„უკრაინელ დამცველებსა და რუს დამპყრობლებს შორის დონბასისთვის ბრძოლა რამდენიმე დღეა გრძელდება. დამპყრობლებმა გააძლიერეს შეტევითი ოპერაციები ლუგანსკის და დონეცკის რეგიონებში“, – ამის შესახებ უკრაინის თავდაცვის სამინისტროს სპიკერმა, პოლკოვნიკმა ალექსანდრე მოტუზიანიკმა განაცხადა.

ბოლო რამდენიმე დღის განმავლობაში მტერმა საგრძნობლად დააჩქარა შეტევითი ოპერაციები აღმოსავლეთის ოპერატიული ზონაში და გაზარდა სარაკეტო და საარტილერიო თავდასხმების რაოდენობა პრაქტიკულად მთელ ხაზზე.

„ახლა შეგვიძლია ვთქვათ, რომ გადამწყვეტი ბრძოლა უკვე დაიწყო“, – განაცხადა მოტუზიანიკმა.

მისი აზრით, რუსი დამპყრობლების ფართო შეტევა ქვეყნის აღმოსავლეთით ადრე თუ გვიან აუცილებლად უნდა მომხდარიყო. ამასთან, პოლკოვნიკმა აღნიშნა, რომ ამ ტერიტორიაზე უკრაინის ქალაქები და სოფლები და დიდი და პატარა ციხე-სიმაგრეებია. ისინი გაბედულად იკავებენ თავდაცვას და ხელს უშლიან მტერს.

„ისინი არ აძლევენ საშუალებას რუსებს, რომ მათი გეგმები განხორციელდეს და უკრაინის ყველა ტერიტორია მიიტაცონ. ამიტომ, ბრძოლა დონბასში, გადაჭარბების გარეშე, გადამწყვეტი ბრძოლაა უკრაინისთვის“, – აღნიშნა თავდაცვის სამინისტროს სპიკერმა.

pia.ge ინფორმაცია

მოიწონეთ და გააზიარეთ სტატია:

მსგავსი სტატიები