მთავრობის 13 ოქტომბრის განკარგულებით შეწყდა ათობით ენერგეტიკული პროექტის განხილვა, რომლებზეც საინვესტიციო შეთანხმებები (მემორანდუმები) არ იყო გაფორმებული. ეს პროექტები ძირითადად წარდგენილი იყო პირდაპირი კონტრაქტების შეთანხმების პროგრამის ფარგლებში და მათ განხილვებში მონაწილეობდა ეკონომიკის მინისტრის ყოფილი მოადგილე რომეო მიქაუტაძე, რომელსაც ამჟამად კორუფციის მუხლით აქვს ბრალი წარდგენილი.
გაუქმებული პროექტები მოიცავს ჰესებს, მზის და ქარის ელექტროსადგურებს. არაერთი მათგანის შესახებ საქმის წარმოება დაიწყო წინა პრემიერმინისტრის – ირაკლი ღარიბაშვილის მმართველობის პერიოდში, თუმცა მათზე ოფიციალური საინვესტიციო შეთანხმება საბოლოოდ აღარ გაფორმებულა. სწორედ ასეთი კატეგორიის პროექტების განხილვა შეჩერდება.
საქართველოს მთავრობის განკარგულება ენერგეტიკულ პროექტებზე საქმის წარმოების შეწყვეტის შესახებ:
“გასული წლების განმავლობაში, საქართველოს ეკონომიკისა და მდგრადი განვითარების სამინისტროში (შემდგომში – სამინისტრო), კერძო ინიციატორების მხრიდან, ხდებოდა ენერგეტიკული პროექტების (ქარი, მზე, ჰიდრო) ინიციირება. 2025 წლის სექტემბრის თვის მონაცემებით, სამინისტროში წარმოდგენილი წინადადებებიდან ნაწილზე, კერძოდ, ჯამურად 1746.5 მეგავატი დადგმული სიმძლავრის ელექტროსადგურების განვითარების თაობაზე წარმოდგენილ წინადადებებთან დაკავშირებით, არ გაფორმებულა შესაბამისი ხელშეკრულება/მემორანდუმი.
მიუხედავად იმისა, რომ აღნიშნულ პროექტებზე არ არსებობს მათზე გაფორმებული ხელშეკრულებები/მემორანდუმები, ხდებოდა მათი გათვალისწინება მომავალი წლების ენერგობალანსში, გათვალისწინებული იყო „საქართველოს გადამცემი ქსელის განვითარების ათწლიან გეგმაში“ და ასევე აღნიშნული პროექტების მიერ დაკავებული ტერიტორიები მიიჩნეოდა დაკავებულად.
აღნიშნულთან დაკავშირებით მომზადდა ენერგეტიკული პოლიტიკისა და საინვესტიციო პროექტების დეპარტამენტის 2025 წლის 1 ოქტომბრის N3717 მოხსენებითი ბარათი, რომლითაც დეპარტამენტმა შეწყვიტა ადმინისტრაციული საქმის წარმოება ჯამურად 1746,5 მგვტ. სიმძლავრის განცხადებების განხილვაზე.
ზემოაღნიშნული დადგმული სიმძლავრიდან 546 მეგავატი შეეხება „განახლებადი წყაროებიდან ენერგიის წარმოებისა და გამოყენების მხარდაჭერის სქემისა და სიმძლავრის აუქციონის წესების დამტკიცების შესახებ“ საქართველოს მთავრობის 2022 წლის 7 დეკემბრის N556 დადგენილებით დამტკიცებული წესის (შემდგომში – N556 დადგენილება) ფარგლებში 2024 წლის 2 სექტემბერს გამოცხადებულ „პირდაპირი წესით შერჩევაში“ წარმოდგენილ წინადადებებს. დანარჩენი პროექტების განვითარება კერძო ინიციატორების მხრიდან იგეგმებოდა:
- საქართველოს მთავრობის 2018 წლის 31 ოქტომბრის N515 დადგენილებით დამტკიცებული წესის (შემდგომში – N515 დადგენილება) შესაბამისად.
- საქართველოს მთავრობის 2020 წლის 2 ივლისის N403 დადგენილებით დამტკიცებული სქემისა (შემდგომში N403 დადგენილება) შესაბამისად.
- საქართველოს მთავრობის 2018 წლის 17 აგვისტოს N426 დადგენილებით დამტკიცებული წესის (შემდგომში – N426 დადგენილება) შესაბამისად.
