შოთა გოგიბერიძე ხელისუფლებას აკრიტიკებს
„საქართველოს „პატრიოტთა ალიანსის“ ოზურგეთის რაიონული ორგანიზაციის თავმჯდომარე, შოთა გოგიბერიძე ხელისუფლებას აკრიტიკებსუკიდურესად აღმაშფოთებელს უწოდებს ე.წ. ლარიზაციის პროგრამის ეგიდით წარმოდგენილ გეგმას.
როგორც გოგიბერიძემ დღეს გამართულ ბრიფინგზე განაცხხადა, „ქართულ ოცნებას“ რომ წინასაარჩევნოდ დაეანონსებინა, რის გაკეთებასაც გეგმავდა საწვავთან, თამბაქოსა და იმპორტირებულ მანქანების აქციზის მატებასთან დაკავშირებით, მოსახლეობისგან ხმას ვერ მიიღებდა.
ქვეყანაში მიმდინარე მძიმე სოციალურ-ეკონომიკური პროცესების გამო, თავს უფლება მივეცი, დღეს კიდევ ერთი ხმამაღალი განცხადება გამეკეთებინა. საპარლამენტო არჩევნებიდან ორ თვეში, საქართველოს მოსახლეობამ იწვნია თავისი გაკეთებული არჩევანის შედეგი. მხოლოდ ის, რომ 2017 წლის ბიუჯეტიდან ჩანს, ხელისუფლება არაფერს დაუმატებს პენსიებს, პედაგოგთა ხელფასებს, ასევე, აქციზის მატება უმძიმეს ტვირთად დააწვება ოჯახებს და ავტომატურად გააძვირებს აუცილებელ პროდუქციას. ჯერ აქციზი არ მომატებულა და უკვე გაძვირდა საწვავი. მერე კი, როცა მოიმატებს, უკვე 30%-ით მაინც გაიზრდება ფასი, – თქვა გოგიბერიძემ და უკიდურესად აღმაშფოთებელი უწოდა ე.წ. ლარიზაციის პროგრამის ეგიდით წარმოდგენილ გეგმას, დოლარში აღებული კრედიტების, იპოთეკური სესხების ბიუჯეტიდან სუბსიდირების შესახებ. ხალხი, რომელთაც 20 ათასიდან 100 ათასზე მეტი დოლარის კრედიტები აქვთ აღებული, ძირითადად, ხელისუფლების წარმომადგენლები არიან. საშუალო და გაღატაკებული ფენა ასეთ კრედიტებს ვერც მიუახლოვდება. გამოდის, რომ ხელისუფლება თანამდებობის პირების და მათი ოჯახის წევრების მიერ აღებული კრედიტების გადახდას ბიუჯეტიდან, ისევ გაჭირვებული მოსახლეობის ჯიბეებიდან განახორციელებს, ანუ ჩვენს ხარჯზე დაფარავს, – თქვა შოთა გოგიბერიძემ და დასძინა, სწორედ ამიტომ საქართველოს პარლამენტში წარმოდგენილმა „პატრიოტთა ალიანსის“ დეპუტატებმა მხარი არ დაუჭირა საქართველოს მთავრობას და თუ პროცესები ასე გაგრძელდა, მხარს არც მომავალში დაუჭერენ.
შოთა გოგიბერიძის თქმით, ზამთარსა და გაზაფხულზე ხალხის გასაჭირი იმდენად უკიდურესი გახდება, რომ, შესაძლებელია, ამას სოციალური აფეთქება მოჰყვეს.
__ჩვენ ვართ ჯანსაღი ოპონირების რეჟიმში, რომ ხელისუფლება მოვაფხიზლოთ და კარგად დაინახონ, რა უმძიმეს ვითარებაში ჩავარდა ქვეყანა, როცა ხელი არ აიღეს ესტონურ მოდელზე. აქციზის ზრდა, კიდევ ერთხელ ვამბობ, გააძვირებს ყველაფერს და შედეგიც მძიმე იქნება, კიდევ უფრო გაღატაკდება ხალხი და ქვეყანა, – აღნიშნა შოთაგოგიბერიძემ.
მანვე ჟურნალისტებს შეახსენა, თუ რა მიმართულებით აპირებდა მუშაობას „საქართველოს პატრიოტთა ალიანსი“ ხელისუფლებაში უმრავლესობით მოსავლის შემთხვევაში: სახელმწიფო საბინაო ფონდის შექმნა უსახლკაროთათვის, წელიწადში 2%-იანი განაკვეთით, იმავე პროცენტში მცირე და მიკრობიზნესის მხარდამჭერი პროექტებისთვის სპეციალური ფონდის შექმნა და ა. შ.
„პატრიოტთა ალიანსი“ ხელისუფლებისადმი კონსტრუქციული კრიტიკის და ოპონირების რეჟიმში მუდმივად იქნება და ხალხის გასაჭირს ხელისუფლების ყურამდე მიიტანს~, თქვა ბრიფინგის დასასრულს გოგიბერიძემ