„მერცხალმა“ მე-4 ლიგაში ადგილი შეინარჩუნა

დღეს ოზურგეთის „მერცხალმა’“ წყალტუბოს  „სამგურალი 2“ ანგარიშით 3:1 დაამარცხა და საქართველოს საფეხბურთო ჩემპიონატის მეოთხე ლიგაში ადგილი შეინარჩუნა.

ამ მეტად მნიშვნელოვან მატჩში წყალტუბოელები დაწინაურდნენ.პირველი ტაიმი მათივე გამარჯვებით დასრულდა.

მეორე ტაიმში „მერცხალი“ უკეთ თამაშობდა. 52-ე წუთზე დავით ბოლქვაძემ ანგარიში გაათანაბრა. მომდევნო წუთებში კიდევ მერცხალმა კიდევ ორი გოლი გაიტანა და საბოლოოდ დამაჯერებელი ანგარიშით 3:1 გაიმარჯვა.

„მერცხალს“ 27 ტურის შემდეგ (11 მოგება, 4 მოგება, 12 წაგება,ბ/შ 56:54) 37 ქულა აქვს და 37 ქულით მე-10 ადგილზე იმყოფება.

ბოლო ტურში „მერცხალი“ თბილისში „ვარკეთილი 2“ შეხვდება, რომელიც სახიფათო ზონაშია და 33 ქულა აქვს. მას მოგება სჭირდება, რომ „ვიტ ჯორჯია 2“-ს (ამ უკანასკნელის წაგების შემთვევაში) აჯობოს, თუმცა „ვიტ ჯორჯია 2“ ლიგის ქრონიკულ აუტსაიდერს, საჩხერის „ჩიხურას“ ღებულობს, რომელსაც 27 შეხვედრაში მხოლოდ 2 მატჩი აქვს მოგებული და მხოლოდ 6 ქულა აქვს.(ბ/შ 20:113).

„ჩიხურა“ 10ოდე წლის წინ საქართველოს პირველობის უმაღლეს ლიგაში ასპარეზობდა, ფლობდა საქართველოს სუპერთასს და უეფას თასზეც ასპარეზობდა. სამწუხაროდ, დღეს ქართულ ფეხბურთში წარსულში დიდი ისტორიის მქონე რამდენიმე გუნდი დღეს წარუმატებლად გამოდის. ჩვენს რეგიონში ამის მაგალითი ლანჩხუთის „გურიას“ წლევანდელი სეზონია და არც „მერცხალს“ უკავია ქვეყნის გუნდებს შორის შესაფერისი ადგილი.

მსგავსი სტატიები