ვარდობისთვის ბოლო დღეს ნეაპოლში გახლდით – მილიონერთა ქალაქში. მეგონა, შორს იყო და აგერ ყოფილა, ორი ფეხის ნაბიჯში _ ოზურგეთის სახელმწიფო თეატრში. იმ დღეს აქ ისეთი პრემიერა შედგა, რომ `ქართველმა ნეაპოლელებმა~ დაუსწრებლად შემაყვარეს ეს იტალიური ქალაქი და იტალიელი ნეაპოლელები.
ვიზუალით, ხასიათით, ყოფა-ცხოვრებით, ხასიათით, მეტადრე ემოციით, სიმკვირცხლით, მსოფლმხედველობით, სულიერებით ქართველები და იტალიელები რომ ერთმანეთს ჰგვანან, ეს გასაგებია, მაგრამ ასეთი მსგავსება, რაც ამ წარმოდგენაში ვიხილეთ, იშვიათი საოცრებაა! ახლა, ერთი მეზობელი ერივით ვერ ავიჩემებ, რომ ედუარდო დე ფილიპო ქართველი იყო-მეთქი, მაგრამ დრამატურგის პერსონაჟებს რომ ბევრი რამ საერთო აქვთ ქართველებთან, ამას წყალი არ გაუვა. და ეს ყოველივე ამ წერილის ავტორზე ადრე და უკეთ შეამჩნია და დაამტკიცა კიდეც იმ შემოქმედებითმა ჯგუფმა, რომელმაც ეს სპექტაკლი განახოციელა ბატონი ოთარ კუტალაძის რეჟისორობით.
მოკლედ რომ ვთქვა, ოზურგეთის განახლებულ თეატრში მეხუთე დიდებული პრემიერა შედგა, რომელშიც მსახიობებმა თეატრმცოდნეებისთვის მეტად საინტერესო და მაყურებლისთვის დიდხანს დასამახსოვრებელი მეტყველი პორტრეტები შექმნეს.
ბრავო!
ასეთი, ერთობლივად წარმატებული წარმოდგენის შემთხვევაში ცალკეულად რომელიმე მსახიობის გამოყოფა თითქოს მიზანშეუწონელია, მაგრამ რომ არ ვთქვა და არ გამოვყო, ალბათ, არ ვიქნები მთლად მართალი: მე აქ მსახიობ შორენა გვეტაძის ბენეფისი დავინახე. შორენა სხვა როლებშიც მინახავს, მომწონებია კიდეც, მაგრამ ამ სპექტაკლში ის, ჩემი აზრით, შეუდარებელია.
თეატრის ისტორიიდან ჩანს, რომ
თეატრის ისტორია გვამცნობს, რომ ედუარდო დე ფილიპოს `ნეაპოლი მილიონერთა ქალაქი~, იგივე ოთარ კუტალაძის რეჟისორობით, აქ 21 წლის წინათაც ოვაციებით მიუღია მაყურებელს. კარგი იქნებოდა გახსენება და ორიოდე სიტყვით ამ პრემიერების ერთმანეთთან შედარება, მაგრამ, სამწუხაროდ, 21 წლის წინანდელი არ მაქვს ნანახი.
დღეს ქართულ თეატრალურ სამყაროში თითქმის ყველას აკერია პირზე. სამხატვრო ხელმძღვანელის, ხელოვნების დამსახურებული მოღვაწის ვასო ჩიგოგიძის სწორად შერჩეულმა სტრატეგიამ და პოლიტიკამ, სხვა თეატრებიდან რეჟისორებისა და მსახიობების მოწვევამ, თეატრალური ხელოვნებისადმი ახლებურად მიდგომამ თეატრი იმ მწვერვალს შეუყენა, რომლის საოცრად მაღალი პიკის კონტურები უკვე გამოიკვეთა. არ მიკვირს, რომ აქ დღეს რეჟისორების ცოცხალი რიგია, არც ის, რომ ყურმოკრული ინფორმაციით, ზოგიერთი ადგილობრივ ხელისუფლებაში სატელეფონო ზარით ცდილობს `საქმის ჩაწყობას~ მინიმუმ ერთი სპექტაკლის დადგმისთვის. გურულების საფიცარ თეატრში თუ ამ ტემპით გაგრძელდა შემოქმედებითი პროცესი, ხსენებულ პიკზე მოქცევას დიდი დრო არ უნდა დააგვიანდეს. მერე? მერე ის, რომ წინ კიდევ მრავალი მწვერვალი და პიკია.