1. N515 დადგენილების ფარგლებში შეწყვეტილი პროექტები
წინამდებარე მოხსენებითი ბარათის დანართში წარმოდგენილია:
ა) 36 ჰიდროელექტროსადგურის პროექტის განაცხადი (ჯამური დადგმული სიმძლავრე – 163.5 მგვტ.)
| კომპანია | პროექტი | დადგმული სიმძლავრე | წლიური გამომუშავება |
| შპს „გორი ჰესი“ | გორი ჰესი | 9.60 მგვტ. | 59.5 მლნ.კვტ.სთ |
| შპს „გუჯარულა ჰაიდრო“ | გუჯარულა ჰაიდრო 1 ჰესი | 0.80 მგვტ. | 4.516 მლნ.კვტ.სთ |
| შპს „სმარტ-ენერჯი“ | გუჯარულა 2 ჰესი | 0.50 მგვტ. | 3.37 მლნ.კვტ.სთ |
| შპს „ბიჯი თრეიდი“ | მეძიბნა ჰესი | 0.80 მგვტ. | 4.85 მლნ.კვტ.სთ |
| შპს „არაკალი“ | მნა ჰესი | 4.10 მგვტ. | 22.14 მლნ.კვტ.სთ |
| შპს „შდავლერი“ | ქართლდაში ჰესი | 1.85 მგვტ. | 10.7 მლნ.კვტ.სთ |
| შპს „იორი ჰესი“ | იორი ჰესი | 1.90 მგვტ. | 13.053 მლნ.კვტ.სთ |
| შპს „სალუდა“ | ფშავის არაგვი ჰესი | 6.72 მგვტ. | 40.9 მლნ.კვტ.სთ |
| შპს „სალუდა“ | კვერეშულა ჰესი | 1.06 მგვტ. | 5.22 მლნ.კვტ.სთ |
| შპს „ლაჰიდრო“ | ფუშყვერი ჰესი | 7.00 მგვტ. | 35 მლნ.კვტ.სთ |
| შპს „იორი ენერჯი“ | პალდო ჰესი | 5.22 მგვტ. | 30.350 მლნ.კვტ.სთ |
| შპს „სინთენერჯი-21“ | სენაკი 1,2,3,4,5 ჰესების კასკადი | 18.10 მგვტ. | 124.1 მლნ.კვტ.სთ |
| შპს „ჯუთა ენერჯი“ | ყაზახი ჰესი | 1.95 მგვტ. | 11.5 მლნ.კვტ.სთ |
| შპს „ენერჯი დეველოფმენტ ჯორჯია“ | სურეზი 3 ჰესი | 7.5 მგვტ. | 37.07 მლნ.კვტ.სთ |
| შპს „ლასდილი ჰესი“ | ლასდილი ჰესი | 4.046 მგვტ. | 23.16 მლნ.კვტ.სთ |
| შპს „ლაიშურაჰიდრო“ | ლაიშურა ჰესი | 6 მგვტ. | 27.9 მლნ.კვტ.სთ |
| შპს „ლასდილი ჰესი“ | ნეშარი ჰესი | 1.27 მგვტ. | 7.17 მლნ.კვტ.სთ |
| შპს „მათა“ | შოროხევი ჰესი | 1.91 მგვტ. | 8.25 მლნ.კვტ.სთ |
| შპს „მწვანე განახლებადი ენერგია საქართველოსთვის“ | ცხვარეში ჰესი | 1.3 მგვტ. | 6.7 მლნ.კვტ.სთ |
| შპს „პარვუს ეკო“ | დიდვაკე 1 ჰესი | 1.97 მგვტ. | 12.3 მლნ.კვტ.სთ |
| შპს „პარვუს ეკო“ | დიდვაკე 2 ჰესი | 1.98 მგვტ. | 15.9 მლნ.კვტ.სთ |
| შპს „პარვუს ეკო“ | დიდვაკე 3 ჰესი | 1.98 მგვტ. | 11.5 მლნ.კვტ.სთ |
| შპს „ცხენისწყალი 4“ | ცხენისწყალი 4 ჰესი | 35 მგვტ. | 199 მლნ.კვტ.სთ |
| შპს „ჯრუჭულა ენერჯი“ | ჯრუჭულა ჰესი 2 | 1.95 მგვტ. | 12.72 მლნ.კვტ.სთ |
| შპს „აი ჯი ენერჯი“ | წანერი ჰესი | 5.15 მგვტ. | 35 მლნ.კვტ.სთ |
