დღეს, ეროვნულ ჩემპიონატში რაგბიში პირველი ლიგის გუნდებს შორის ოზურგეთის „არწივებმა“მარნეულის „არმაზს“ უმასპინძლეს და მორგი გამარჯვება მოიპოვეს.

ეს არ იყო იოლო მატჩი. იგი დაძაბულად მიმდინარეობდა და „არმაზის“ მორაგბეებმა მედგარი წინააღმდეგობა გაუწიეს გათამაშების ლიდერს და არ მისცენ საშუალება დამატებით ბონუს ქულის მოსაპოვებლად.

შეხვედრის პირველსავე წუთზე შეძლეს ოზურგეთელებმა წარმატების მიღწევა, ლუკა უნგიაძემ ოსტატურად აუარა გვერდი მეტოქის მარჯვენა ფრთას და ლელო დადო. თუმცა რთული პოზიციიდან  მარვინ ფრედერიქსის დარტყმა მიზანს აცდა. ამის შემდეგ მარვინმა 5 გარდასახვა წარმატებით შეასრულა.

მე-8 წუთზე ჯარიმა დაინიშნა სტუმრების სასარგებლოდ და „არმაზის“პირველმა პივოტიმ წარმატებით შეასრულა დარტყმა. უნდა აღინიშნოს რომ „არმაზის“ 10 ნომერს არც ერთი დარტყმა არ გაუცუდებია.

მასპინძლებმა 10 წუთის შემდეგ დადეს მომდევნო ლელო, ხოლო მესამე  ლელო შერკინების შემდეგ გავიდა. 33-ზე წუთზე ოზურგეთელბმა ანგარიში 26:3 გაზარდეს.

„არმაზის“ მორაგბეებმა საინტერესო კონტრშეტევები განახორციელს და 35-ე და მე-40 წუთზე ორი ლელო გაუტანეს მასპინძლებს. პირველი ტაიმი 26:17 დამთავრდა.

შესვენების შემდეგ მასპინძლებმა შერკინება ლელოდ აქციეს. მასპინძლების ბურჯები, ფორვარდები,  მეორეხაზელები ბურთიანად შევიდნენ მეტოქის მოედანზე.გარდასახვის შემდეგ ანგარიში 33:17 გახდა.

მე-19 წუთზე კარგად ითამაშა ჯაბულანი მკულვანმა და ანგარიში 40:17 გაზარდა.

ამის შემდეგ ოზურგეთელებს დაღლა დაეტყოთ. რამდენიმე უხეში შედომა დაუშვეს და სტუმრებმა ორჯერ აიღეს მეტოქის მოედანი.

საბოლოოდ „არწივებმა“ 40:34 დაამარცხეს მეტოქე.

გარდა ზემოთდასახელებულებისა ოზურგეთელთაგან თითო ლელო დადეს: ილისონი გალალამ, ჯოლამე ლუვევოუმ,  ზაურ ირემაძემ, ლუნდი რალარალამ.

როგორც კლუბ „არწივების“ მენეჯერმა გელა გობრონიძემ შეხვედრის დასრულების შემდეგ გვითხრა, ოზურგეთელების რამდენიმე მორაგბე ტრავმირებულია, ამიტომ .დღევანდელი შეხვედრა ძალზედ დაძაბული გამოდგა, თუმცა მოგება მაინც შეძლეს და დაუმარცხებელ სერიას კვლავ უპირობოდ აგრძელებან.

12 მოგების შემდეგ „არწივებს“ (გატ/გაშ 546:367; +367)  57 ქულა აქვს. „არმიას“ 11 ტურის შემდეგ კი _48 ქულა.

სხვა შეხვედრები ასე დასრულდა: „არმია“-„ბაგრატი“ 38:0; ჭიათურა -გორი 17:20; „ვეფხვები“-ტაო 33:27.

მოიწონეთ და გააზიარეთ სტატია:

მსგავსი სტატიები