დიახ, ოზურგეთის თეატრში სასწაულები ხდება და ეს სასწაულები კალეიდოსკოპის ფერადი ფიგურებივით ენაცვლებიან ერთმანეთს.
მათემატიკოსები ნუ დამიწყებენ იმის მტკიცებას, რომ 3+3 უდრის ექვსს, რადგან… რადგან ოზურგეთის თეატრმა, 13 ივნისს, აუარება მაყურებლის თვალწინ, მეორედ დაამტკიცა, რომ `3+3~ გაცილებით მეტია და უსასრულობას უტოლდება. პირველად ეს მომხდარა 17 მაისს, როცა მანანა დოიაშვილის ამ პიესის პრემიერა შემდგარა ორი უნივერსიტეტის (თეატრალურისა და ილიას სახელობისა) პროფესორის, არაერთი პროფესიული ჯილდოს მფლობელის ვანო ხუციშვილის რეჟისორობით. ვნანობ, განვიცდი კიდეც, რომ პრემიერას ვერ დავესწარი და მივიკელი თეატრალური ხელოვნების ამ შედევრის პირველი გამომზეურების ემოციური სიამოვნება. ვფიქრობ, ეს სპექტაკლი სათანადო ადგილს დაიკავებს როგორც ოზურგეთის თეატრის ისტორიაში, ისე ბატონი ვანოს, როგორც დამდგმელი რეჟისორის, მდიდარ და მრავალფეროვან შემოქმედებაში.
დავუბრუნდეთ 13 ივნისს. იმ დღეს ოზურგეთელი მაყურებელი ამ ფსიქოლოგიური დრამის სასწაულებრივი წარმოდგენის მხილველი გახდა, მაყურებლისა, რომელიც ფარდის გახსნისა და მუსიკის პირველივე ბგერის ექოდ გავარდნისთანავე, უკვე დამუხტული, წუთიწუთზე ელოდებოდა რაღაც მოვლენის სასწაულებრივად განვითარებას, კულმინაციასა თუ კვანძის გახსნას.
უპირველესად, ახალგაზრდა მსახიობებზე ციცი ბუცხრიკიძესა და ნიკა ძნელაძეზე მინდა ვთქვა რამდენიმე სიტყვა. ამ სპექტაკლიდან კარგად ჩანს, ვინ მოდის მომავლიდან, ერთი ნახვით შეყვარებას დავარქმევდი იმას, რაც მაყურებელმა „ბრავოს“ შეძახილებით გამოხატა ამ წყვილის მიმართ დიახ, ოზურგეთელები მოიხიბლენ ბუცხრიკიძის ქალური შარმით სავსე, ტემპერამენტიანიანი ჩეტითა და ძნელაძის ყურებამდე შეყვარებული დორეთი.
საიდუმლოს დამალვის, მალული სიყვარულის გაუმჟღავნელობის, უკიდურესი სიტუაციიდან თავის დაძვრენის შტრიხებით გააჯერა ჯოჯის პორტრეტი მსახიობმა შორენა გვეტაძემ, რომლის არც ერთი როლი გაუტარებია მაყურებელს უოვაციოდ.
ვახტანგ ჩხარტიშვილმა, რომელიც ამავე დროს ამ სპექტაკლის რეჟისორის ასისტენტია, გვეძი კი არ ითამაშა, ნატურალურ გვეძად იქცა, ისეთ გვეძად, რომელიც სცენიდან ჩამოსვლის შემდეგაც ადვილად ვერ შეელევა გვეძობას.
რაც შეეხება თამარ მდინარაძეს (ბაუკი), ხმამაღლა ვაცხადებ: ეს არ არის ქალის როლის საუკეთესო შემსრულებელი, უფრო მეტია _ ახლა საქართველოში (არა მხოლოდ) თამარის ბადალი მსახიობი ქალი არ მოიძებნება! ეს ჩემი პირადი აზრია, რომელსაც, ამ სპექტაკლში მის მიერ განსახიერებული ბაუკის გარდა, სხვა პერსონაჟებისგან მიღებული ემოციები ასაზრდოებს.
მხატვარ თეა კუხიანიძის დამსახურებით, საოცრად ტევადი და გამჭვირვალეა ამ სპექტაკლში ოზურგეთის თეატრის მცირე სცენა.
ტრაგიკული დინამიზმით სავსე და სულის ამფორიაქებელია გიორგი ჯიქიას მუსიკალური გაფორმება.
ახლა, როცა ამ წერილზე ვმუშაობ ჭაბუა ამირეჯიბის ნიკანდრო ქირიამ შემახსენა თავი: „დედა, რა იყო აგი, ა?!“ აღარ განვაგრძობ ციტირებას, რადგან უკვე გითხარით, ვისი და როგორი ნახელავიცაა.
აი, თურმე რა ჰქონდა მხედველობაში თეატრის სამხატვრო ხელმძღვანელს, ხელოვნების დამსახურებულ მოღვაწეს, კ. მარჯანიშვილის პრემიის ლაურეატს, ვასო ჩიგოგიძეს, როცა თქვა: „ჩვენ უკვე ევროპული თეატრი ვართ“.
ასეთი სპექტაკლის სანახავად მაყურებელი ყოველთვის ივლის თეატრში.

