1963 წლის 27 აგვისტოს მწვერვალ შხარადან დაშვებისას გურამ თიკანაძე დაიღუპა.
1997 წელს კავკასიონზე ექსპედიციის დროს, კარავში ღამისთევისას ჩვენი ჯგუფის ხელმძღვანელმა, ცნობილმა მთამსვლელმა თამაზ ბაქანიძემ გვიამბო:
„იმ ექსპედიციაში გურამთან ერთად ვიყავი. იგი ორი წლის გაცნობილი მყავდა და ერთად ვვარჯიშობდით. ვემზადებოდით იმჟამინდელი სსრ კავშირის პირველობისთვის ერთეულებს შორის. თეთნულდზე ავედით ერთად, მაგრამ 1962 წელს ბევრი უბედური შემთხვევა მოხდა და ერთეულთა პირველობები შეწყვიტეს.
გურამს არაერთი მწვარვალი ჰქონდა დაპყრობილი. იგი წარმატებას წარმატებაზე აღწევდა როგორც ფოტოხელოვნებაში, ისე ალპინიზმში. ალპინიზმში საკავშირო პირველობის ვერცხლის მედალი ჰქონდა მიღებული. 1962 წელს მოდენის საერთაშორისო ფოტოკონკურსში ბრინჯაოს მედალი მოიპოვა მისმა ნამუშევარმა „თბილისის ზღვამ,“ეს პირველი საერთაშორისო ჯილდო იყო საქართველოს ფოტოხელოვნების ისტორიაში. მოკლედ, ამ ჭეშმარიტად კეთილშობილ, ახოვან და ულამაზეს ვაჟკაცთან ერთად რომელ მთამსვლელს არ მოუნდებოდა მრისხანე მწვერვალთან შერკინება.
ჯგუფს, რომელსაც ცენტრალურ შხარაზე უნდა განეხორციელებინა ასვლა, გურამ თიკანაძე ხელმძღვანელობდა. ჩემთან ერთად ამ ჯგუფში იყვნენ: ვანო წიკლაური, გიორგი კობიძე, ვალიკო ფოფხაძე. ასვლისას გურამის მეწყვილე ვიყავი, _მასთან ერთ თოკში ჩაბმული. ვიცოდით, გურამს ამ დროისათვის დიდი ნერვიულობა შეხვდა, მაგრამ ჩვენთან არ იმჩნევდა.
ეს ყოველივე დაშვებისას მოხდა.
დაახლოებით 4800 მეტრ სიმაღლეზე ვიყავით. წინ ფრიალო, შვეული კედელი გვქონდა გასავლელი. პალო თავად გურამმა დააგო…
უცებ რაღაც გავარდა და დავინახეთ, გურამი მოწყდა და ქვემოთ მიფრინავდა. პირველი დაცემისას შეეცადა ვარდნა შეემცირებინა, შემდეგ მეორედ დაეცა და …მთელი სამასი მეტრით ქვემოთ ჩაიქროლა…
_ მივეშველოთ-მეთქი _წამომცდა.
ვანო წიკლაურის ცრემლიან თვალებს რომ შევხედე, უცებ მოვედი გონს და მივხდი, რომ გურამი აღარ იყო.“
(გაზეთი „გურიის მთები,“#2, 1998 წელი).