და ბოლოს, ქვეყანაში არსებული მძიმე სოციალური და პანდემიური სიტუაციების ფონზე, ქუჩაში იშვიათად წააწყდებით ადამიანებს მომღიმარი სახეებით. ოზურგეთში, თეატრის მიმდებარე ტერიტორიაზე თუ ვინმე ასეთი შენიშნეთ, მერწმუნეთ, ის უსათუოდ ოზურგეთის თეატრიდან გამოსული, სპექტაკლის ნახვით ნასიამოვნები მაყურებელი იქნება.
ავტორი თემურ მარშანიშვილი
მსგავსი სტატიები
- 82
საქართველო, 30 ივლისი, საქინფორმი. მცხეთა-მთიანეთის ყოფილი გუბერნატორი ვასილ მაღლაფერიძე 2007 წლის 5 ნოემბერს გაკეთებულ ჩანაწერს აქვეყნებს. მაღლაფერიძე 4 ნოემბერს, მაშინდელი შინაგან საქმეთა მინისტრის ვანო მერაბიშვილის კაბინეტში გამართული თათბირის შესახებ წერს. ჩანაწერს „პირველი რადიო“ უცვლელად გთავაზობთ. „რაც ვნახე და მოვისმინე შინაგან საქმეთა სამინისტროში 2007 წლის 4 ნოემბერს დღეს 2007 წლის 5 ნოემბრის საღამოა,… - 82
"ქართული მოვალეობის შემსრულებელი" 1921 წლის თებერვალში ევაკუირებულმა მენშევიკურმა მთავრობამ საქართველოდან დროებით გაიტანა საბანკო ვალუტა, სამუზეუმო განძეულობა,დამფუძნებელმა კრებამ სამუზეუმო განძის მეთვალყურეობა ექვთიმე თაყაიშვილს დაავალა. მისივე მოგონებიდან ნოე ჟორდანიამ თქვა : განძეულობა სულ ქუთაისში გადავიტანოთ და ბოლოს ჩვენც წავალთ რითაც მოგვიხერხდებაო, ერთ საღამოს გამოგვიცხადა, ხვალ დილით ცხრა საათზე ქუთაისში ვგზავნით, რაც რაიმე… - 80
_„ძმებმა თალაკვაძეებმა, თავიანთი მიზნის მისაღწევად, ყველაფერი იკადრეს, ყველაფერი, რასაც ადამიანები არ კადრულობენ. ეს ხალხი გამოაშკარავდა ოზურგეთში, მათ სხვა გზა არ გააჩნიათ, ისინი არიან გამოგდებული თბილისიდან, მათი არც ღირსება, არც პროფესიონალიზმი არავის სჭირდება სრული ამ სიტყვის მნიშვნელობით“. _ განაცხადა ოზურგეთის მუნიციპალიტეტის მერობის დამოუკიდებელმა კანდიდატმა კონსტანტინე შარაშენიძემ 25 ოქტომბერს თავის ოფისში გამართულ… - 79
ლევან ჩხაიძე: ყველაფერს შრომა სჭირდება, რადგან შრომის გარეშე არაფერი არ გამოდის. მთავარი არის მონდომება და შრომა და ყველაფერი შეგიძლია დაიწყო ნულიდან 2015 წლამდე ვმუშაობდი ბანკის მმართველად, ამ წელს „პრივატბანკი“ შეისყიდა საქართველოს ბანკმა, გაგვისტუმრეს სამი თვის ხელფასები კომპენსაციის სახით და გამოგვიშვეს სახლში, ეს თანხა რამდენიმე თვეში დამთავრდა და დავრჩი, რომ იტყვიან… - 77
28 იანვარს 15.00 საათზე საქართველოს გარემოს დაცვისა და სოფლის მეურნეობის სამინისტრო აწყობს გზშ-ს (გარემოზე ზემოქმედების შეფასება) და განიხილავს პროექტს „ოზურგეთის მუნიციპალიტეტის სოფელ ლიხა-ურში, მეორადი ნედლეულიდან ფერადი ლითონების (კერძოდ, ალუმინის) მწარმოებელი სა-წარმოს მშენებლობა და ექსპლუატაცია“. ცნობისთვის: პროექტის განხორციელება იგეგმება ყოფილ მანქანათმშენებლობის ქარხანაში. ეს ტერიტორია 2004 წლამდე ქალაქ ოზურგეთს ეკუთვნოდა. და იცით,…