4 თებერვალს, სუმოს სამყარომ სამუდამოდ გააცილა ქართველი ოძეკი ტოჩინოშინი სუმოს სამყაროდან. საზეიმო ცერემონია რომელიც რიკიშისათვის ოიჩო-მაგეს (სუმოტორების ვარცხნილობა) რიტუალურ შეჭრას გულისხმობს, ტოკიოს „რიოგოკუ კოკუგიკანის“ სასახლეში გაიმართა.თმის შეჭრის ცერემონიაში მონაწილეობა 300-მდე ადამიანმა მიიღო. მათ შორის იყვნენ ლევან გორგაძის ოჯახის წევრები და მეგობრები, ქართველი ექს-რიკიშები – კოკკაი და გაგამარუ, ლევანის კლუბის პრეზიდენტი და შიშო – კასუგანო ოიაკატა, სხვადასხვა კლუბების ოიაკატები, მოქმედი თუ ყოფილი სეკიტორები და სუმოს სამყაროს ნამდვილი ლეგენდები (მათ შორის, ჰაკუჰო, ასაშორიუ, ტერუნოფუჯი და სხვები).
ლეგენდარული სუმოისტისის გაცილების ცერემონიალში ცნობილი ანსამბლი „რუსთავი“ მონაწილეობდა.
ინტერვიუ ანსამბლის წევრთან, ოზურგეთელ გიორგი ქარცივაძესთან, მისი იაპონიაში ყოფნის დროს დაიგეგმა, თუმცა გარკვეული მიზეზების გამო, ცოტა დაგვიანებით გთავაზობთ:
_ეს იყო საოცარი და დაუვიწყარი დანპაცუ-შიკის საზეიმო ცერემონია, სადაც ჩვენ ვნახეთ ლევან გორგაძის გულშემატკივრების დიდი პატივისცემა, დაფასება, დიდი ემოციები და სიყვარული.მართლაც საოცარი ხალხია იაპონელები. დარბაზში იყო მათი შეძახილები „ტოშინოჩის გაუმარჯოს.“ მხურვალე აპლოდისმენტები და სიყვარული იქ დამსწრე ქართველის გულშემატკივრებისაგანაც მიიღო_ გვითხრა გიორგი ქარცივაძემ.
_ როგორ მოხდა ანსამბლი „რუსთავი“ ამ ცერემონიალზე?
_ანსამბლ „რუსთავს“ტოჩინოშინთან დიდი ხნის მეგობრობა აკავშირებს.მისი სურვილიც იყო იმ დღეს ჩვენ ვყოფილიყავით მის გვერდში. ამაში იაპონიაში საქართველოს საელჩო დაგვეხმარა. ანასამბლის დელეგაცია 9 მომღერლის, 8 მოცეკვავის და 3 მუსიკოსისგან შედგებოდა.
ტოჩინოშინმა თავის სამადლობელ სიტყვაში, რომელიც იაპონურ ენაზე დაიწყო და ქართულ ენაზე გააგრძელა, განსაკუთრებული მადლობა გადაუხადა ანსამბლ „რუსთავს“ მისთვის ამ მნიშვნელოვან დღეს გვერდში დგომისთვის.
_ვიცით, ამ ღონისძიების ორგანიზებაში დიდი წვლილი შეიტანა საქართველოს საელჩომ იაპონიაში..
_ცერემონიაზე დასასწრები ბილეთები აქტიურად იყიდება ტოკიოში. ტოჩინოშინი კი ამ ღონისძიებაზე იაპონიაში მყოფ ყველა ქართველს ეპატიჟება და უსასყიდლოდ გადასცემს ბილეთებს. ამაში მას აქტიურად დაეხმარა საქართველოს საელჩო იაპონიაში. საქართველოს მოქალაქეები, რომლებიც იაპონიაში ცხოვრობდნენ, ან ვიზიტით იმყოფებოდნენ და სურვილი ჰქონდათ დასწრებოდენენ ამ შთამბეჭდავ ცერემონიალს საქართველოს საელჩოს უკავშირდებოდნენ.
_ თქვენი კონცერტები სად შედგა?
_პირველი კონცერტი იაპონური მხარის ორგანიზებით Tokyo kaikan-ში გაიმართა, მეორე – Azabudai hills tokyo-ში. პირველ დღეს 9 სიმღერა და 5 ცეკვა შევასრულეთ. მეორე საღამო ქართულმა მხარემ მოაწყო, სადაც მომღერლები წარვსდექით მაყურებლების წინაშე.
განსაკუთრებული მადლობა მინდა გადავუხადო იაპონიაში საქართველოს ელჩს თეიმურაზ ლეჟავას და მთელს საელჩოს მხარდაჭერისათვის.
_დამსწრე ქართველებზე რას გვეტყვით?
_ ტოკიოს „რიოგოკუ კოკუგიკანის“სასახლეში 10 ათას მაყურებელზე მეტი ესწრებოდა ცერემონიალს. ქართველებიც ვიყავით.ოფიციალურ პირებს გარდა, ჩვენთან ერთად იყვნენ ელჩის მეუღლე ანანო სიჭინავა და ნინო ქაჯაია (ორთავე წარმოშობით ოზურგეთელია).
