24 აპრილს, აღდგომას, უბედური შემთხვევა მოხდა ქობულეთის მუნიციპალიტეტის ტერიტორიზე, მდინარე ჩოლოქზე.
ქ. ოზურგეთში მცხოვრები, 27 წლის დ. ც. მეგობართან ერთად მდინარე ჩოლოქზე თევზაობდა. შემთხვევით აქნეული ანკესის ძუა მდინარესთან გამავალი მაღალი ძაბვის ხაზს შეეხო და დ.ც. დენი დაარტყა.
იქვე მყოფმა მეთევზეებმა სასწრაფო დახმარების ბრიგადა გამოიძახეს. როგორც ამბობენ, ქობულეთიდან სასწრაფო დახმარების ბრიგადა დროულად მივიდა, მაგრამ ახალგაზრდა მეთევზე გარდაცვლილი დახვდათ.
_ სამწუხაროდ, ჩოლოქზე, მაგ მიდამოებში სხვადასხვა მიზეზით ადამიანის დაღუპვის ეს პირველი შემთხვევა არ არის _გვითხრა გამოცდილმა მეთევზემ, ოზურგეთელმა ს.ტ-მ.
გაზეთი „ალიონი“ მომხდარზე კომენტარისთვის „ენერგო პრო ჯორჯიას“ ჰოლდინგის პიარის წარმომადგენელს ბექა რომანაძეს დაუკავშირდა:
_სამწუხარო ფაქტი მოხდა. ახალგაზრდა კაცი დაიღუპა. ჩვენმა სპეციალისტებმა გაზომეს მაღალი ძაბვის ელექტროხაზების მიწიდან დაშორების სიმაღლე და იგი ნორმის ფარგლებშია. მდინარე ჩოლოქთან მაღალი ძაბვის ელექტრობოძების 80-90 პროცენტს აქვს შესაბამისი გამაფრთხილებელი წარწერა. ამ ეტაპზე მეტს ვერაფერს გეტყვით. მომხდარზე მიმდინარეობს გამოძიება და მათ დასკვნას უნდა დაველოდოთ _გვითხრა ბექა რომანაძემ.
გაზეთ „ალიონის“ რედაქცია მომხდარის გამო თანაუგრძნობს გარდაცვლილის ოჯახს.
მსგავსი სტატიები
- 52
ეს 19 აგვისტოს, ფერისცვალების დღეს მოხდა დღეს 19 აგვისტოა. ეს დღე უპირველესად 1997 წლის ფერისცვალებას გადახდენილი თავგადასავალის ფონზე გვახსენდება, როცა კავკასიონზე, მწინვარწვერის მასივში სასწაულად გადავრჩით. იმ წელს კავკასიონზე ტურისტულ-ალპინისტურმა საზოგადოებამ „გურიის მთებმა“ ექსპედიცია მოაწყო. მეგობრების, სპონსორების დახმარებით მოვაგროვეთ შესაბამისი აღჭურვილობა, საკვები და კავკასიონისკენ დავიძარით. გულითბილად მიგვიღეს ყაზბეგელებმა. გაზეთ „ალიონის“… - 49
რეკლამებიდან მიღებულ შემოსავლებს გაზეთისთვის საციცოცხლო მნიშვნელობა აქვს, თუმცა, ასე არ ფიქრობენ 2021 წლის ადგილობრივი თვითმმართველობის არჩევნებში მონაწილე პოლიტიკური პარტიები, ოზურგეთის მერობის კანდიდატები. მიუხედავად ამისა, გაზეთი „ალიონი“ მაქსიმალურად ცდილობს, მიაწოდოს მკითხველს (ამომრჩეველს) ინფორმაცია საარჩევნო გარემოს, საარჩევნო კომისიების მუშაობის, პოლიტიკური სუბიექტების შესახებ. რედაქციამ გაითვალისწინა ისიც, რომ ზოგიერთ პოლიტიკურ პარტიას, ადგილობრივი თვითმმართველობის მაჟორიტარი… - 47
დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი, ამირან გამყრელიძე მიმართვას ავრცელებს. გამყრელიძემ დაავადებათა კონტროლის ეროვნული ცენტრის საქმიანობა შეაფასა და მიღწეულ შედეგებსა და დაგეგმილ პროექტებზე ისაუბრა. ის მიმართვაში კოლეგებს საქმიანობისთვის მადლობას უხდის. „ძვირფასო კოლეგებო, პარტნიორებო, მეგობრებო, მაქვს პატივი კიდევ ერთხელ მოგმართოთ, როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის… - 45
ოზურგეთის მუნიციპალიტეტის სოფელ ფამფალეთში (ვაკიჯვრის თემი) ახალგაზრდა მამაკაცი დაიღუპა. არსებული ინფორმაციით იგი საკუთარ სახლში დენის წყაროსთან მუშაობდა, რა დროსაც დენმა დაარტყა. ოჯახის წევრებმა სასწრაფო სამედიცინო დახმარება გამოიძახეს, მაგრამ ადგილზე მისულ ექიმებს, კაცი გარდაცვლილი დახვდათ. - 42
შემთხვევა გუშინ, ღამით მოხდა. გომისმთიდან მომავალი ავტომობილი ხრამში გადაიჩეხა. სირთულის გამო სამაშველო სამსახურს საკმაო დრო დასჭირდა მათი ხრამიდან ამოსაყვანად. სასწრაფო-სამედიცინო სამსახურმა დაშავებულები ოზურგეთში „მედალფას“ კლინიკაში გადაიყვანა. როგორც „მედალფას“ მთავარმა ექიმმა დავით მდინარაძემ გვითხრა, 2 ახალგაზრდა მამაკაცი, ავარიაში მოჰყვა და თავის ტვინის შერყევის დიაგნოზით იმყოფებიან კლინიკაში. ისინი სასწრაფო სამედიცინო სამსახურმა ღამის…