„არწივები“ რთულ ბრძოლაში „ყოჩებთან“ დამარცდნენ

დღეს, ქ. ფოთში, „პარკი არენაზე“ დიდი 10-ის მეორე ტურის მატჩში ოზურგეთის „არწივებმა“ ბოლნისის „ყოჩებს“ უმასპინძლა.

ბოლნისის „ყოჩები“ გამოცდილი გუნდია და შარშან, დიდი 10-ის გათამაშებაში ხუთეულში მოხვდა.

ოზურგეთის „არწივები“ არ შეეპუა სტუმრების უმაღლეს ლიგაში სათამაშო გამოცდილებას და მე-19 წუთზე კონსტანტინე გაზაშვილმა პირველი ლელო დადო, ხოლო სამხრეთ აფრიკელმა მარვინ ფრედერიქსმა წარმატებით შეასრულა გარდასახვა და „არწივები“ წინ გავიდნენ 7:0.

5 წუთის შემდეგ ბოლნისელებმა ლელო დადეს, გარდასახვაც წარმატებით შეასრულეს და  ანგარიში გაათანაბრეს 7:7.

სტუმრები მოედნის ყველა მონაკვეთში ცდილობდნენ მასპინძლების დაჩაგვრას. 28-ე, 34-ე, მე-40 წუთებზე მათ შეძლეს სამი ლელოს დადება და ტაიმის ბოლოს ანგარიში 7:28 გახდა „ყოჩების“ სასარგებლოდ.

მეორე ტაიმში „არწივების“ მთავარმა მწვრთნელმა გია ამირხანაშვილმა გარკვეული ცვლილებები განახორციელა გუნდში და შეტევებს უმატეს, თუმცა მე-7 წუთზე საჯარიმდნენ და სტუმრებმა ზუსტად დაარტყეს 7:31.

ოზურგეთელებმა რამდენიმე შეტევა განახორციელს და 21-წუთზე აიდინ ჯოსეფამ ლელო დადო, ხოლო ბახვა კობახიძემ გარდასახვა ზუსტად შეასრულა _14: 31.

ბოლნისელებმა 27-ე წუთზე გუნდურად დადეს ლელო, რაც 29-ე წუთზეც გაიმეორეს, თუმცა გარდასახვა ორთავე შემთხვევაში არაზუსტად შეასრულეს _14 :46.

შეხვედრის ბოლოს „არწივების“ ლეგიონერმა მესამე ლელო დადო, გარდასახვა კვლავ წარმატებით შეასრულა ბახვა კობახიძემ.

21:46 ასე დასრულდა ეს მატჩი.

ოზურგეთში ახალი არენის აგებამდე მატჩები არ ჩატარდება. გუნდს კი მაყურებლების მხარდაჭერა სჭირდება.

დღევანდელი სხვა მატჩები;

„ბათუმი“- „ხვამლი“ 21:3;

„ყაზბეგი“-„ლელო სარასენს“ 3:16.

2 ტურის შემდეგ „ბათუმს“ და ბოლნისის „ყოჩებს“ 9-9 ქულა აქვს, ხოლო „ლელო სარასენს“ 8 ქულა.

მსგავსი სტატიები