| შპს „მინი ზერალი ჰესი“ | მინი ზერალი ჰესი | 0.5 მგვტ. | 3 მლნ.კვტ.სთ |
| შპს „ორიგო“ | ლონაური ჰესი | 1.77 მგვტ. | 8.99 მლნ.კვტ.სთ |
| შპს „ი სი ჯი ენერჯი“ | ხეოთი ჰესი | 1.93 მგვტ. | 9.86 მლნ.კვტ.სთ |
| შპს „ეიჯი რიონი ჰაიდრო“ | ჭანჭახი ჰესი | 15.5 მგვტ. | 72.45 მლნ.კვტ.სთ |
| შპს „ხეშკური ჰესი“ | ხეშკური ჰესი | 1.99 მგვტ. | 12.5 მლნ.კვტ.სთ |
| შპს „კაიძენი“ | ლეხიდარი ჰესი 1 | 1.65 მგვტ. | 8.54 მლნ.კვტ.სთ |
| შპს „კაიძენი“ | ლეხიდარი ჰესი 2 | 1.65 მგვტ. | 8.54 მლნ.კვტ.სთ |
| შპს „კაიძენი“ | ლეხიდარი ჰესი 3 | 1.98 მგვტ. | 10.25 მლნ.კვტ.სთ |
| შპს „კაიძენი“ | ლეხიდარი ჰესი 4 | 1.98 მგვტ. | 10.25 მლნ.კვტ.სთ |
| შპს „ჰიდრომატიკა 1“ | ზოფხიტო ჰესი | 1.98 მგვტ. | 10.96 მლნ.კვტ.სთ |
| შპს „კასკადიორი“ | იორი ჰესი | 2.9 მგვტ. | 12,47 მლნ.კვტ.სთ |
ბ) 10 მზის ელექტროსადგურის პროექტის განაცხადი (ჯამური დადგმული სიმძლავრე – 277.96 მგვტ.)
| კომპანია | პროექტი | დადგმული სიმძლავრე | წლიური გამომუშავება |
| შპს „ქსანი სოლარ ენერჯი“ | ქსანის მზის ელ.სადგური | 25 მგვტ. | 35 მლნ.კვტ.სთ |
| შპს „პივი სოლარი“ | ქსნის 2 მზის ელექტროსადგური | 50 მგვტ. | 72.3 მლნ.კვტ.სთ |
| შპს „სლოვ ენერჯი ჯორჯია“ | გარდაბნის მზის ელექტროსადგური | 25 მგვტ. | 35.4 მლნ.კვტ.სთ |
| შპს „საქართველოს საერთაშორისო ენერგეტიკული კორპორაცია“ | ნინოწმინდა 1 მზის ელექტროსადგური | 20 მგვტ. | 38.161 მლნ.კვტ.სთ |
| შპს „სანრაიზ ენერჯი“ | თელავის მზის ელექტროსადგური | 20 მგვტ. | 32 მლნ.კვტ.სთ |
| შპს „გეოტატ კომპანი“ | მარნეულის მზის ელექტროსადგური | 60 მგვტ. | 84.3 მლნ.კვტ.სთ |
| შპს „სალუდა“ | ქარზამეთის მზის ელექტროსადგური | 25.06 მგვტ. | 38.3 მლნ.კვტ.სთ |
| შპს „ეჯე ენერჯი“ | გამარჯვების მზის ელექტროსადგური | 25 მგვტ. | 39.149 მლნ.კვტ.სთ |
| შპს „კახეთის მზე“ | ზილიჩას მზის ელექტროსადგური | 24 მგვტ. | 40 მლნ.კვტ.სთ |
| შპს „აიდივი ენერჯი“ | გუთურის მზის ელექტროსადგური | 3.9 მგვტ. | 4.59 მლნ.კვტ.სთ |
შენიშვნა N515 პროექტებზე: ზემოაღნიშნულ პროექტებზე მომზადებულ იქნა ენერგეტიკული პოლიტიკისა და საინვესტიციო პროექტების დეპარტამენტის მოხსენებითი ბარათები პროექტების შემდგომი განვითარების მიზნით, თუმცა, რიგი ობიექტური მიზეზების გამო, არ მომხდარა მათთან შესაბამისი ხელშეკრულების/მემორანდუმის გაფორმება.
