დაბა ურეკში იური ჩხაიძის სახელობის ტურნირი დასრულდა

2025 წლის 19–20–21 დეკემბერს, დაბა ურეკში გაიმართება ვეტერანი ფეხბურთელისა და მწვრთნელის, იური ჩხაიძის სახელობის სამდღიანი ტურნირი ფეხბურთში. ტურნირის მთავარი გამარჯვებული ქობულეთის „ბომბორა 1“ აკადემია გახდა, რომელმაც ოქროს ფინალში „ფოთი 1“ 4:2 დაამარცხა.

ტურნირი ჩატარდა 2017 წელს დაბადებულ ბავშვებს შორის და მასში მონაწილეობას მიიღეს 9 გუნდმა აჭარიდან, სამეგრელოდან და გურიიდან.

ტურნირის მიზანი გახლდათ ჯანსაღი ცხოვრების წესის პოპულარიზაცია, ბავშვთა ფეხბურთის განვითარება და ვეტერანი ფეხბურთელების ღვაწლის დაფასება, მათი ისტორიის გაცნობა ახალი თაობისთვის.

ოქროს ნახევარფინალში „ბომბორა 1“-მა „ლაგუნა“ 2:0 დაამარცხა, ხოლო ოზურგეთის „ბრიჯისა“ და „ფოთი 1“-ის დრამატული მატჩი ფრედ, 5:5 დასრულდა, პენალტების სერიაში  ფოთელებმა იმარჯვეს: 4:2.

ოქროს ფინალში კი „ბომბორა-1“ აკადემიამ „ფოთი“ ერთი 4:2 დაამარცხა და იური ჩხაიძის თასს დაეუფლა.

რაც შეეხება ოქროს მესამე ადგილს აქ „ლაგუნამ“ ოზურგეთის „ბრიჯს“ მოუგო.

ვერცხლის ფინალში ურეკის „ფინტი“ „ჩელეს აკადემიას“ შეხვდა, 2:1 მოუგო; ხოლო მე-3 ადგილისთვის „ფოთი 2“-მა „ლაგუნა 2“4:2 დაამარცხა.

გამარჯვებულ გუნდებს და ფეხბურთელებს შესაბამისი თასები და მედლები გადასცეს.

ვერცხლის ლიგადან საუკეთესო მეკარის პრიზი ურეკის „ფინტის“ მეკარე ლუკა თურმანიძემ დაიმსახურა; ოქროს ლიგიდან კი დანიელ ბოლქვაძემ („ბომბორა“ ქობულეთი).

საუკეთესო მცველის პრიზი თედო ჩხაიძეს გადაეცა („ფინტი“ ურეკი);

საუკეთესო ფეხბურთელად დაასახელეს: ვერცხლის ლიგიდან _ გუგუა ნიჟარაძე („ჩელე აკადემია“); ოქროს ლიგიდან _აპოლო სიჭინავა _(„ფოთი 1“).

ტურნირის ბომბარდირი გახდა ოზურგეთის „ბრიჯის“ თავდამსხმელი კახა მალაზონია, რომელმაც 11 გოლი გაიტანა.

უნდა აღინიშნოს, რომ ტურნირი კარგად იყო ორგანიზებული საფეხბურთო კლუბ „ფინტის“ მიერ (დამფუძნებელი და მწვრთნელი მირიან გაგუა).  როგორც შეჯიბრების ორგანიზატორებმა დახურვის ცერემონიალის დროს აღნიშნეს, ასევე  სამადლობელი ეკუთნის ურეკის საფეხბურთო ბაზის მფლობელს, „იბერია 1999“ პრეზიდენტს ტარიელ ხეჩიკაშვილს,შპს „ანკერის“ მფლობელებს  თენგიზ ქურცუას და სალომე გოგუაძეს.

იური ჩხაიძე ქართული ფეხბურთის გამორჩეული წარმომადგენელი იყო — იგი თამაშობდა საბჭოთა კავშირის უმაღლეს ლიგაში ქუთაისის „ტორპედოს“ შემადგენლობაში, ასევე ოზურგეთის „მერცხალში“, სადაც მოგვიანებით მთავარი მწვრთნელის როლშიც საქმიანობდა. იგი ასევე იყო საფეხბურთო კლუბ „ბასა“-ს ერთ-ერთი დამფუძნებელი.

მსგავსი სტატიები