თემურ ჩხაიძის საიბილეო ტურნირი ფეხბურთში

დასრულდა „გურიას“ ლეგენდარული კაპიტნისა და საუკუნის საუკეთესო ფეხბურთელად დასახელებული თემურ ჩხაიძის 70 წლის იუბილესადმი მიძღვნილი ტურნირი ფეხბურთში 2011-12 წლებში დაბადებულ ჭაბუკებს შორის.

შეჯიბრი გურიის რეგიონალური ფეხბურთის ფედერაციის პატრონაჟით გაიმართა,  მას მხარდაჭერას უწევენ საქართველოს ფეხბურთის ფედერაცია, ქართული ფეხბურთის განვითარების ფონდი და ლანჩხუთის მერია. წლევანდელ გათამაშებას სპონსორული დახმარება გაუწია „ტრენაჟორების სახლმა“.

ტურნირში  4 რეგიონის გუნდი იღებდა ტურნირში მონაწილეობას _ გურიას ამავე სახელწოდების ლანჩხუთის საფეხბურთო სკოლის გუნდი წარმოადგენდა, სამეგრელოს _ ზუგდიდის „ბაია“, აჭარიდან იყო ქობულეთის „ჩელე“, ხოლო  იმერეთიდან _ ქუთაისის „მართვე“.

ტურნირზე  ლანჩხუთელებმა „ჩელე აკადემია“ დათა ღლონტის მიერ მატჩის დასაწყისშივე (მე-5 წუთზე) გატანილი გოლით დაამარცხეს 1:0, ხოლო „ბაიამ“ 4:1 მოუგო ქუთათურებს. მესამე ადგილისთვის მატჩი გაიმართა _ „მართვემ“ ქობულეთელებს 2:1 მოუგო და საპრიზო ადგილს დაეუფლა.

28 აპრილს მთავარი პრიზისათვის გურულ-მეგრული დაპისპირება გაიმართა, სადაც ლანჩხუთის საფეხბურთო სკოლის გუნდი პირველივე წუთზე გიორგი რუსიეშვილის გოლით დაწინაურდა. მალევე საბა ხურცილავამ გურულების უპირატესობა სოლიდური გახადა. ზუგდიდლებმა მხოლოდ ერთი გოლით უპასუხეს, „გურიამ“ 2:1 მოიგო და ლეგენდარული კაპიტნის საიუბილეო ტურნირის თასიც!  (მწვრთნელები _ შაქრო ბარამიძე, ავთანდილ ნარიაშვილი).

გამარჯვებულებს თასები და სიგელები გადასცეს, ასევე საუკეთესო მოთამაშეები დააჯილდოვეს თავად თემურ ჩხაიძემ და „გურიას“ სხვა ცნობილმა სახეებმა _ გიგლა იმნაძემ, ზვიად ენდელაძე, თემურ ლორიამ, ავთანდილ ნარიაშვილმა, ლანჩხუთის მერის მოადგილე თორნიკე ტიკაძემ, გურიის რეგიონული ფედერაციის პრეზიდენტმა დავით მუჯირმა, გენერალურმა მდივანმა და ტურნირიის მთავარმა სულისჩამდგმელმა თეიმურაზ ალექსაიამ. გურული ფეხბურთის თავკაცებმა გუნდები ბურთებითა და სპორტული ეკიპირებით დაასაჩუქრეს.

მსგავსი სტატიები