„მერცხალს“ მხარდაჭერა სჭირდება

ოზურგეთის „მერცხალი,“ რომელიც საქართველოს პირველობაზე რეგიონლიგაში („ბ“ დასავლეთი ჯგუფი) გამოდის, 9 გუნდს შორის მე-7 ადგილზეა. ახალგაზრდული გუნდი, რომელიც არც საკმარისი დაფინანსებით და არც დიდი ყურადღებითაა განებივრებული, ცდილობს  „მერცხალი“ საერთოდ არ გაქრეს საფეხბურთო რუკიდან.

გასულ წლებში ადგილობრივ მუნიციპალიტეტს ჰქონდა აზრი კლუბის გაყიდვის შესახებ, მაგრამ მერის თანაშემწის ალეკო ბერიძის ეს წინადადება არ განხორციელდა.

ნოემბერში „მერცხალმა“ 5 მატჩია ჩაატარა, სადაც მხოლოდ ერთში გაიმარჯვა, 4 წააგო:

2.11.2021 „გონიო“-„მერცხალი“ 3:1;

6.11.2021 „მერცხალი“-„ოდაბადე“ 3:0;

11.11. 2021 წ. „სამგურალი 2“_„მერცხალი“7:0;

17.11.2021 წ. „მერცხალი-„ჩიბათი“ 1:3;

22.11. 2021 წ. „მართვე“-„მერცხალი“3:0;

27.11. 2021 წ. „შუქურა 2“-„მერცხალი“ 5:1.

„მერცხალმა“ 22 შეხვედრიდან 5 მოიგო, 1 ფრედ დაამთავრა, ხოლო 16 წააგო, (ბ/შ 25:57), 16 ქულა.

გათამაშებას 53 ქულით „შუქურა 2“ ლიდერობს. მეორე ადგილზეა „სამგურალი 2“ -52 ქულა; ხოლო „ზანას“ 39 ქულა აქვს.

ვფიქრობთ, ახლადარჩეული ოზურგეთის მუნიციპალიტეტის მერი და საკრებულოს ხელმძღვანელები  „მერცხალის“ ბედით დაინტერესდებიან და დაეხმარებიან გუნდს არსებული პრობლემების მოგვარებაში.

მსგავსი სტატიები