_ სხვა რა ემოციები გამოგყვათ ამ ვიზიტისგან?
_ განსაკუთრებულად ემოციური იყო თმის შეჭრის ცერემონიაზე ტოჩინოშინის პატარა შვილის ყოფნა, რომელსაც ხარება ქვია. სამახსოვრო ფოტოებიც გადავიღეთ. როცა საქართველოში ვბუნდებოდით, გამოცილების დღესაც თავად ტოშინიჩინი მოვიდა ოჯახთან ერთად და ქართული დელეგაციის 22-ვე წევრს სამახსოვრო საჩუქრები დაგვირიგა.
ერთ-ერთ ქართულ საიტზე ასეთი კომენტარი წავიკითხე:
„მაგარი კაცი! ცოტა იღბალი რო დახმარებოდა იოკოძუნაც გახდებოდა !
რასაც მიაღწია მძიმე შრომით მაგრამ ტრავმებმა არ მისცეს საშუალება გაეგრძელებინა ტრიუმფი თავის კარიერის!საამაყო ქართველი!“ _ალბათ ამაში ყველაფერია ნათქვამი.
მსგავსი სტატიები
- 91
ევრო 2024-ს პლეი-ოფის ფინალში საქართველოს ეროვნული ნაკრები საბერძნეთს დაუპირისპირდება. ერთად გადავხედოთ ბერძნების მიერ განვლილ გზას და შევხედოთ, როგორ მოვიდნენ ისინი ამ გადამწყვეტ მატჩამდე. ერთა ლიგის C დივიზიონში საქართველო ჯგუფში კოსოვოსთან, ჩრდილოეთ ირლანდიასთან და კვიპროსთან მოხვდა. ჯგუფის პირველ მატჩში ბერძნებმა ბაკასეტასის გოლით სტუმრად ჩრდ.ირლანდიას მოუგეს. მეორე შეხვედრაში ანალოგიური…
- 89
ოზურგეთის საჭადრაკო კლუბში დამთავრდა მუნიციპალური ჩემპიონატი 8 და 10 წლამდე ასაკის გოგონათა და ჭაბუკთა შორის, რომელიც წრიული სისტემით ცალ-ცალ კე გაიმართა.მასში ძირითადად მაღალ შედეგზე ორიენტირებულმა და საკმაოდ გამოცდილმა ნორჩმა მოჭადრაკეებმა მიიღეს მონაწილეობა. 8 წლამდე ასაკში ბრწყინვალე თამაშით და უდანაკარგო შედეგით (7 დან 7 ქულა,!) ჩემპიონის ტიტული გაბრიელ სალუქვაძემ მოიპოვა. 5-5…
- 88
6 - 7 აპრილს მიმდინარე საქართველოს პირველობა ბერძნულ - რომაულ ჭიდაობაში 20 წლამდელთა შორის დასრულდა. რომელსაც ოზურგეთის ვახტანგ ბლაგიძის სახელობის სპორტის სასახლემ უმასპინძლა. საქართველოს ჩემპიონები და ოქროს მედლის მფლობელები ოზურგეთიდან გახდნენ , ოზურგეთის მუნიციპალიტეტის სპორტულ - გამაჯანსაღებელ დაწესებულებათა გაერთიანებასთან არსებული ბ/რ ჭიდაობის სექციის სპორტსმენები : ლუკა ჯავახაძე - 55კგ; ნიკოლოზ…
- 86
2023 წლის 21-25 დეკემბერს თბილისში აღმოსავლეთ ევროპის უნივერსიტეტში, ჩატარდა მსოფლიო თასი ბუდოს საბრძოლო ხელოვნებაში. (კიკბოქსინგში, mma ში, კიოკუშინკაი კარატეში,გრეპლინგში ბრაზილიური ჯიუჯუცუ, კრივში, უშუ სანდაში, და ტაეკვონდოში). შეჯიბრი 6 წლის ასაკიდან 18 წლამდე და პლიუს 18 წლის და ვეტერანებშიც ჩატარდა...შეჯიბრს ორგანიზება გაუწია მსოფლიოს ბუდო კარატეს ფედერაციამ და საქართველოს ბუდოს საბრძოლო ხელოვნებათა…
- 85
ცნობილი ფეხბურთელი და მწვრთნელი ხარიტონ ჩხატარაშვილი დაიბადა 1959 წ. 16 აგვისტოს, მახარაძის რაიონის სოფ შემოქმედში. ჰყავს მეუღლე ირინა შარაბიძე, ორი შვილი - ნინო ,თემური, ორი შვილიშვილი ნიკა და ილიკო. 1981 წელს წარჩინებით დამთავრა ბათუმის შოთა რუსთაველის სახელობის პედაგოგიური ინსტიტუტი. თამაშობდა ბათუმის „დინამოში“ (1980-81 წ.წ. წვრთნელი ლერი ველურიძე). 1982 წლიდან მუშაობას…