ცნობილი ფეხბურთელი როლანდ ისიანი გარდაიცვალა

ოზურგეთის „მერცხალში“ ჩემი მეგობრების ბადრი თალაკვაძის, იური ურუშაძის და მთ.მწვრთნელის მიშიკო გორდელაძის თხოვნით ჩამოვედი, იმ დრონდელ „მერცხალში» თამაშობდნენ ძლიერი ფეხბურთელები როგორებიც იყვნენ: გალორდი ზურაბიშვილი, ნოდარ ჩხარტიშვილი,ენვერ დოლიძე, ზურა მარგველაშვილი, თამაზი სალუქვაძე, ანზორ ვახრამოვი,პაპუნა ნემსაძე,გია პაპიაშვილი,გულო ჩემინავა , ომარ გორგოშიძე,ავთანდილ ნინუა,იური ჩხაიძე ,ლერი თურმანიძე,ჯონი კაკალაძე, ვლადიმერ გოგოტიშვილი,ომარ ბახტაძე,ვლადიმერ პანოვი, თენგიზ მეტრეველი,მერაბ ჭელიძე,გელა როგავა , დავით არობელიძე, ანტონ დუმბაძე, და სხვები იხსენებს ბატონი როლანდი

პირველად თამაშზე რომ გამოვედი ამბობს ბატონი როლანდი დავინახე გადაჭედილი ტრიბუნები ხალხით სავსე, ჩემს თავს ვუთხარი თავს არ დავზოგავ და ვიბერძოლება რომ მათი გულები გავახარო და სიხარული მოვუტანო ჩემი თამაშით,როცა ახალგაზრდა ხარ და ძალა გერჩის სათამაშო სიტუაციაში ერკვევი, სათამაშო აზროვნება და ბურთის ფლობის ტექნიკა ბუნებამ არ დაიშურა და შეგიძლია სწორი გადაწყვეტილების მიღება მინდვრის ნებისმიერ მონაკვეთში და შენს გვერდით მაღალი დონის ფეხბურთელები თამაშობენ ყველაფერი გამოგდის ხშირად ვიგებდით და სიხარულს ვანიჭებდით ფეხბურთის გულშემატკივრებს!

ყველაზე მეტად გავიხარეთ 1967 წელს როცა საქართველოს ჩემპიონები გავხდით და გადავედით საკავშირო გათამაშების “B” კლასში, ამ გამარჯვებაში ყვლა ფეხბურთელმა დიდი წვლილი შეიტანეს

განსაკუთრებით აღსანიშნავია მთ. მწვრთნელის მიშიკო გორდელაძის და მაშინდელი სტადიონის დირექტორის კოტე გოგატაძის ღვაწლი.

სტადინი ყველა თამაშზე სავსე იყო ფეხბურთის გულშემატკივრებით მათი მხარდაჭერას და დიდ სიყვარულს როგორც მინდორზე ასევე ცხოვრებაში ვგრძნობდით და ვაფასებდით,იმ დრონდელი „მერცხალი“ერთ-ერთი საუკეთესო გუნდი იყო თავის ისტორიაში, გული მწყდება 1972 წლის გათამაშებაში მე-2 ადგილი დავიკავეთ ცოტა დაგვალკდა უფრო მაღალ ლიგაში გადასასვლელად!

დღეს ჩემში უამრავი ემოცია თავმოყრილი ამბობს ბატონი როლანდი „მერცხალი“ ჩემთვის იყო ყველაფერი,ჩემი ახალგაზრდობა,დაღვინება, კაცად ჩამოყალიბება, გამარჯვების სურვილი და ხალხის სიყვარული,მეგობრები რომლებიც მრავლად შევიძინე ოზურგეთში,ისე შემიყვარდა გურია და გურულები მეუღლე ოზურგეთში შევირთე ქალბატონი დალი ბოჭორიშვილი 1969 წელს.

ოჯახის, მეუღლის შვილების და შვილიშვილების,მეგობრების სიყვარუ₾ით მოვედი დღემდე, ორმაგად ბედნიერი ვიყავი როცა ჩემი შვილიშვილი ნიკა ისიანი ოზურგეთის“მერცხალში“ თამაშობდა 2011-2013 წლებში.

მოკითხვა ჩემს გურულებს დიდი სიყვარულითა და პატივისცემით ,ღმერთმა მოიგონიოს ყველა ის გარდაცვლი ფეხბურთელები და მწვრთნელები რომლებიც ჩემს გვერდით იყვნენ და დღეს არ არიან

ნათელი და სანთელი მათ ხსოვნას!“

(როლანდ ისიანის მოგონებები აღებულია ხარიტონ ჩხატარაშვილის გვერდიდან).

როლანდ ისიანს და მის თანაგუნდელებს „მერცხალის“ საკავშირო პირველობის „ბ“ კლასში გადასვლის 40 წლისთავზე, 2007 წელს შეხვედრა მოუწყვეს ქ. ოზურგეთში.

უფალმა ნათელი დაუმკვიდროს მის ხსოვნას.