სუსმა სახელმწიფოს კუთვნილი 403 095 ლარის თაღლითურად დაუფლების ფაქტზე შპს „გურია ენერჯის“ დირექტორი მამუკა ჟღენტი და საზედამხედველო კომპანიის თანამშრომელი პ.რ. დააკავეს. ასევე, ბრალდება წარედგინა კომპანიის კიდევ ერთ თანამშრომელს ტ.მ-ს.
კომპანიის სახელი უკავშირდება კიდევ ერთ მონაკვეთს. ნორიო-ლილოს დამაკავშირებელი ადგილობრივი მნიშვნელობის გზაზე ხიდი 2024 წლის ივლისში ჩაინგრა. ხიდზე საგზაო სამუშაოები ორი წლით ადრე სწორედ „გურია ენერჯიმ“ ჩაატარა. მაშინ კომპანიაში BMG-ის განუცხადეს, რომ კონტრაქტის ფარგლებში მათ აღნიშნულ ხიდზე მხოლოდ ასფალტის საფარი დააგეს.
სუს-ის ინფორმაციით, საქმე ეხება დიდი ოდენობით თაღლითობას, დახმარებას და ყალბი ოფიციალური დოკუმენტის დამზადება-გამოყენებას. გამოძიებით დადგინდა, რომ 2022 წლის სექტემბრიდან 2023 წლის იანვრის ჩათვლით, გარდაბნის მუნიციპალიტეტში ნორიო-ლილოს დამაკავშირებელი 3.52 კმ სიგრძის ადგილობრივი მნიშვნელობის საავტომობილო გზის სარეაბილიტაციო სამუშაოების შესრულებისას, „გურია ენერჯის“ დირექტორმა, საზედამხედველო კომპანიის თანამშრომლის დახმარებით, ყალბი დოკუმენტების გამოყენებით მოტყუებით დაეუფლა რეგიონული განვითარებისა და ინფრასტრუქტურის სამინისტროს კუთვნილ 403 095 ლარს.
სუს-ის ცნობით, ექსპერტიზის დასკვნით დადასტურდა, რომ აღნიშნული გზის რეაბილიტაციის შედეგად ჩაბარებული სამუშაოები ექსპლუატაციისთვის უვარგისია, რაც სახელმწიფოსთვის დიდი ოდენობით ზარალის მიყენებას ნიშნავს.
გამოძიება მიმდინარეობს საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით (დიდი ოდენობით თაღლითობა), 25, 180-ე მუხლის მე-3 ნაწილის „ბ“ ქვეპუნქტით (თანამონაწილეობა) და 362-ე მუხლის მეორე ნაწილის „ბ“ ქვეპუნქტით (ყალბი ოფიციალური დოკუმენტის დამზადება-გამოყენება). დანაშაულის დამტკიცების შემთხვევაში, სასჯელი 6-დან 9 წლამდე თავისუფლების აღკვეთას ითვალისწინებს.
სუს-ში აცხადებენ, რომ კორუფციასთან ბრძოლა მომავალშიც გაგრძელდება და მსგავს დანაშაულებზე რეაგირება შეუქცევადი ხასიათის იქნება.
აღსანიშნავია, რომ მამუკა ჟღენტი შპს ბ.პ. ბეტონის თანამფლოებელია ბიჭიკო პაიკიძესთან ერთად, რომელსაც ასევე ბრალად ედება ინფრასტრუქტურის სამინისტროს კუთვნილი თანხის მითვისება.
შპს „გურია ენერჯი“ 2020 წლის 30 დეკემბერსაა რეგისტრირებული, რომლის დირექტორი და 100 %-იანი წილის მფლობელი მამუკა ჟღენტია.
მსგავსი სტატიები
- 51
შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის დეტექტივების (ოპერატიული) და საგამოძიებო სამმართველოების თანამშრომლებმა, ერთობლივად ჩატარებული ოპერატიული ღონისძიებებისა და საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალების მართლსაწინააღმდეგო შეძენა-შენახვის ბრალდებით 1995 წელს დაბადებული დ.გ. დააკავეს. დანაშაული 20 წლამდე ან უვადო თავისუფლების აღკვეთას ითვალისწინებს. სამართალდამცველებმა ნარკოდანაშაულის ბრალდებით დაკავებულის პირადი და საცხოვრებელი სახლის… - 51
შინაგან საქმეთა სამინისტროს იმერეთის პოლიციის დეპარტამენტის წყალტუბოსა და თერჯოლის რაიონული სამმართველოების თანამშრომლებმა, ოპერატიული ღონისძიებებისა და საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და გასაღების მომზადების ბრალდებით უკრაინის რესპუბლიკის მოქალაქე, 1993 წელს დაბადებული ი.ზ. დააკავეს. დანაშაული 20 წლამდე ან უვადო თავისუფლების აღკვეთას ითვალისწინებს. სამართალდამცველებმა ნარკოდანაშაულის ბრალდებით დაკავებულის პირადი… - 50
შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, პოლიციაზე თავდასხმის ბრალდებით ერთი პირი - 1987 წელს დაბადებული თ.ზ. დააკავეს. დანაშაული 7 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ მიმდინარე წლის პირველ დეკემბერს, რუსთაველის გამზირზე, აქციის მიმდინარეობისას, ბრალდებულის მიერ სამართალდამცველების მისამართით ნასროლი ე.წ. მოლოტოვის… - 48
შინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, დიდი და განსაკუთრებით დიდი ოდენობით ნარკოტიკული საშუალებების არაერთგზის, უკანონო შეძენა-შენახვა, დამზადების ბრალდებით, 1978 წელს დაბადებული დ.ხ. და წარსულში ნასამართლევი 1980 წელს დაბადებული თ.ხ. დააკავეს. დანაშაული 8-დან 20 წლამდე ან უვადო თავისუფლების აღკვეთას ითვალისწინებს.… - 48
გარემოს დაცვისა და სოფლის მეურნეობის სამინისტროს სოფლის განვითარების სააგენტოს პროექტების მართვის და ტექნიკური დახმარების დეპარტამენტის უფროსი თორნიკე კაპანაძე ფინანსთა სამინისტროს საგამოძიებო სამსახურმა დააკავა. საქმე ეხება ბიუჯეტიდან თანხის დაუფლებას. წარდგენილი ბრალის და დანაშაულებრივი სქემის შესახებ ბრიფინგი უწყების უფროსის მოადგილემ, ელგუჯა თავბერიძემ გამართა. მისი თქმით, დანაშაულებრივ ჯგუფში 12 პირი მონაწილეობდა, ხოლო დაუფლებული…