2. N403 დადგენილების ფარგლებში შეწყვეტილი პროექტები
წინამდებარე მოხსენებითი ბარათის დანართში წარმოდგენილია 5 ჰიდროელექტროსადგურის პროექტის საინიციატივო შეთავაზება (ჯამური დადგმული სიმძლავრე – 214.3 მგვტ.):
| კომპანია | პროექტი | დადგმული სიმძლავრე | წლიური გამომუშავება |
| სს „სუფსა ენერჯი“ | ბარამიძე 2 ჰესი | 7.7 მგვტ. | 39.8 მლნ.კვტ.სთ |
| შპს „ალაზანი ინვესტი“ | ილტო ალაზნის კასკადი | 139.5 მგვტ. | 521.85 მლნ.კვტ.სთ |
| შპს „ფაზისი ენერჯი“ | ფოთი ჰესი | 13 მგვტ. | 103.631 მლნ.კვტ.სთ |
| შპს „წაბლარი ენერჯი“ | საირმე ჰესი | 18.5 მგვტ. | 75.9 მლნ.კვტ.სთ |
| შპს „მულხრაჰესი“ | მულხრა ჰესი | 35.6 მგვტ. | 116 მლნ.კვტ.სთ |
შენიშვნა N403 პროექტებზე: შპს „ალაზანი ინვესტის“, შპს „წაბლარი ენერჯის”, შპს „ფაზისი ენერჯისა“ და შპს „მულხრაჰესის“ მიერ წარმოდგენილი საინიციატივო შეთავაზებების საფუძველზე სამინისტროს მიერ მომზადებული კონცეფციის ბარათები მოწონებულ იქნა საქართველოს მთავრობის განკარგულებებით, თუმცა პროექტებს შემდგომი მსვლელობა არ მისცემია. რაც შეეხება სს „სუფსა ენერჯის“ შეთავაზებას, რიგი ობიექტური მიზეზების გამო, არ მომხდარა მათთან შესაბამისი ხელშეკრულების/მემორანდუმის გაფორმება.
3. N426 დადგენილების ფარგლებში შეწყვეტილი პროექტები
წინამდებარე მოხსენებითი ბარათის დანართში წარმოდგენილია 4 ჰიდროელექტროსადგურის პროექტის საინიციატივო შეთავაზება (ჯამური დადგმული სიმძლავრე – 544.79 მგვტ.):
| კომპანია | პროექტი | დადგმული სიმძლავრე | წლიური გამომუშავება |
| სს „ენერგიონი“ | ონი 1 ჰესი | 122.46 მგვტ. | 445.1 მლნ.კვტ.სთ |
| სს „ტეხური ენერჯი“ | ცხიმრაჰესი | 23.85 მგვტ. | 140.94 მლნ.კვტ.სთ |
| სს „ტეხური ენერჯი“ | ნობულევი ჰესი | 18.48 მგვტ. | 105.08 მლნ.კვტ.სთ |
| შპს „მირა კაპიტალი“ | ენგურის მააკუმულირებელი სადგური | 380 მგვტ. | 1121 მლნ.კვტ.სთ |
შენიშვნა N426 პროექტებზე: სს „ენერგიონის“ მიერ „ონი 1 ჰესის“ საინიციატივო შეთავაზებების თაობაზე მომზადდა საქართველოს მთავრობის განკარგულების პროექტი, მოხდა მისი ინიციირება, თუმცა 2023 წლის 7 აგვისტოს N GOV 9 23 00023139 წერილით აღნიშნული განკარგულების პროექტი დაბრუნდა სამინისტროში. დანარჩენ სამ პროექტს, რიგი ობიექტური მიზეზების გამო, შემდგომი მსვლელობა აღარ მისცემია და არ მომხდარა მათთან შესაბამისი ხელშეკრულების/მემორანდუმის გაფორმება.
4. N556 დადგენილების ფარგლებში შეწყვეტილი პროექტები
N556 დადგენილების საფუძველზე, 2024 წლის 2 სექტემბრიდან 2025 წლის 28 თებერვლის ჩათვლით, სამინისტროს მიერ გამოცხადებულ იქნა ე.წ. „პირდაპირი წესით შერჩევა“, რომლის ფარგლებში, კერძო ინიციატორების მხრიდან წარმოდგენილ იქნა 435 განაცხადი.