ავტორი თემურ მარშანიშვილი

 

მოიწონეთ და გააზიარეთ სტატია:

მსგავსი სტატიები

  • 78
    ქართული მოვალეობის შემსრულებელი"ქართული მოვალეობის შემსრულებელი" 1921 წლის თებერვალში ევაკუირებულმა მენშევიკურმა მთავრობამ საქართველოდან დროებით გაიტანა საბანკო ვალუტა, სამუზეუმო განძეულობა,დამფუძნებელმა კრებამ სამუზეუმო განძის მეთვალყურეობა ექვთიმე თაყაიშვილს დაავალა. მისივე მოგონებიდან ნოე ჟორდანიამ თქვა : განძეულობა სულ ქუთაისში გადავიტანოთ და ბოლოს ჩვენც წავალთ რითაც მოგვიხერხდებაო, ერთ საღამოს გამოგვიცხადა, ხვალ დილით ცხრა საათზე ქუთაისში ვგზავნით, რაც რაიმე…
  • 78
    კონსტანტინე შარაშენიძის თქმით, ძმები თალაკვაძეები თბილისიდან არიან გამოგდებული_„ძმებმა თალაკვაძეებმა, თავიანთი მიზნის მისაღწევად, ყველაფერი იკადრეს, ყველაფერი, რასაც ადამიანები არ კადრულობენ. ეს ხალხი გამოაშკარავდა ოზურგეთში, მათ სხვა გზა არ გააჩნიათ, ისინი არიან გამოგდებული თბილისიდან, მათი არც ღირსება, არც პროფესიონალიზმი არავის სჭირდება სრული ამ სიტყვის მნიშვნელობით“. _ განაცხადა ოზურგეთის მუნიციპალიტეტის მერობის დამოუკიდებელმა კანდიდატმა კონსტანტინე შარაშენიძემ 25 ოქტომბერს თავის ოფისში გამართულ…
  • 73
    იმ ადამიანის მდგომარეობაში არ აღმოვჩნდეთ, უსამართლოდ გამოტანილ განაჩენს _დახვრეტას ჩამოხრჩობით რომ შეუცვლიან28 იანვარს 15.00 საათზე საქართველოს გარემოს დაცვისა და სოფლის მეურნეობის სამინისტრო აწყობს გზშ-ს (გარემოზე ზემოქმედების შეფასება) და განიხილავს პროექტს „ოზურგეთის მუნიციპალიტეტის სოფელ ლიხა-ურში, მეორადი ნედლეულიდან ფერადი ლითონების (კერძოდ, ალუმინის) მწარმოებელი სა-წარმოს მშენებლობა და ექსპლუატაცია“. ცნობისთვის: პროექტის განხორციელება იგეგმება ყოფილ მანქანათმშენებლობის ქარხანაში. ეს ტერიტორია 2004 წლამდე ქალაქ ოზურგეთს ეკუთვნოდა. და იცით,…
  • 72
    „ქართველი ნეაპოლელების“ ტრიუმფი ოზურგეთის თეატრშივარდობისთვის ბოლო დღეს ნეაპოლში გახლდით – მილიონერთა ქალაქში. მეგონა, შორს იყო და აგერ ყოფილა, ორი ფეხის ნაბიჯში _ ოზურგეთის სახელმწიფო თეატრში. იმ დღეს აქ ისეთი პრემიერა შედგა, რომ `ქართველმა ნეაპოლელებმა~ დაუსწრებლად შემაყვარეს ეს იტალიური ქალაქი და იტალიელი ნეაპოლელები. ვიზუალით, ხასიათით, ყოფა-ცხოვრებით, ხასიათით, მეტადრე ემოციით, სიმკვირცხლით, მსოფლმხედველობით, სულიერებით ქართველები და იტალიელები…
  • 69
    1964. პირველი ტრიუმფი! "ლელოს" რეპორტაჟი ტაშკენტიდან: „დინამოელები ნიაღვარივით ანგრევდნენ „ტორპედოს“ დაცვის ყველა ჯებირს1964 წლის 18 ნოემბერს, თბილისის „დინამომ“პირველად მოიპოვა სსრ კავშირის ჩემპიონის წოდება. იგი გადამწყვეტ მატჩში, ნეიტრალურ მოედანზე,  ტაშკენტში „პახტაკორის“ სტადიონზე მოსკოვის „ტორპედოსთან“ გამართა.დანარჩენს ამ ისტორიული მატჩის შესახებ, რომელიც „ოქროს მატჩის“ სახელით შევიდა ქართული ფეხბურთის ისტორიაში,  გაზეთ „ლელოს“ სპეციალური კორესპონდენტები მ. კაკაბაძე და ბ. ქორქიას რეპორტაჟი მოგითხრობთ. „მატჩის დაწყების დრო ამ დღეს…