დღეს, ლანჩხუთის მუნიციპალიტეტის სოფელ შუხუთში გოდერძი მახარაძის მსოფლიოს (გინესის) ახალი რეკორდების მოწმენი გავხდით.
მან ტრადიციული ლელობურთის დაწყებამდე ფეხბურთის, კალათბურთის და ბოლოს ლელოს გათამაშაბისათვის სპეციალურად შეკერილი 16-კილოგრამიანი ბურთით სამი ახალი მსოფლიო რეკორდი დაამყარა.
ფეხბურთის ბურთის თავით კენწვლით სირბილში მან 2022 წელს ქ. ბოლნისში დამყარებული რეკორდი (49,87) გააუმჯობესა და 37,7 წამში გაირბინა.
მეორე რეკორდი კალათბურთის ბურთით თავით კენწვლით 200 მეტრი 1 წუთზე ნაკლებ დროში უნდა გაერბინა. წამზომმა 51,8 წამი დააფიქსირა.
რაც შეეხება მესამე რეკორდს, იგი სენსაციური იყო, რადგან მას თავზე გაჩერებული ლელოს 16,4 კილოგრამიანი ბურთით 50 მეტრი მანძილი 32,3 წამზე ნაკლებ დროში უნდა გაერბინა, რომ გაეუმჯობესებინა წინა წელში სოფ. შუხუთში დამყარებული მისივე რეკორდი. გოდერძიმ ეს შეძლო და მისი სარეკორდო დრო ამჯერად 25,66 წამი იყო.
როგორც გოდერძი მახარაძემ გვითხრა, მისი რეკორდები მიუძღვნა უეფსის მებრძოლებს: მერაბ დვალიშვილს, ილია თოფურიას, ალექსანდრე თოფურიას და რომან დოლიძეს.
როგორც გავიგეთ, გოდერძი მახარაძე მორიგ რეკორდებს 26 მაისს ქ. ოზურგეთშიც დაამყარებს.
მსგავსი სტატიები
- 67
შარშან, აღდგომას, ლანჩხუთის მუნიციპალიტეტის სოფელ შუხუთში ოზურგეთელმა გოდერძი მახარაძემ მორიგი ორი მსოფლიო რეკორდი დაამყარა. მან მნიშვნელოვნად გააუმჯობესა პოლ ხანის (შვეიცარია) მიერ დამყარებული რეკორდი და 111-ის ნაცვლად სახანძრო კიბის 358 საფეხური დაძლია. ამისთვის მას 17 წუთი და 35 წამი დასჭირდა. მეორე რეკორდი „ექსკლუზიური“ იყო გოდერძისათვის. მას არამატერიალური კულტურული მემკვიდრეობის ძეგლად გამოცხადებული… - 66
მსოფლიოს (გინესის) ათეულობით რეკორდის ავტორი, გოდერძი მახარაძემ დღეს, ქ. ოზურგეთში _„ჭადრების ბაღში“ 26 მაისის ღონისძიებაზე მსოფლიოს (გინესის) ორი ახალი რეკორდი დაამყარა. პირველი _5 წუთში თავით 394-ჯერ აკენწლა ბურთი; მეორე რეკორდი კი შარშან, ლანჩხუთში დამყარებული რეკორდის გაუმჯობესება გახლდათ, როცა იგი 1 საათისა და 35 წუთის განმავლობაში თავით კენწლავდა ბურთს. მან იქ… - 64
მსოფლიოს (გინესის) ათეულობით რეკორდის ავტორი, გოდერძი მახარაძე ხვალ, ქ. ოზურგეთში _„ჭადრების ბაღში“ 26 მაისის ღონისძიებაზე მსოფლიოს (გინესის) ორ ახალ რეკორდს დაამყარებს. როგორც მან გაზეთ „ალიონთან“ თქვა, ორთავე რეკორდის კალათბურთის ბურთით თავით კენწვლაში დაამყარებას გეგმავს. პირველი _5 წუთში თავით 500-მდე უნდა აკენწლოს თავით ბურთი; მეორე რეკორდი კი შარშან, ლანჩხუთში დამყარებული რეკორდის… - 64
მსოფლიოს (გინესის) ათეულობით რეკორდის ავტორმა გოდერძი მახარაძემ დღეს, ქ. ოზურგეთში „ჭადრების“ ბაღში მსოფლიოს მორიგი რეკორდი დაამყარა. მან თავით კალათბურთის ბურთი 5 წუტში 394-ჯერ აკენწლა. ამ წუთებში კი იგი მსოფლიოს მეორე რეკორდის დამყარებას აპირებს და უკვე შეუდგა სარეკორდო მარათონს. მეორე რეკორდი კი შარშან, ლანჩხუთში დამყარებული რეკორდის გაუმჯობესებაა, როცა იგი 1 საათისა… - 64
წინაპართა ტრადიციების გაგრძელების ნათელი მაგალითია სოფელ შუხუთში ლელოს თამაში. მას ამ სოფელში უძველესი დროიდან თამაშობენ. თამაშობდნენ ომის დროსაც, იმიტომ რომ ეს თამაში მარტო გართობა არ იყო. ამ თამაშში ჩანს ქართველი კაცის ბუნება, ლელოს გატანა თითოეული მოთამაშისთვის თვითმიზანი კი არ არის, არამედ ლტოლვა თავისუფლებისაკენ- საკუთარი ლელოს გატანისაკენ. ლელოს ოდითგანვე გურიის …