აღნიშნული განაცხადების ნაწილი წარმოდგენილ იქნა დადგენილებით მოთხოვნილი კრიტერიუმების დაუცველად, კერძოდ, 30 განაცხადი, ჯამური დადგმული სიმძლავრით 546.02 მგვტ.:
| კომპანია | პროექტი | დადგმული სიმძლავრე | წლიური გამომუშავება |
| შპს „ტაზა“ | რიკოთი 2 ქარის ელ.სადგური | 45 მგვტ. | 192.5 მლნ.კვტ.სთ |
| შპს „ხობი 1 ჰიდრო“ | ხობი 1 ჰესი | 45.5 მგვტ. | 201.5 მლნ.კვტ.სთ |
| შპს „აი-ჯი ენერჯი“ | მულხურა ჰესი | 40.2 მგვტ. | 151.2 მლნ.კვტ.სთ |
| შპს „ეჯე ენერჯი“ | მარნეული 1 მზის ელ.სადგური | 2 მგვტ. | 3.62 მლნ.კვტ.სთ |
| შპს „ეჯე ენერჯი“ | მარნეული 3 მზის ელექტროსადგური | 2 მგვტ. | 3.66 მლნ.კვტ.სთ |
| შპს „ეჯე ენერჯი“ | მარნეული 2 მზის ელექტროსადგური | 2 მგვტ. | 2.5 მლნ.კვტ.სთ |
| შპს „ეჯე ენერჯი“ | მარნეული 4 მზის ელექტროსადგური | 2 მგვტ. | 3.62 მლნ.კვტ.სთ |
| შპს „ეჯე ენერჯი“ | მარნეული 5 მზის ელექტროსადგური | 2 მგვტ. | 3.7 მლნ.კვტ.სთ |
| შპს „გორმანი ენერჯი“ | შოდური ჰესი | 1.2 მგვტ. | 6.97 მლნ.კვტ.სთ |
| შპს „ენ თი ჯი“ | დისველის მზის ელექტროსადგური | 2 მგვტ. | 3.54 მლნ.კვტ.სთ |
| შპს „ვი-ემ-ჯი-ეი განათლება“ | ღვირიშის ჰიდროელექტროსადგური | 2 მგვტ. | 10.282 მლნ.კვტ.სთ |
| შპს „ჯიდიეი დანრე ფივი“ | ჯიდიეი დანრე ფივი-ს რუსთავის აღმოსავლეთი მზის სადგური | 50 მგვტ. | 99.71 მლნ.კვტ.სთ |
| შპს „ვი-ემ-ჯი-ეი განათლება“ | ქვემო ახაშენი 1 ჰიდროელექტროსადგური | 2 მგვტ. | 8 მლნ.კვტ.სთ |
| შპს „აქტო ჯგუფი“ | მარნეული 2 მზის ელექტროსადგური | 50 მგვტ. | 93.79 მლნ.კვტ.სთ |
| შპს „აქტო ჯგუფი“ | ნაგების მზის ელექტროსადგური | 50 მგვტ. | 93.79 მლნ.კვტ.სთ |
| შპს „აქტო ჯგუფი“ | სკელდერჰესი | 15 მგვტ. | 84 მლნ.კვტ.სთ |
| შპს „ვი-ემ-ჯი-ეი განათლება“ | ორხვის ჰიდროელექტროსადგური | 12.25 მგვტ. | 65.7 მლნ.კვტ.სთ |
| შპს „აქტო ჯგუფი“ | სკილირჰესი | 7.1 მგვტ. | 36.8 მლნ.კვტ.სთ |
| შპს „თბილისის ქარის ელექტროსადგური“ | თბილისის ქარის ელექტროსადგური | 50 მგვტ. | 161.6 მლნ.კვტ.სთ |
| შპს „მეს-ვათთენ ენერჯი“ | ზაღდადი ჰესი | 1.95 მგვტ. | 15.93 მლნ.კვტ.სთ |
| სს „კავკასიის ქარის კომპანია“ | კასპის ქარის ელექტროსადგური | 80 მგვტ. | 268 მლნ.კვტ.სთ |
| შპს „გორის მზე“ | სამთაწყაროს 1,75 მზის ელექტროსადგური | 1.75 მგვტ. | 3 მლნ.კვტ.სთ |
| შპს „ნიუ ენერჯი ინ ჯორჯია“ | სოხორთულაჰესი | 1.7 მგვტ. | 10.4 მლნ.კვტ.სთ |
| შპს „ვი-ემ-ჯი-ეი განათლება“ | დაღეთი 2 ჰესი | 1.7 მგვტ. | 13 მლნ.კვტ.სთ |
| შპს „აქტო ჯგუფი“ | უტყი ჰესი | 2.7 მგვტ. | 11.8 მლნ.კვტ.სთ |
| შპს „აქტო ჯგუფი“ | ასპინძა ჰესი | 18 მგვტ. | 108 მლნ.კვტ.სთ |
