ბახვი ჰესის სალექციო კურსი ახალგაზრდებისთვის
2024 წლის 26მარტს, ბახვი ჰესის გარემოსდაცვითი და სოციალური საკითხების მრჩეველთა საბჭოს ჩართულობის პროგრამის ფარგლებში,მთისპირისა და ჩხაკაურას სკოლების უფროსკლასელები დაბა ჩოხატაურში „ივლიტას ბიბლიოთეკას“ სტუმრობდნენ, სადაც „გურია ნიუსის“ დამფუძნებელმა და მრჩეველთა საბჭოს წევრმა, ია მამალაძემ ჩაატარა სემინარი სახელწოდებით „ვისი ხვედრია თავისუფლება“. ია მამალაძე პროფესიით ჟურნალისტია. მან 1991 წელს დააფუძნა გამოცემა „გურია ნიუსი“, რომელიც სხვადასხვა პლატფორმაზე ვრცელდება. ის იყო საქართველოს რეგიონალური მედიის ასოციაციის თავმჯდომარე, საქართველოს ჟურნალისტური ეთიკის ქარტიის საბჭოს წევრი; ხელმძღვანელობდა სხვადასხვა საერთაშორისო და ადგილობრივ მედიაპროექტებს; ასევე საარჩევნო და ადგილობრივი თვითმმართველობის პროექტებს. მიღებული აქვს რამდენიმე ჟურნალისტური ჯილდო. ხელმძღვანელობს მედიამონიტორინგის ცენტრს.
„ივლიტას ბიბლიოთეკა“ მედიასახლ „გურია ნიუსის“, საქართველოს პარლამენტის ეროვნული ბიბლიოთეკის ინიციტივითა და ახალგაზრდების ენთუზიაზმით დაარსდა.ეს არის სივრცე, სადაც ახალგაზრდებს ეძლევათ საშუალება გაიღრმავონ ცოდნა დაისარგებლონ ინტერნეტთან შეუზღუდავად წვდომის საშუალებით. სწორედ ამ სივრცეში გაეცნენ ჩხაკაურისა და მთისპირის საჯარო სკოლის მოსწავლეები ია მამალაძის მიერ მომზადებულ ლექციას სამშობლოს სიყვარულზე, პირველ რესპუბლიკაზე. განიხილეს 1918 -1921 წლების სამოქალაქო აქტივობების მაგალითები და იმსჯელეს თემაზე: რა ხდის ადამიანს საუკეთესო მოქალაქედ.
„ჩემთვის ძალიან მნიშვნელოვანი იყო იმ თაობის ახალგაზრდებთან შეხვედრა, რომლებმაც ბევრი მნიშვნელოვანი ფაქტი არ იციან საქართველოს უახლესი წარსულიდან. ამ თაობას აღარ უწევს საბჭოთა პერიოდზე საუბარი. თუმცა მათ უნდა იცოდნენ, რომ ქართველებს გვაქვს გენეტიკური ცოდნა, თუ როგორ უნდა იქცეს ადამიანი მოქალაქედ. განვიხილეთ 1918-1921 წლის საქართველოს რესპუბლიკა. საქართველომ შექმნა სამაგალითო კონსტიტუცია და დამოუკიდებლობის აქტი. ბავშვებმა კარგად გაიაზრეს ეს ყველაფერი, იყო ჩართულობა მათი მხრიდან“ – განაცხადა „გურია ნიუსის“ დამფუძნებელმა და ბახვი ჰესის მრჩეველთა საბჭოს წევრმა ია მამალაძემ.
სემინარს „ვისი ხვედრია თავისუფლება“ მთისპირისა და ჩხაკაურას სკოლის 30 უფროსკლასელი (8,9,10,11,12 კლასი) და მათი რამდენიმე პედაგოგი ესწრებოდა.
თაკო ჩავლეშვილი – მთისპირის საჯარო სკოლის მეათე კლასის მოსწავლე
„ჩვენ განვიხილეთ საქართველოს დამოუკიდებლობის გამოცხადების ქრონიკა, რომელიც ძალიან ნაყოფიერი და საინტერესო იყო. დიდ მადლობას ვუხდი ტრენინგის ორგანიზატორებს ასეთი საინტერესო დღისთვის. ვფიქრობ მიღებული ცოდნა გამომადგება მომავალშიც“.
