერთ-ერთი მნიშვნელოვანი ლოკაციაა, ნაგომარში არსებული საწარმო ჩაი „გურულები“, რომელიც მუდმივად ცდილობს თავისი პოტენციალის გაუმჯობესებას. იგი აქტიურად მონაწილეობს „ჩაის გზის“ ფესტივალებში და მათი პროდუქცია პოპულარობითაც სარგებლობს.

ნაგომრელებს სოფლის ტერიტორიული ერთეულის წარმომადგენლებთან ერთად ვესტუმრეთ და მათი სანიმუშოდ მოვლილი პლანტაციები დავათვალიერეთ.

_20 ჰექტრამდე ჩაის პლანტაცია გვაქვს. 40-მდე ქალბატონი გვყას სეზონზე დასაქმებული. ძალიან მნიშვნელოვანია ჩაის მოვლითი ღონისძიებები, რომ შემდეგ ნაზი დუყები მივიღოთ, რომლისაგან ვამზადებთ როგორც კლასიკურ შავი ბაიხის ჩაის, ასევე მწვანე  ჩაისაც.5 ტონა მზა პროდუქციას გამოვუშვებთ. ასევე ვაწარმოებთ მოცვის ჩაისაც და ჩაის ერთჯერად პაკეტებსაც. ძალიან მნიშვნელოვანის სტანდარტების დაცვა, რომ პროდუქცია კონკურენტუნარიანი იყოს _გვითხრა „ჩაი გურულების“ დამფუძნებელმა ჯონი ნაჭყებიამ.

ჩვენი საუბრის მეორე ნაწილი ჩაის გადამამუშავებელ საწარმოს შეეხო.

_სახელმწიფოს თანადგომის გარეშე ძნელია ჩაის ბიზნესის განვითარება. „აწარმოე საქართველოს ფარგლებში“ ჩინური კონვეირული სისტემის საშრობი დანადგარი შევიძინეთ, რომლის ანალოგი გურიაში არ არის. ამ დანადგარის წარმადობა 400 კილოგრამი მზა პროდუქციაა, საშუალოდ 40 კილოგრამ პროდუქციას უშვებს საათში _გვიხსნის ჯონი ნაჭყებია.

საწარმოს 3 ადამიანი ემსახურება. მათი თქმით ძალიან მნიშვნელოვანია მახარისხებელის _ერთიანი კონვეინური ხაზი ჰქონდეთ, რაც „ემპარდის“ პროექტითაა შესაძლებელი.

_წავიდა ის დრო, როცა ოზურგეთი ათასობით მზა პროდუქციას აწვდიდა ყოფილი სსრ კავშირის რესპუბლიკებს. ძალიან ბევრი პლანტაცია ამოძირკვა და ბევრგან მოცვს და სხვა კულტურებს აშენებენ, მაგრამ გურიაში ჩაის კულტურას მისი ღირსეული ნიშა უნდა ჰქონდეს. ჩვენ ჯერ-ჯერობით ჩვენს პროდუქცია აღმოსავლეთ ევროპის ქვეყნებში გაგვაქვს, ვგეგმავთ შუა აზიის ქვეყნებშიც გატანას _გვითხრა მან.

ამჟამად ნაგომრელები დაბა ურეკში (მაგნეტიტი) გასამართ „ჩაის გზის“ ფესტივალისთვის ემზადებიან.

მოიწონეთ და გააზიარეთ სტატია:

მსგავსი სტატიები