„ლელომ“ ოზურგეთში საარჩევნო მარათონი გახსნა

დღეს, ქ. ოზურგეთში, სარიტუალო დარბაზ „თამარიონში“ პოლიტიკური გაერთიანება „ლელოს“ადგილობრივი ორგანიზაციის კონფერენცია  გაიმართა.

კონფერენციის მონაწილეებმა წუთიერი დუმილით პატივი მიაგეს დაღუპული ჟურნალისტის ლექსო ლაშქარავას ხსოვნას.

კონფერენციას უძღვებოდა „ლელოს“ ერთ-ერთი დამფუძნებელი გიორგი სიორიძე.

გიორგი სიორიძემ კონფერენციაზე ისაუბრა  „ლელოს“ ადგილობრივი ორგანიზაციის მიერ გაწეული მუშაობის შესახებ და კონფერენციის მონაწილე 53 დელეგატს საარჩევნო სიახლეებზე ესაუბრა. მან აღნიშნა ორგანიზაციის თავმჯდომარის კახა სიორიძის დამსახურება ორგანიზაციის წინაშე და ის ობიექტური მიზეზები დაასახელა, რის გამოც კახა სიორიძე თავმჯდომარის პოსტს ტოვებდა.

მისი თქმით, არჩევნებში უნდა დაინერგოს ევროპული სიახლეები და მან ისაუბრა ჰოლანდიური მოდელის შესახებ, როცა ადგილობრივი ორგანიზაციის წევრი პარლამენტში არჩევის შემთხევაშიც კი კვლავ ადგილობრივი ორგანიზაციის წევრად რჩება და წარმოადგინა ბიულეტენის ნიმუში, სადაც ფარული კენჭისყრით ადგილობრივი ორგანიზაციის გამგეობის 5 წევრის გარდა, ცალკე კვოტით აირჩევდნენ ქალთა და ახალგაზრდობის წარმომადგენლებს, ხოლო შემდეგ გამგეობა აირჩევდა ადგილობრივი ორგანიზაციის თავმჯდომარეს.

არჩვნებში სულ 9 კანდიდატი იღებდა მონაწილეობას, საიდანაც  ხმების უმრავლესობა მიიღეს: ინგა ფრანგულაშვილმა (ქალთა კვოტით); მარიკა ფუტკარაძემ (ახალგაზრდული კვოტით); გიორგი ბოლქვაძემ, ნინო საჯაიამ, კახაბერ სურგულაძემ, ზაზა ჩხარტიშვილმა და ტოგო ჭელიძემ.

გამგეობამ „ლელოს“ ადგილობრივი ორგანიზაციის თავმჯდომარედ ტოგო ჭელიძე აირჩია.

მსგავსი სტატიები