საბა ქათამაძე – ჩხაკაურას საჯარო სკოლის მეცხრე კლასის მოსწავლე
„დღევანდელი დღე დასამახსოვრებელი იქნება ჩემს ცხოვრებაში. საქართველოს ისტორიაზე ბევრი რამ გავიგე, რაც სიახლე იყო ჩემთვის. სამწუხაროა, რომ დამოუკიდებლობა 1921 წელს დავკარგეთ, თუმცა დღეს ჩვენი გზა ევროპისკენაა მიმართული და ბევრად გაძლიერებული დავბრუნდებით იქ“.
ბახვი ჰესის მრჩეველთა საბჭოს ჩართულობის პროგრამა 2023 წელს დაიწყო და 2024 წელსაც გაგრძელდება. პროექტის ფარგლებში ბევრი საინტერესო შეხვედრადა ღონისძიება იგეგმება მრჩეველთა საბჭოს წევრების მონაწილეობით.
დაფინანსებლი ფართი
მსგავსი სტატიები
- 87
კომპანია „პარვუს ჯგუფის“ სოციალური და საგანმანათლებლო პროექტის ფარგლებში კვირიკეთის, გომისა და შემოქმედის სკოლების უფროსკლასელებს ჩაუტარდათ ტრენინგები თემაზე _ „ვიცავთ გარემოს და ვქმნით ენერგოუსაფრთხო მომავალს“. პროექტის მიზანი გარემოს დაცვასა და განახლებადი ენერგიების როლსა და მნიშვნელობაზე მოსწავლეებში ცნობიერების ამაღლება იყო. პირველი ეტაპი სასწავლო წლის ბოლოს ადგილობრივი „ენერგო ელჩების“ არჩევით დასრულდა, ისინი კვალიფიციურად… - 84
რუბრიკა: „ერთად გავბედეთ და შევძელით“ წარმოგიდგენთ ახალ რუბრიკას – „ერთად გავბედეთ და შევძელით“ და დღევანდელ სიუჟეტის გმირები არიან ულამაზესი კირა და მისი არაჩვეულებრივი დედიკო სოფო. ქალი, რომელიც ყოველდღე ამსხვრევს სტიგმას და გვახსენებს, რომ აუტიზმი მხოლოდ სიტყვაა და არა საზღვარი. სოფო და კირა ცხოვრობენ ფერად და სითბოთი სავსე სამყაროში, სადაც… - 84
2024 წლის 6 და 7 ივნისს, ბახვი ჰესის მოწვევით, მთისპირისა და ჩხაკაურას სკოლებს რეჟისორი ლევან კოღუაშვილი სტუმრობდა. სტუმარმა მოსწავლეებს საკუთარი გამოცდილება გაუზიარა და ისაუბრა ისეთ თემებზე, როგორიცაა განათლების მნიშვნელობა და პროფესიები კინო ინდუსტრიაში, პასუხისმგებლიანი მოქალაქეობა, წარმატების მიღწევის გზები და ფილმის „გურია“ მიმდინარეობა. შეხვედრაზე ერთ-ერთი მთავარი განსახილველი თემა ქვეყანაში სხვადასხვა მიმართულებით… - 82
საქართველოს განათლების, მეცნიერებისა და ახალგაზრდობის მინისტრი ალექსანდრე წულაძე, გურიის მხარეში სახელმწიფო რწმუნებულთან გიორგი ურუშაძესთან, საქართველოს პარლამენტის ვიცე-სპიკერ არჩილ თალაკვაძესთან, გურიის მაჟორიტარ დეპუტატთან ვასილ ჩიგოგიძესთან, ოზურგეთის მერ ავთანდილ თალაკვაძესთან და საკრებულოს თავმჯდომარე დავით დარჩიასთან ერთად, ოზურგეთის მუნიციპალიტეტის სოფელ დვაბზუს საჯარო სკოლის სარეაბილიტაციო სამუშაოებს გაეცნო. შენობა, რომელიც 240 მოსწავლეზეა გათვლილი, სრულად განახლდება… - 82
პარვუს ჯგუფის საგანმანათლებლო ტრენინგები განახლებადი ენერგიების როლსა და მნიშვნელობაზე პრაქტიკული გაკვეთილებით კომპანიის ობიექტებზე გაგრძელდა. შემოქმედის, გომის, კვირიკეთისა და დვაბზუს სკოლის მოსწავლეები კომპანიის მშენებარე ობიექტებზე ფიზიკისა და სამოქალაქო განათლების მასწავლებლებთან ერთად ავიდნენ — რაც პროცესს არა მხოლოდ საინფორმაციო, არამედ საგანმანათლებლო-წახალისების მნიშვნელობასაც მატებდა. ლექციებისა და მასტერკლასების შემდეგ ისინი უკვე რეალურ სივრცეში დააკვირდნენ…