ექსპედიციიდან დაბრუნების შემდეგ ოზურგეთის სამხატვრო გალერეაში გურამ თიკანაძისადმი მიძღვნილი ფოტოგამოფენა მოეწყო, ჩვენი ექსპედიციის წევრის რევაზ ცქვიტინიძის ფოტოებთან ერთად, გურამ თიკანაძის მეგობრის, ცნობილი ფოტოხელოვნის ნარიმან ერქომაიშვილის ფოტოარქივიც იყო წარმოდგენილი. იგი გურამ თიკანაძესთან ერთად არაერთ ექსპედიციაში იმყოფებოდა. მასთან გურამის გადაღებული ფირებიც ინახებოდა. ნარიმან ერქომაიშვილი რამდენიმე წლის წინ გარდაიცვალა…
მსგავსი სტატიები
- 73
ახალი წლის წინა დღეებში ოზურგეთს მოულოდნელად ერთი კარგი კაცი _ გასული საუკუნის 80-იანი წლების საუკეთესო ბირთვისმკვრელი, საქართველოს არაერთგზის ჩემპიონი, შემდგომში ცნობილი ფერმერი და საჯარო მოხელე, შემოქმედელი ბესიკ ლომინაძე გამოაკლდა. გასული საუკუნის 70-იან, 80-იანი წლებში ოზურგეთელი მძლეოსნები წარმატებით გამოდიოდნენ როგორც რესპუბლიკურ, ისე საკავშირო და საერთაშორისო შეჯიბრებებზე. ამაში დიდი წვლილი მიუძღვოდა მძლეოსნობის… - 71
ავტორი ივანე ჯაფარიძე უშბა მაგიური ძალით იზიდავდა მსოფლიოს ყველა კუთხის გამოჩენილ მთამსვლელებს. ინტერესს ისიც აძლიერებდა, რომ უშბაზე ამსვლელი მთამსვლელი, მსოფლიოში ცნობილი და სახელგანთქმული ინგლისის ალპური კლუბის წევრი ხდებოდა. უშბაზე ასვლების ისტორია მე-19 საუკუნის 80-იანი წლებიდან იწყება, როცა 1888 წელს, ჩრდილოეთ მწვერვალზე ასვლის ბედნიერება პირველად ინგლისელ ჯონ კოკინს და შვეიცარიელ ულრიხ… - 68
ოზურგეთის ,,მერცხალის“ მთ.მწვრთნელს სოსო გაგუას 20 დეკემბერს 75 წელი შეუსრულდებოდა. სოსო გაგუა დაიბადა 1949 წელს. მრავალი თაობის აღმზრდელი,თავისი საქმის პროფესიონალი. 1972 წლიდან მუშაობდა ოზურგეთის „მერცხალში.“ 1987 წელს სოსოს ხელმძღვანელობით „მერცხალი“ საქართველოს ჩემპიონი გახდა და გადავიდა საკავშირო გათამაშების მეორე ლიგაში, სადაც წარმატებით ასპარეზობდა.გუნდის ძირითადი ბირთვი ოზურგეთლები იყვნენ. წლების მამძილზე მუშაობდა ლაითურის… - 67
სამი წლის წინ ფეხბურთის ცნობილი ფეხბურთის მენეჯერი და მწვრთნელი,ოზურგეთის ფეხბურთის ისტორიაში 80-იანი წლების „ოქროს ხანის“ შემქმნელი ბახვა გიორგაძე გარდაიცვალა.იგი ახლა 88 წლის იქნებოდა. მის სახელს უკავშირდება ლაითურის მეურნეობის ფეხბურთელთა გუნდ „გიგანტის“ წარმატებები გასული საუკუნის 70-იან წლებში. მისი თავკაცობით „გიგანტი“ საქართველოს პირველობის პირველ ჯგუფში ასპარეზობდა და ორჯერ საკავშირო „ოქროს თავთავის“ გამარჯვებული… - 66
დღეს,85 წელი შესრულდა იური სიორიძის დაბადებიდან. რთული იყო გასული საუკუნის 90-იანი წლები საქართველოში. 1991-92 წლების დეკემბერ-იანვრის სამოქალაქო ომის შემდეგ ქვეყანაში კრიმინოგენური მდგომარეობა კიდევ უფრო დამძიმდა. ამ დროს ოზურგეთის პოლიციას გამოცდილი იურისტი იური სიორიძე ხელმძღვანელობდა. ბევრ ოზურგეთელს ახსოვს იმჟამინდელი პოლიციის წინ,სკვერში ასეულობით ოზურგეთელის წინ პოლიციის უფროსის სიტყვები: „ან წესრიგს დავამყარებთ ოზურგეთში,ან…