საფრანგეთის პრეზიდენტი ემანუელ მაკრონი და რუსეთის პრეზიდენტი ვლადიმერ პუტინი შეთანხმდნენ, რომ „ინტენსიურად იმუშავებენ სამმხრივი საკონტაქტო ჯგუფის შეხვედრის ჩატარებაზე მომდევნო რამდენიმე საათში“. ამის შესახებ ელისეს სასახლის ინფორმაციაშია ნათქვამი.

ელისეს სასახლის განცხადების თანახმად, შეხვედრის მიზანი იქნება „ყველა მხარის მხრიდან ცეცხლის შეწყვეტის ვალდებულების აღება შეხების ხაზზე“.

განცხადების თანახმად, ორი ლიდერი შეთანხმდნენ, რომ საჭიროა „პრიორიტეტი მიენიჭოს არსებული კრიზისის დიპლომატიურ გადაწყვეტას და ყველაფერი გააკეთონ ამის მისაღწევად“.

საფრანგეთის პრეზიდენტმა განაცხადა, რომ „ინტენსიური დიპლომატიური მუშაობა“ განხორციელდება „უახლოეს დღეებში და კვირეებში“. ასევე შეხვედრას გამართავენ საფრანგეთისა და რუსეთის საგარეო საქმეთა მინისტრები.

სამმხრივი საკონტაქტო ჯგუფი უკრაინის, რუსეთის ფედერაციის და ევროპის უსაფრთხოებისა და თანამშრომლობის ორგანიზაციის (ეუთო) წარმომადგენლებს მოიცავს.

მოიწონეთ და გააზიარეთ სტატია:

მსგავსი სტატიები