„არწივებმა“ ოზურგეთელ გულშემატკივრებს დიდი სიხარული აჩუქეს

დღეს, ოზურგეთის ცენტრალურ სტადიონზე ოზურგეთის „არწივებმა“ გათამაშების ერთ-ერთი ლიდერი თბილისის არმია დაამარცხეს (28:24)  და 23 ქულით გათამაშების ცხრილს ჩაუდგნენ სათავეში.

თბილისის „არმია“ პირველი ლიგის გუნდებს შორის 2021-22 წლის გათამაშებაში პირველ ადგილზე გავიდა. თუმცა შემდეგ პლეი ოფში წაიფორხილა და უმეღლესი ლიგის საგზური ვერ მოიპოვა.

მე-5 ტურის წინ არმიას და  „არწივებს“ ქულათა თანაბარი ოდენობა (20-20 ქულა) ჰქონდათ.

შეხვედრის დასაწყისი სტუმრების მცირე უპირატესობით დაიწყო და ჯერ საჯარიმო დარტმა შეასრულეს ზუსტად, შემდეგ, 36-ე წუთზე  კარგად ისარგებლეს მასპინძლების შეცდომით და  სანდრო ნახუცრიშვილმა ლელო გაიტანა. ამას ზუსტი გარდასახვა მოჰყვა და სტუმრები წინ გავიდნენ 10:0.

„არწივები“ მაქსიმალურად ცდილობდა წარმატების მიღწევას  და პირველი ტაიმის ბოლო წუთზე ლელო დადო. გარდასახვა ზუსტად შეასრულა  მარვინ ფრედერიკსმა,_7:10.

მეორე ტაიმის მე-10 წუთზე კვლავ მასპინძლების შეცდომა და გიორგი ლოდიამ სტუმრები კიდევ უფრო დააწინაურა,_7:17.

ოზურგეთელეი რაგბისტების სასახელოდ უნდა ითქვას, რომ მათ ფარ-ხმალი არ დაუყრიათ და კიდევ უფრო გააძლიერეს შეტევები. ამას შედეგი მოჰყვა_ ლელო და ზუსტი გარდასახვით ანგარიში კვლავ სამ ქულამდე შეამცირეს: _14:17.

ოზურგეთელების უხეში შეცდომა დაცვაში და „არმია“ კვლავ წინ გაიჭრა. 24:14.

ამის შემდეგ ოზურგეთელმა რაგბისტებმა თავი არ დაზოგეს და 23- წუთზე ლელო დადეს, მარვინ ფრედერიკსის კვლავ ზუსტად შესრულებული გარდასახვა _21:24.

თამაშის ბოლო წუთებში ოზურგეთელება შეძლეს კიდევ ერთი ლელოს დადება და 28:24 დაწინაურდნენ.

სტუმრებმა მთელი მათი  საბრძოლო ენერგია დახარჯეს. ბოლო წუთზე ჯარიმის დარტყმის უფლებაც მოიპოვეს, მაგრამ 3 ქულა მათ წაგებისაგან ვერ იხსნიდა და ჯარიმა გაითამაშეს. მათ იერიშებს შედეგი არ მოჰყვა და დამარცხებულებმა დატოვეს მოედანი.

ამ შეხვედრაში ოთარ მჟავიამ 2 ლელო გაიტანა, თითო ლელო ლეგიონერებმა ჯაბულანი მკულვანი და ილისონი გალალა გაიტანეს.

სამოელმა მარვინ ფრედერიკსმა ყველა გარდასახვა ზუსტად შეასრულა.

საოცარი ზეიმი იყო შეხვედრის შემდეგ ოზურგეთის სტადიონზე. ოზურგეთელ რაგბისტებს, მწვრთნელებს ტექნიკურ მუშაკებს გამარჯვებას ულოცავდნენ გახარებული გულშემატკივრები.

„არწივებმა“ 5 შეხვედრა მოიგეს (გ/მ 174:120) და 23 ქულით გათამაშების ერთპიროვნული ლიდრები არიან: თბილისი „არმიას“ (4 მოგება, 1 წაგება) 20 ქულა აქვს და გათამაშების ცხრილში მე-2 პოზიციაზეა: სამცხე -ჯავახეთის „ტაოს“ დღეს თბილისში შეხვედრა ჰქონდა მცხეთის „არმაზთან,“(ეს მატჩი არ დასრულებულა, „ტაოს“ 19 ქულა აქვს).

დღეს გამართული სხვა შეხვედრების შედეგები:

„ვეფხვები“_„გორი“ 56:15;

„ბაგრატი“_„იუნკერები“ 28:15;

„ბორჯომი“_„მათე“(ჭიათურა) 18:17.

მსგავსი სტატიები