ქართულ – ფრანგული კულტურის დღეებმა ლევილიდან, ოზურგეთის ანზორ ერქომაიშვილის სახელობის სახელმწიფო ფოლკლორის ცენტრში გადმოინაცვლა.
ცენტრი შეხვედრას ,,გურული მომღერლების მემკვიდრეების კვალი მსოფლიოში“ პროექტის ფარგლებში ანხორციელებს.
ფოლკლორის ქალაქში გაიჟღერა საუკუნის წინ საფრანგეთში წასული კვიროსი ჩხაიძის შთამომავლების მიერ შესრულებულმა ჰანგებმა. შესრულდა, ცნობილი კომპოზიტორების ნაწარმოებები ესპანურ, იტალიურ, ინგლისურ, ფრანგულ ენებზე, ასევე ჩვენი პედაგოგების ფოტინე გორდელაძის და ლაშა ჩხარტიშვილის მიერ, ონლაინ ნასწავლი გურული სიმღერები. სცენაზე ერთმანეთს ენაცვლებოდნენ მომღერლები: სულიკო ჩხაიძე, ბიანკა ნემიროვსკა, გოტარისტი- ჟან პიერ ბლუტოა, ჩხაიძეების საოჯახო ანსამბლი შუხუთიდან. შესრულდა ფრანგულ – ქართული ნომრები ანსამბლ „რეხეულთან“, „შემოქმედთან“ და მუსიკოს ზაზა სიმონიშვილთან ერთად.
საღამოს ესწრებოდნენ ოზურგეთის კულტურის სფეროს წარმომადგენლები, ემიგრანტები კანადიდან და სხვა მოწვეული სტუმრები.
სიტყვით გამომსვლელებმა აღნიშნეს, რომ ლევილმა საქართველოს იტორია შემოინახა. საქართველოს და საფრანგეთს აქვს საერთო, ვაზის კულტურა. ლევილის ფესტივალის დროს, ჩაყრილი ვაზის ნერგები, ორ ერს შორის მეგობრობის სიმბოლოს წარმოადგენს. ლევილში ცხოვრობდნენ საქართველოს თავისუფლებისთვის მებრძოლი გურულები, ამიტომ ეს მიწა ძალიან ძვირფასია ჩვენთვის.
საღამო იყო ძალიან ემოციური. სიყვარულით, სევდით და სამშობლოს მონატრებით სავსე.
ინგა დუმბაძე
მსგავსი სტატიები
- 67
https://www.youtube.com/shorts/4RN_CKm85BQმეც იმ ოზურგეთელებს შორის ვარ, სიამაყით და აღტაცებით რომ შეხვდნენ ჩვენს წარმტაც ქალაქში საქართველოს ფოლკლორის სახელმწიფო ცენტრის ოზურგეთის რეგიონული წარმომადგენლობის დაფუძნებას. ვხარობ მისი საქმიანობით; აქ მოღვაწე ადამიანებთან მჭიდრო კავშირში ვარ, და ვიცი იმ პერსპექტივების შესახებ, მომავალში რომ გველოდება. კულტურის ახალ კერას გულითადი მხარდაჭერა სჭირდება და ამასაც თვალნათლივ ვხედავ. ზედმეტად არ… - 58
თაგინურის მიმდებარე ტერიტორიაზე, ფესტივალი „ჯვარიმინდორი 2024“ გაიმართა. ფესტივალი ადგილობრივებს და დამსწრე საზოგადოებას შუახევის მერმა ომარ ტაკიძემ, საკრებულოს თავმჯდომარე როსტომ ლორთქიფანიძემ, აჭარის ფინანსთა და ეკონომიკის მინისტრმა ჯაბა ფუტკარაძემ, საქართველოს პარლამენტისა და აჭარის უმაღლესი საბჭოს მაჟორიტარმა დეპუტატებმა, ანზორ ბოლქვაძემ, ფრიდონ ფუტკარაძემ და მთავრობის სხვა წევრებმა მიულოცეს. დღის განმავლობაში გაიმართა კულტურულ-გასართობი, სპორტული და… - 56
საქართველოს ქორეოგრაფთა ასოციაციამ წარმატებული შემოქმედებითი მოღვაწეობის, ქართული კულტურისა და ხელოვნების განვითარების საქმეში შეტანილი წვლილისათვის ოზურგეთის მუნიციპალიტეტის მოსწავლე ახალგაზრდობისა და კულტურის ცენტრის ხელმძღვანელი კობა ბანძელაძე „საქართველოს ხელოვნების ამაგდარის ორდენით“ დააჯილდოვეს. კობა ბანძელაძეს ჯილდო გუშინ, ოზურგეთის სახელმწიფო თეატრში ქორეოგრაფიულ ანსამბლ „ზენაარის“საიუბილეო კონცერტზე გადასცეს. გაზეთ „ალიონის“ რედაქცია ულოცავს კობა ბანძელაძეს ამ ჯილდოს. - 56
9 - 21 აგვისტოს ოზურგეთის სახელმწიფო ანსამბლი „გურია“ მიემგზავრება ესპანეთში. ანსამბლი „გურია“ მიწვეულია მსოფლიო საერთაშორისო XXXVI ფესტივალზე სადაც მონაწილეობს მსოფლიოს სხვა და სხვა ქვეყნის ანსამბლები. ანსამბლ „გურიას“ გარდა ამ ფესტივალში მონაწილეობას მიიღებენ არგენტინის, პერუს,ბრაზილიის, ბოლივიის, კანარის კუნძულების (ესპანეთი) და სხვა ქვეყნების ცნობილი ანსამბლები. აღნიშნულ ინფორმაციას კობა დუნდუა ავრცელებს. - 54
გურული, ოზურეთის მუნიციპალიტეტის სოფელ ლიხაურიდან დები ეკა და ლანა სალუქვაძეები კულინარიული შოუ „სამზარეულოს ომების“ მე-8 სეზონის გამარჯვებულები გახდნენ. „სამზარეულოს ომების“ გამარჯვებულებს ორთაჭალა გეითის“ საცხოვრებელი აპარტამენტი გადაეცათ.