| შპს „მემემზე“ | ჯანდარის მზის ელექტროსადგური | 1 მგვტ. | 1.35 მლნ.კვტ.სთ |
| შპს „ელთიჯი ჰოლდინგი“ | ქვერნაქის მზის ელექტროსადგური | 7 მგვტ. | 10.87 მლნ.კვტ.სთ |
| შპს „დიდი არაგვი“ | ფოცხოვ ჰესი | 1.97 მგვტ. | 11.5 მლნ.კვტ.სთ |
| სს „ზოტი ჰიდრო“ | ზოტის ჰიდროელექტროსადგური | 46 მგვტ. | 169.2 მლნ.კვტ.სთ |
N556 პროექტების ხარვეზები:
- ქსელზე მიერთება: განაცხადების მნიშვნელოვან ნაწილში დაფიქსირდა N556 დადგენილების მე-8 მუხლის „თ“ ქვეპუნქტით გათვალისწინებული მოთხოვნის შეუსრულებლობა, რაც გამოიხატება იმაში, რომ არ არის წარმოდგენილი ქსელზე მიერთების სავარაუდო სქემა და შესაბამისი შეფასება ქსელის შესაძლებლობის შესახებ, მიიღოს გამომუშავებული ელექტროენერგია.
- ტერიტორიის კვეთა: შპს „ვი-ემ-ჯი-ეი განათლების” მიერ „დაღეთი 2 ჰესის“ თაობაზე წარმოდგენილ განაცხადს ტექნიკური ხარვეზი ჰქონდა, ვინაიდან აღნიშნული პროექტი კვეთს უკვე არსებული პროექტისა და გაფორმებული მემორანდუმის არეალს (შპს „ხრამის კასკადი“ „ხრამი 5 ჰესის” არეალს).
- კვლევის არქონა და ხარვეზის აღმოუფხვრელობა:
- შპს „აქტო ჯგუფის“ მიერ „უტყი ჰესისა“ და „ასპინძა ჰესის“ თაობაზე წარმოდგენილ განაცხადებს არ ერთვოდა წინარე ტექნიკურ-ეკონომიკური კვლევა. კომპანიას გაეგზავნა შეტყობინება 10 სამუშაო დღის ვადაში ხარვეზის გამოსასწორებლად, მაგრამ დადგენილ ვადაში ხარვეზი არ აღმოფხვრილა არც ერთ განაცხადზე.
- შპს „მემემზეს“ მიერ „ჯანდარის მზის ელექტროსადგურის“ განაცხადს გააჩნდა ხარვეზები კვლევების ნაწილში. მიუხედავად სამინისტროს კომუნიკაციის მცდელობისა, კომპანიის მხრიდან არ დაფიქსირებულა არანაირი რეაგირება.
- დაკავებული არეალი: შპს „ელთიჯი ჰოლდინგისა“ („ქვერნაქის მზის ელექტროსადგური“) და შპს „დიდი არაგვის“ („ფოცხოვ ჰესი“) განაცხადების ინიციირება მოხდა უკვე დაკავებულ არეალებზე და არც შემდგომში დაუკორექტირებიათ ნიშნულები და არეალები.
- დადგენილების მოქმედების სფერო: სს „ზოტი ჰიდრომ“ „ზოტის ჰიდროელექტროსადგურის“ თაობაზე განაცხადი წარმოადგინა N556 დადგენილებით მოთხოვნილი ნორმების დარღვევით, რადგან აღნიშნული პროექტი უკვე წლების განმავლობაში იმყოფება სამშენებლო ფაზაზე, ხოლო N556 დადგენილების მოქმედება არ ვრცელდება ამ დადგენილების ამოქმედებამდე არსებულ მშენებლობის ფაზაში მყოფ პროექტებზე.
შედეგი: აღნიშნული განკარგულების მიღების შედეგად, საქართველოს მთავრობა მოიწონებს ინფორმაციას საქართველოს ეკონომიკისა და მდგრადი განვითარების სამინისტროს მიერ ჯამურად 1746,5 მგვტ სიმძლავრის პროექტების ადმინისტრაციული საქმისწარმოების შეწყვეტის თაობაზე,”- ნათქვამია დოკუმენტში.
