დაწესებული შეზღუდვებიდან გამომდინარე, გარკვეული ხნით შესვენების შემდეგ, ოზურგეთის საჭადრაკო კლუბში განახლდა გეგმა -კალენრით გათვალისწინებული საჭადრაკო შეჯიბრებების ორგანიზება.
12-15 ნოემბერს ჩატარდა მუნიციპალური საჭადრაკო ტურნირი 8 წლამდე ასაკის გოგონებსა და ჭაბუკებს შორის. მონაწილეთაგან საკმაოდ იყვნენ ისეთებიც, რომლებიც ოფიციალურ ტურნირებში პირველად ღებულობდა მონაწილეობას და მწვრთნელთა სასახელოდ უნდა ითქვას, რომ ბავშვებმა მოჭადრაკისათვის საკმაოდ მაღალი უნარ-ჩვევები გამოავლინეს და გააზრებული, კარგი თამაშითაც წარმოაჩინეს თავი.
შეჯიბრების ფავორიტად თავიდანვე დასახელდა 7 წლის ლაზარე ჩხარტიშვილი, რომელმაც ჯერ კიდევ წინა შეჯიბრებებში დაგვამახსოვრა თავი, როგორც ნიჭიერმა და იმედის მომცემმა მოჭადრაკემ. მან როგორც მოსალოდნელი იყო, ამჯერადაც კარგად ითამაშა და 10 შესაძლებლობიდან, 9,5 (!) ქულით, პირველობა არავის დაუთმო. ლაზარეს ეს წარმატება ბუნებრივად ასოცირდება მის დედათან – წმ.ნინოს სახელობის სკოლის პედაგოგთან, ხუთი შვილის დედასთან – თამუნა ქათამაძესთან, რომელმაც ჯერ კიდევ 2011 წელს საქართველოს სასკოლო გუნდური ჩემპიონატის ფინალში ოზურგეთის N2 საჯარო სკოლის სახელით იასპარეზა და გუნდის წარმატებაში მნიშვნელოვანი წვლილი შეიტანა. მაშინ სკოლის გუნდმა (მერაბ ვასაძე, გიორგი მკურნალიძე, მიშიკო ქურიძე და თამუნა ქორიძე, დირ. ირინა ინარიძე) ბრწყინვალედ ითამაშა და გორის გუნდთან მე-3 მე-4 ადგილი გაიყო, ხოლო I და I I ადგილზე შესაბამისად ქუთაისის და თბილისის გუნდები გავიდა.
კარგად ითამაშა და მიზანსწრაფულობა გამოავლინა რომან დოლიძემ, რაც შედეგშიც აისახა,მან 8 ქულით მეორე ადგილი დამაჯერებლად მოიპოვა. თანატოლებში პირველი ოფიციალური წარმატებაა გაბრიელ ბარამიძის მესამე ადგილი. მისი მწვრთნელის გიორგი გოგოლაურის თქმით, იგი ყოველდღიურად იმაღლებს სათამაშო დონეს და მალე ალბათ სერიოზულ კონკურეციას გაუწევს მის ტიტულოვან ძმას ნიკოლოზს, რომელიც რეგიონალურ და რესპუბლიკურ შეჯიბრებებში სერიოზული წარმატებებს აღწევს. დადებითად უნდა შეფასდეს საპრიზო ადგილების მიღმა დარჩენილი მოჭადრაკეების- ერეკლე ანდღულაძის, საბა ერისთავის და სესილი გოგოლაშვილის თამაშიც. პრიზიორი და სხვა წარმატებული მოჭადრაკეები დაჯილდოვდა ფასიანი საჩუქრებით და შესაბამისი დიპლომებით.
ტურნირი ორგანიზებული იყო გურიის ჭადრაკის ფედერაციისა (ზურაბ ანდღულაძე) და ოზურგეთის სპორტულ-გამაჯანსაღებელ დაწესებულებათა გაერთიანების (გელა შაფაქიძე) მიერ.
