გიორგი სალუქვაძე,დემეტრე გოგიტიძე ჩემპიონები არიან

საჭადრაკო კლუბში დამთავრდა ოზურგეთის მუნიციპალური ჩემპიონატი 12 და 14 წლამდე ასაკის გოგონებსა და ჭაბუკებს შორის, რომელიც წრიული სისტემით, ცალცალკე მიმდინარეობდა

12 წლამდე ასაკის ჭაბუკებში მოულოდნელობა არ ყოფილა ლიხაურელი გიორგი სალუქვაძის პირველი ადგილი.მისთვის გასულ წელი საკმაოდ წარმატებული იყო და იმედი გვაქვს წელსაც გააგრძელებს აღმა სვლას. მეორე საპრიზო ადგილზე ლევან ვაშალომიძე გავიდა, რომელიც მხოლოდ ნახევარი ქულით ჩამორჩა ჩემპიონს. რომ არა ერთერთ მოსაგებ პარტიაში, დასანანი წაგება, შეეძლო ჩემპიონობაც ეზეიმა. მისასალმებელია,რომ ჭაბუკებში მესამე შედეგი აჩვენა მარიამ მახარაძემ, რაც გოგონათა ჩათვლაში ოქროდ შეფასდა.ბრინჯაოს მედალი კი ანდრია მამულაშვილს ერგო,რომელმაც საკმაოდ კარგი სათამაშო დონე წარმოაჩინა.

14 – მდე წლამდე ასაკი ჭაბუკთა შორის მუნიციპალიტეტის ჩემპიონი გამოცდილი დემეტრე გოგიტიძე გახდა, რომელსაც ამ ტიტულის მოპოვება პრაქტიკულად არ გაჭირვებია. ვიცე- ჩემპიონი ჭაბუკებში და გოგონათა შორის ოქროს მედლის მფლობელი გახდა ლიზი ვასაძე. რომელმაც მომავალში უფრო მაღალი დონის ტურნირებისათვის მზად ყოფნა გამოავლინა. მესამე ადგილზე ლიხაურელი ანდრია კიკაბიძე. გავიდა.ბრინჯაოს მედლით დაჯილდოვდა აკაკი სალუქვაძე,

ჩემპიონატის დახურვაზე აღინიშნა, თუ რა დიდი მნიშვნელობა აქვს, მაღალ შედეგებზე ორიენტირებულ მოჭადრაკეთა ინტენსიურ ჩართულობას სხვადასხვა დონის ტურნირებში. ამ მხრივ,ოზურგეთელი მოჭადრაკეებისათვის ერთერთი სასურველი და ტერიტორიულად მოხერხებული საჭადრაკო ღონისძიებაა – „ნოე ჟორდანიას თასი -2024“ , რომელიც ქ.ლანჩხუთში, 9-14 აპრილს, რესპუბლიკური კალენდრის ფარგლებში ტარდება. იმედია მწვრთნელები და მშობლები მაქსიმალურად შეეცდებიან და შეუწყობენ ხელს, თავიანთ აღსაზრდელების ამ მასშტაბურ ტურნირში მონაწილეობას.