„ტიტანზე“ ჰაერის მარაგი დღეს იწურება

დაკარგული ბორტის მფლობელის, OceanGate-ის სპეციფიკაციების მიხედვით, კაფსულის (Titan) ხუთ მგზავრს, 96 საათის სამყოფი ჰაერი ჰქონდა.

ეს ნიშნავს, რომ ჟანგბადი შეიძლება ამოიწუროს ხუთშაბათს დილით, მაგრამ ექსპერტები ამბობენ, რომ ჰაერის ბორტის შიგნით მოხმარება მრავალ ფაქტორზეა დამოკიდებული, ამიტომ, ინფორმაცია არაზუსტია.

• წყალქვეშა აპარატის სამძებრო სამუშაოებში უფრო მეტი ტექნიკა ჩაერთო, განაცხადა აშშ-ს სანაპირო დაცვამ.

შემთხვევის ადგილზე, ოთხშაბათს სამი სამძებრო ხომალდი მივიდა, მათ შორის, ერთი გვერდითი სკანირების სონარით.

კაპიტან ფრედერიკის თქმით, ძიების მთლიანი ფართობი ორჯერ აღემატება აშშ-ს შტატ კონექტიკუტის ფართობს, ხოლო სიღრმე 4 კმ-ია.

• დოკუმენტებიდან ირკვევა, რომ დაკარგული ბორტის მფლობელი OceanGate-ი გაფრთხილებული იყო, რომ ექსპერიმენტული კაფსულის შემუშავებამ შეიძლება უსაფრთხოების კატასტროფული პრობლემები გამოიწვიოს.

დევიდ ლოქრიჯმა, OceanGate-ის საზღვაო ოპერაციების დირექტორმა, 2018 წლის სასამართლო პროცესზე ახსენა, რომ კომპანიის ტესტირება და სერტიფიკატი არ იყო დამაკმაყოფილებლად ძლიერი, რაც „მგზავრებს პოტენციურად დააყენებდა ექსტრემალური საფრთხის წინაშე“.

• Horizon Maritime-მმა, კომპანიამ, რომელიც ფლობს დაკარგული ბორტის დამხმარე ხომალდ Polar Prince-ს, რომელმაც კვირას ექსპედიციის ადგილას მიიყვანა კაფსულა, ბრიფინგი მოაწყო.

ბრიფინგზე კომპანიამ თქვა, რომ მოახდინა Polar Prince-სა 94 მეტრიანი Horizon Arctic-ის მობილიზება, რათა მხარი დაეჭირა სამძებრო სამუშაოებისთვის.

• Polar Prince-ის თანამფლობელი ამბობს, რომ ყველაფერს აკეთებს გუნდის სახლში დასაბრუნებლად.

კანადურმა კომპანია Horizon Maritime-მმა ბრიფინგზე ასევე თქვა, რომ ,,ძალისხმევას არ იშურებს, რომ ხალხი სახლებში დააბრუნოს”.

• ამასობაში კი, კაცმა, რომელიც გასულ წელს „ტიტანზე“ იმყოფებოდა, Sky News-ს უთხრა, რომ წყალქვეშა აპარატი „არ იყო უსაფრთხო“.

მან ასევე თქვა, რომ კაფსულაში ,,არ არის ადგილი ფეხზე დასადგომად, ვერ იდგებით მუხლებზე, ჯდომა კი 10 საათი და 30 წუთი გიწევთ.

ჩვენი ფეხები კიბორჩხალის კიდურებს ჰგავს, გველს ჰგავს, კაფსულაში არაფერი იყო კომფორტული.”

ყოფილმა მგზავრმა ასევე თქვა, რომ კაფსულაში ,,სიცივე იყო”, რადგან მის გარეთ ტემპერატურა 4 გრადუსი ცელსიუსი იყო.

კითხვაზე, ფიქრობდა თუ არა, რომ წყალქვეშა კაფსულა უსაფრთხო იყო, ლოიბლმა უპასუხა: „არა, ის არ იყო უსაფრთხო“.

მსგავსი სტატიები