მსგავსი სტატიები
- 100
ქალაქ ოზურგეთის განახლების მიზნით ჯამში 10 მლნ ლარის ინვესტიცია განხორციელდება“, - ამ საკითხთან დაკავშირებით, ოზურგეთის მერმა მერიის დღევანდელ სხდომაზე განაცხადა. „თანმიმდევრულად მივყვებით ჩვენი 8-პუნქტიანი გეგმის განხორციელებას და განახლებულ ინფორმაციასაც წარმოგიდგენთ უკვე დაანონსებულ პროექტებზე, რომელიც ჩვენი ქალაქის ურბანულ განახლებასა და კეთილმოწყობას ეხება. ჩვენი ქალაქის განახლების მიზნით, ჯამში 10 მლნ ლარის ინვესტიცია… - 100
30 ივლისს, პარტია „ქართული ოცნების“ ცენტრალურ ოფისში პარტიის პოლიტიკური საბჭოს სხდომა გაიმართა. პოლიტიკური საბჭოს გადაწყვეტილებით, 2021 წლის ადგილობრივი თვითმმართველობის არჩევნების საარჩევნო შტაბს პარტიის თავმჯდომარე ირაკლი კობახიძე უხელმძღვანელებს. რაც შეეხება კამპანიის ლიდერებს, პოლიტიკური საბჭოს გადაწყვეტილებით, თბილისში საარჩევნო კამპანიის ლიდერი დედაქალაქის მერობის კანდიდატი კახა კალაძე, ხოლო საქართველოს მასშტაბით კამპანიის ლიდერი პრემიერ-მინისტრი ირაკლი… - 100
ავტორი თემურ მარშანიშვილი ყოველი 28 ივლისი, ოზურგეთელთათვის, განსაკუთრებით სოფელ კვირიკეთსა და მიმდებარე სოფლებში მცხოვრები მრევლისთვის გამორჩეული დღეა. დღეს სოფელ კვირიკეთში, წმინდა მოწამე კვირიკესა და ივლიტას სახელობის ეკლესიაში სახალხო-რელიგიური დღესასწაული კვირიკობა აღინიშნა. დღესვე ამ ეკლესიას აღდგენიდან 30 წელი შეუსრულდა. საზეიმო წირვა აღავლინა მამა მათემ (გორდელაძე) რამდენიმე მამაოსთან ერთად. კვირიკობის დღესასწაულს ესწრებოდნენ… - 100
ბევრი საინტერესო ფორმატის მოფიქრება და შეთავაზება შეიძლება დაინტერესებული ჯგუფისთვის, ცოდნის და გამოცდილების მისაღებად, მათ შორის ტრენინგები, თუნდაც დახურულ სივრცეში. გამოცდილ ტრენერთა, ან მეწარმეთა თანამონაწილეობით. გადავწყვიტე, განსხვავებული ფორმატი შემეთავაზებინა ჩემი გოგონებისთვის და ვფიქრობ, გაამართლა - აღნიშნა ჩვენთან საუბარში ,,გურიის განვითარების კავშირის'' და მიმდინარე პროექტის ხელმძღვანელმა, ქალბატონმა თამარ კუპრაძემ. პროექტს ახორციელებს ,,გურიის… - 100
დღეს, ქ. ოზურგეთში, ოზურგეთის ისტორიულ მუზეუმშიგაიმართა რეგიონული საინვესტიციო ფორუმი, რომელსაც კერძო სექტორის, სამოქალაქო საზოგადოების, ცენტრალური და ადგილობრივი ხელისუფლების წარმომადგენლები დაესწრნენ. საჯარო და კერძო სექტორების წარმომადგენლებმა იმსჯელეს რეგიონის საინვესტიციო პოტენციალზე და თანამშრომლობის შესაძლებლობებზე. ლანჩხუთის, ოზურგეთისა და ჩოხატაურის მუნიციპალიტეტებმა წარმოადგინეს საინვესტიციო პროფილები, რომელთა შექმნაში მათ დაეხმარა გაეროს განვითარების პროგრამა (UNDP) და…