„კოალიცია ცვლილებისთვის“- საპარლამენტო მანდატებზე უარს ამბობს

„კოალიცია ცვლილებებისთვის“ უარს ამბობს საპარლამენტო მანდატებზე და არჩევნების შედეგებს “გაყალბებულად და არალეგიტიმურად აცხადებს.

„ჩვენ არ ვაპირებთ ქართველი ხალხის მოპარული ხმების ლეგიტიმაციას, ჩვენ საკუთარ საპარლამენტო მანდატებზე ვამბობთ უარს. მე, ნანა მალაშხია სიის პირველი ნომერი, პოლიტიკაში შემოვედი იდეებისათვის და ამ ქვეყნის ინტერესების დასაცავად. მე დღეს უარს ვამბობ ჩემს საპარლამენტო მანდატზე“,– განაცხადა ბრიფინგზე ნანა მალაშხიამ.

მალაშხიას თქმით, კოალიცია  ცვლილებების ასევე სიის პირველო ოცეული უარს ამბობს მანდატებზე.

„ასევე მიერთდება სიის ოცეული: ნიკა მელია, ზურაბ გირჩი ჯაფარიძე, გიგა ლემონჯავა, თენგიზ ცერცვაძე, ცოტნე კობერიძე, გიორგი კირთაძე, ივანე ჭყონია, ხათუნა სამნიძე, ოქტაი ქაზუმოვი, მაია კოპალეიშვილი, ბორის (ჩელე) ყურუა, ანა გოგოლაძე, გიორგი ბუტიკაშვილი, გიორგი იმედაშვილი, ელენე ხოშტარია, სოფია გოლეთიანი, მარიკა არევაძე, ანი ქავთარაძე, თორნიკე ბიკაშვილი“, – თქვა ნანა მალაშხიამ.

ცენტრალური საარჩევნო კომისიის ინფორმაციით, 3 111 საარჩევნო უბნიდან დათვლილია – 3 100. წინასწარი შედეგებით, 5%–იანი ზღვარი 5-მა პარტიამ გადალახა. ამომრჩეველთა ხმები ასე გადანაწილდა:

N4 – „კოალიცია ცვლილებებისთვის, გვარამია, მელია, გირჩი, დროა“ – 10. 923%;

N5 – „ერთიანობა ნაციონალური მოძრაობა“– 10. 122%;

N9 –„ძლიერი საქართველო – ლელო ხალხისთვის თავისუფლებისთვის“ – 8.781%;

N25 – „გახარია საქართველოსთვის“ – 7.761%;

N41 – „ქართული ოცნება“ – 54. 086%;

მსგავსი სტატიები