ჩქარი მატარებელი თბილისი-ოზურგეთი დღეს ოზურგეთში პირველად შემოვიდა

დღეს თბილისიდან ოზურგეთში ახალი ჩქარი სამგზავრო მატარებლის პირველი რეისი შესრულდა.

ჩინური მარკის 4 -ვაგონიანი  სამგზავრო მატარებელმა ოზურგეთში პირველი მგზავრები ჩამოიყვანა. სასიამოვნოა, რომ სამგზავრო მატარებლის მემანქანის თანაშემწე საქართველოს რკინიგზის პირველი რეფორმატორის, დაახლოებით მეოთხედი საუკუნის წინ დღის სამგზავრო მატარებლის თბილისი-ოზურგეთის დანიშვნის ინიციატორის, საქართველოს რკინიგზის ყოფილი მმართველის აკაკი ჩხაიძის შვილიშვილი იყო.

მატარებელში არის როგორც პირველი კლასის, ისე მეორე კლასის სამგზავრო ადგილები.(მატარებლის ტევადობა დაახლოებით 100 ადგილით გაიზარდა). პირველი კლასის ვაგონით მგზავრობა 27 ლარი ღირს, ხოლო მეორე კლასის _11-15 ლარი.

პირველ დღეს ახალ მატარებელს (ეს  მატარებელი ადრე თბილისი-ბათუმის რეისზე მოძრაობდა) ნატანებიდან ელმავალი დაეხმარა ოზურგეთში ჩამოსასვლელად.

ოზურგეთის რკინიგზის სადგურის თანამშრომლებმა გვითხრეს, რომ მიმდინარეობს ოზურგეთი-ნატანების 16-კილომეტრიან მონაკვეთზე, სადაც აუცილებელია, შპალების შეცვლა. უკვე შეცვალეს 4000 შპალი. ეს პროცესი გრძელდება.

№12/11 – ჩქარი მატარებელი თბილისი – ოზურგეთი, თბილისიდან გავა 9:00 სთ -ზე, ოზურგეთში ჩასვლა – 17:10 სთ – ზე; ოზურგეთი – თბილისი, ოზურგეთიდან 9:05 სთ-ზე გამოვა, თბილისში ჩამოსვლა 17:30 სთ – ზე.

მსგავსი სტატიები