მერაბ ბერძენიშვილის სახელობის ოზურგეთის მუნიციპალიტეტის თანამედროვე სახვითი ხელოვნების ცენტრის საგამოფენო სივრცეში, 18 დეკემბერს გაიხსნა შესანიშნავი ბათუმელი მხატვრების, ვაჟა და გელა გორგილაძეების გამოფენა.
ძმებ გორგილაძეების შემოქმედება უდავოდ გამორჩეულია თანამედროვე ქართულ ხელოვნებაში. ვერნისაჟზე წარმოდგენილია გელა გორგილაძის დახვეწილი, ოსტატურად შესრულებული კომპოზიციები; მათ შორის, ქალაქის პეიზაჟები, სადაც გაცოცხლებულია ძველი ბათუმის უკვე რარიტეტად ქცეული ღირშესანიშნაობანი; დამთვალიერებელი ასევე გაეცნობა ვაჟა გორგილაძის უაღრესად საინტერესო გობელენების მთელ სერიას.
გამოფენის გახსნისას, დამსწრე საზოგადოებას სიტყვით მიმართეს მერაბ ბერძენიშვილის სახელობის თანამედროვე სახვითი ხელოვნების ცენტრის დირექტორმა – გრაფიკოსმა ავთანდილ თავართქილაძემ;
ოზურგეთის მუნიციპალიტეტის მერმა, ბატონმა პაატა კუნჭულიამ; ბათუმელმა მხატვრებმა: ნოდარ კვირკველიამ და ირინა ტორონჯაძემ;
გურიის რეგიონის შემოქმედებითი კავშირის თავჯდომარემ თამაზ დარჩიამ, მხატვარმა ვახტანგ მამეიშვილმა და სხვა სტუმრებმა.
გამოფენა შობამდე გასტანს. ოზურგეთელ ხელოვნების მოყვარულებს შეუძლიათ, ეწვიონ ოზურგეთის სახვითი ხელოვნების ცენტრს.
მსგავსი სტატიები
- 68
ცნობილი მწერალი, პოეტი, პუბლიცისტი და ჟურნალისტი, გაზეთ „ალიონის“ ყოფილი თანამშრომელი _გენრიეტა ქუთათელაძე 82 წლისაა. ვულოცავთ! * * * დარდმა და მწუხარებამ დააჭკნო ეს ქალი, ეს ქალი, წარსულში რომ ჰგავდა ყაყაჩოს, სასტიკმა ცხოვრებამ დასეტყვა, დამეხა, დაცეცხლა დააზრო და დააბერა, ლამის დაახრჩო (ეჰ, რა ძნელია დევნილის ხვედრი). შიში შეეყარა სახადივით და ფიქრებს… - 66
„გააგრძელე შენი კუთხის ფოლკლორი“ - ოზურგეთის ფოლკლორის ცენტრში პროექტის გამარჯვებულთა დაჯილდოვება და საზეიმო კონცერტი გაიმართა. პროექტის ფარგლებში ოზურგეთის მუნიციპალიტეტის საჯარო სკოლის მასწავლებლებმა თავის მოსწავლეებთან ერთად თავიანთი სოფლის ცნობილი მომღერლებისა და სოფელში არსებული გუნდების შესახებ მოიძიეს ინფორმაცია, რომელიც ამ პროექტის საშუალებით გასაჯაროვდა. პროექტში მონაწილეობა მიიღეს - ძიმითის, დაბა ნასაკირალის, მშვიდობაურის, მთისპირის,… - 65
9 სექტემბერს, მერაბ ბერძენიშვილის სახელობის ოზურგეთის მუნიციპალიტეტის თანამედროვე სახვითი ხელოვნების ცენტრში შემოქმედებითი სახელოსნო GURIAN ART წევრთა და მოწვეულ მხატვართა დაზგური გრაფიკისა და ბეჭდური მხატვრობის გამოფენა გაიმართა. გამოფენაზე წარმოდგენილია ვახტანგ მეგრელიშვილის, სერგო გოგოლაძის, ოქსანა სტრატიჩუკის (უკრაინა) , ირინა ხარატიშვილის, ია არსენიშვილის, დოდო თაყაიშვილის, თამაზ, გია, საბა დარჩიების, დავით უღრელიძის, ლიკა კერვალიშვილის,… - 65
რატომ და ვინ ესროლა ილია ჭავჭავაძეს, როგორ გაიარა მისთვის ნასროლმა ტყვიამ საქართველოს გულთან და საფიქრალი - „მეცა ვტანჯულვარ, ჰე, ბედკრულო, შენის ტანჯვითა“, ან კიდევ „რასაც ვმსახურებთ, მას ერთგულად კვლავ ვემსახუროთ“... საუკუნეზე მეტია, ეს კითხვები ტკივილიან განცდებად ტრიალებს ჩვენი ერის გულსა და გონებაში. მეტიც, მუდმივად ანთია ერის სულიერების ცაზე და მკვეთრი… - 65
დღეს, ქ. ოზურგეთში, მერაბ ბერძენიშვილის სახელობის ოზურგეთის მუნიციპალიტეტის თანამედროვე სახვითი ხელოვნების ცენტრში გაიხსნა გამოფენა „შემოქმედებითი კავშირები.“ როგორც გამოფენაზე ცენტრის დირექტორმა ავთანდილ თავართქილაძემ გვითხრა, ეს საგამოფენო პროექტი წარმოიშვა მხატვრების, ალეკო ლომაძისა და პიპო ალტომარეს კოტაქტიდან და მათი საერთო სურვილით, შეექმნათ საგამოფენო შესაძლებლობები ეროვნული საზღვრებს მიღმა. ასევე ამ გამოფენაში მონაწილეობენ, თავად ავთანდილ…